أهلا وسهلا بك إلى فكك مني Fokak Meny.
  • تسجيل الدخول:

لا إله إلا أنت سبحانك إني كنت من الظالمين

اللهم اعطنا القوة لندرك أن الخائفين لا يصنعون الحرية ، و الضعفاء لا يخلقون الكرامة ، و المترددين لن تقوى أيديهم المرتعشة على البناء

- الإهدائات >> فراشة الاسلام الي فكك منى : المنتدى وحشنى اوووووووووووووووووووى رغم الفضاء والتصحر ده كوكى الي مصطفى شومان : انت فين يا ابنى انت انا جيييييييييييييت ده لو انت فاكرنى اصلا؟؟؟؟ فراشة الاسلام الي اعضاء منتدى فكك منى : كل سنة وانتوا طيبين وعيد سعيد عليكوا Mannora الي اصحااااااااااااب زمااان : مس يووووووووووووووو فينيام زمان كنا بنذاكر ع فكك ونطبق يوميا يخرب بيت الفيس بقى مجهول الي fokakmeny_down : منتدى ثقيل دم موووو حلووو أستغفر الله العظيم لولا الي كل المنتدى : وحشتونى وحشتونى وحشتونى وكل سنة وانتم طيبين وبخير همسة الي فكك منى : وحشتنى يا منتدايا الغالى , سلامى لكل الناس اللى موجوده وبالأخص صحابى ,فكك منى 2007 و 2008 كان بيتنا وجنتنا. فراشة الاسلام الي كل اعضاء فكك منى : اووووووووووف الدراسة تانى مش هخلص انا شكلى باااااااااااااااى باااااااااااى فكك منى فراشة الاسلام الي كل كل اعضاء منتدى فكك منى : احلفكوا بأيه فوووووووقوا شوية .......حرام عليكم المنتدى عفن من كتر الركنة الشبح الي كل اعضاء فكك منى : لقد عاد شبح المنتدى من اراد منك شئ فليطلبة منى

معلومات الموضوع

تعليقاتى اللولبية على الثورة المصرية

رابط الموضوع لارساله الى اصدقائك
https://fokakmeny.fokak.us/showthread.php?t=29192

النتائج 1 إلى 10 من 10
  1. #1
    Moderators
    الصورة الرمزية Nadooosh

    رقم العضوية : 430
    تاريخ التسجيل : Oct 2007
    المشاركات : 4.937
    مزاجي : Angelic
    شكراً : 0
    تم شكره 3 مرة في 3 مشاركة
    مقالات المدونة : 1
    الدولة : انا مش هناك خالص
    الجنس : راجل
    العمر : 36
    بيانات الاتصال :
    تابعني :
    الحالة : Nadooosh غير متواجد حالياً
    تقييم المستوى : 21
    Array

    G تعليقاتى اللولبية على الثورة المصرية

    مبدئيا كدة الموضوع دة بتاع عز هو الى كتبة
    وانا معملتش حاجة غير انى نسقتة ونزلتة ع المنتدى عشان ايدة وجعتة قوى ومقدرش يكمل
    قلت اكسب فية ثواب وانزلهولة
    على الله يطمر




    انا زهقت من الاعتصامات فى التحرير
    (انت خاين ومن اتباع النظام القديم)

    يا جماعه احمد شفيق وحكومته ياخدوا فرصه
    (انت حزب وطنى - شفيق حلف اليمين قدام مبارك)

    يا جماعه لازم الناس اللى اتقبض عليها دى تدافع عن نفسها
    (انت بتقول ايه!!!!! الناس دى لازم تتعدم بدون محاكمه)

    ------------------------------------------
    اول نقطه: تغيير - حرية - عدالة اجتماعية

    خرج المصرين يوم 25/يناير عشان ال3 طلبات دى والامن بهدل الدنيا والشعب ثار بقى الموضوع اسقاط النظام وتم اسقاط النظام فى الفتره من 25/يناير وحتى تحنى مبارك فى 11/فبرايرالبلد خسرت شهداء واقتصادها اتبهدل والحراميه هربوا من السجون والناس ودول خلاص مش عارف فى ايه!!!!!! كان برأى ان اللى موجودين فى التحرير من بعد تنحى مبارك حاجه من اربع حاجات
    1-ناس معندهمش شغل وقاعدين يسلوا نفسهم ويتصورا
    2-ناس مؤمنين بحاجه مش موجوده اصلا بس قاعدين وخلاص
    3-موظف غلبان بعد اما يخلص شغل مبيحبش يصرف فلوس ع القهوه او بيخاف من مراته فبيبروح يقضى باقى وقته فى الميدان
    4- عيال فرفير عجبهم الجو وكل واحد معاه الهايك بتاعه وصحباته البنات بتجيلوا كل يوم من الصبح لبليل
    يعنى لو قلنا متوسط 250000 متظاهر فى الايام اللى بعد تنحى الرئيس مبارك من وجهة نظرى كانوا بيتكونوا من المجموعات دى
    انا شايف ان الناس دى لو كانت بعد تنحى الرئيس مبارك رجعت بيوتها واهتم ببناء البلد احنا فى 11 مارس كان اقتصادنا ع الاقل رجع لنقطع 24 يناير نما للاسف بسبب تواصل الغباء البلد بتتراجع ومش قادره تقف حتى فى مكانه
    البلد بالظبط زى العربيه اللى نازله منحدر ومحدش قادريوقفها ولا هى قادره توقف نفسها
    اعترضنا كتير على المظاهرات دى وتوقيتها يطلع واحد شكله غريب يقولك ثوره مضاده !
    طب يا عم انا نزلت مظاهرات وشاركت فيها وشايف انه دلوقتى لازم نبنى ازاى هيبقى مضاد لنفسى!!
    بالظبط عاملين زى امريكا فى حربها ع العراق مش معايا تبقى ضدى.

    --------------------------------------------
    غريب اوى موقف المتظاهرين اللى كانوا بيطلبوا باقاله شفيق

    راجل الكل بيشهدله بالكفاءه وكلنا ارتحنا لاسلوبه فى الكلام وشخصيها عندها قبول عند اغلبيه المصرين
    بس اخخخخخخخخ عيبه انه سلم على مبارك ومن عهد مبارك. مش عارف المتظاهرين كانوا مقتنعين بالاسباب دى ؟مستحيل
    طب ليه مطلبوش ان المترو يتقفل لان مبارك افتتحه وليه مطلبوش ان مكتبه اسكندريه تتهدم لانها كانت فى عهد الرئيس مبارك؟
    علمنى يابا الهيافه تعالا يابنى فى الهايفه واتكلم .

    --------------------------------------------
    قريت للاستاذ نبيل فاروق (مؤلف سلسله رجل المستحيل) مقاله كانت فى مصراوى بيتكلم فيها عن انه الناس المقبوض عليها دى لازم تدافع عن نفسها لازم نسمعها برغم كل اللى حصل مينفعش نبقى همج ونشنق ونصدر فى احكام بدون سماع وجهة نظر الاخرين حتى لو مخطئين.ودى المفروض انها اول خطوة من خطوات الديمقراطيه
    -------------------------------------------

    ايدى مكسوره مش قادر اكتب ورقبتى انشلت ومش قادر اكمل عاوز اقول حاجات كتير
    بس اخر حاجه هجيب سيرتها موضوع تنحى الرئيس مبارك
    انا مش راضى ولو بنسبه 0.000000001% عن طريقه تعامل المتظاهرين معاه او طريقه رحيله
    كل واحد بيفسر اللى حصل بطريقته وانا ليا طريقتى وياريت لو حد قرا الموضوع اصلا يحترم طريقه تفكيرى
    انا شخصيا بقدر الرئيس مبارك بحب شخصيته ع الاقل اللى بتظهر ع التلفزيون قدامنا بقدر انه حارب سنين عشان البلد ودى اعتبرها جيمليه اشيلهالوا ووقت ما اكون انا قادر اردله جميل او دين فى رقبتى يبقى اكرمه كان لازم احسسه اننا مش ناكرين للجميل حتى لو كان عمل بلاوى بس ولاد الاصول بيحفظوا لبعض الجميل .وبمناسبه الاصول فى الموضوع بردوا عاوز اسال لو حد فينا شاب يعنى راجل كبير غلط فيه فى الشارع رد فعله هيكون ايه؟اكيد انت راجل كبير وهحترمك ومش هتعمله حاجه ولو غلطت فى راجل كبير اكيد اول واحد هيعاتبك هو الناس اللى حواليك وهيقوللك كده عيب ده مش من الاصول تعمل كده لاننا شعب دايما نعرف فى الاصول .ميصحش احرق صوره راجل حارب عشان بلدى مش صح انى ارسمه فرعون او هتلر او حمار

    كلامى فيه حاجات كتير مش هتعجب اللى هيقرا بس وجهات نظر



    فرحان اوى انى رجعت اكتب هنا تانى
    تسلم ايدك يا درش شغلك فى المنتدى عالى اوى
    اشتغل فى الدعايه بقى عشان يرجع تانى


    انا هموووووووت
    #:-S

    التعديل الأخير تم بواسطة Nadooosh ; 11-03-2011 الساعة 02:43 AM
    !! SOON

  2. #2
    عضو شرفي
    الصورة الرمزية Messi

    رقم العضوية : 86
    تاريخ التسجيل : Jul 2007
    المشاركات : 6.101
    مزاجي : Tired
    شكراً : 0
    تم شكره 8 مرة في 8 مشاركة
    الدولة : مصر ام الدنيا
    الجنس : راجل
    العمر : 37
    بيانات الاتصال :
    تابعني :
    الحالة : Messi غير متواجد حالياً
    تقييم المستوى : 23
    Array

    افتراضي رد: تعليقاتى اللولبية على الثورة المصرية

    ممممممممممممممممم
    موضوع اكتر من رائع
    ممتاز ممتاز يا استاذ عز
    سلمت اناملك وصوابعك
    متفق معاك بارك الله فيكى
    انت لازم تبقى وزير او محاسب


  3. #3
    نائب المدير العام
    الصورة الرمزية آه...لو

    رقم العضوية : 10
    تاريخ التسجيل : Jun 2007
    المشاركات : 4.073
    مزاجي : Lurking
    شكراً : 2
    تم شكره 9 مرة في 9 مشاركة
    مقالات المدونة : 7
    الدولة : مدينه الاحزان
    الجنس : ذكر
    العمر : 35
    بيانات الاتصال :
    تابعني :
    الحالة : آه...لو غير متواجد حالياً
    تقييم المستوى : 10
    Array

    افتراضي رد: تعليقاتى اللولبية على الثورة المصرية

    لايك من البدايه للنهايه وانا اصلا مش عارف انت كتبت ازاي وايدك مكسوره
    بس بجد يا عز
    الناس لازم تفوق
    والامن والاقتصاد والتعليم
    اهم اولوياتنا دلوقتي
    ولازم الناس تتحرك
    ونهدا بقى شويه
    وبعد منصلح قطاع نبص لغيرو
    وكده
    تسلم يا احمد
    وشكرا يا ندى انك جبتي الموضوع من الواد ابو ايد مكسوره ده


  4. #4
    عضو شرفي
    الصورة الرمزية Messi

    رقم العضوية : 86
    تاريخ التسجيل : Jul 2007
    المشاركات : 6.101
    مزاجي : Tired
    شكراً : 0
    تم شكره 8 مرة في 8 مشاركة
    الدولة : مصر ام الدنيا
    الجنس : راجل
    العمر : 37
    بيانات الاتصال :
    تابعني :
    الحالة : Messi غير متواجد حالياً
    تقييم المستوى : 23
    Array

    افتراضي رد: تعليقاتى اللولبية على الثورة المصرية

    يابنى انا عندى دراعين استبن بشتغل بيهم
    شكرا يا درش
    وعاوزك تكتب انت كمان

  5. #5
    صاحب الموقع
    الصورة الرمزية Silent Guardian

    رقم العضوية : 1
    تاريخ التسجيل : Jun 2007
    المشاركات : 8.277
    مزاجي : Cynical
    شكراً : 35
    تم شكره 21 مرة في 20 مشاركة
    مقالات المدونة : 15
    الدولة : في بيتنا
    الجنس : راجل
    العمر : 35
    بيانات الاتصال :
    تابعني : أضفنى الى الفيس بوك قم بزيارتى على اليوتيوب تابعنى على تويتر
    الحالة : Silent Guardian غير متواجد حالياً
    تقييم المستوى : 10
    Array

    افتراضي رد: تعليقاتى اللولبية على الثورة المصرية

    النهاردة يا احمد
    و لمدة ساعتين بالكامل
    نقاش دائر حامي نار ملتهب
    بين ابويا ( الثورجي ) و خالي ( في منصب مهم )
    عايزين أولا نعترف ان 80% مننا مستوى تفكيرهم بسيط و بننساق ورا التيار
    و اهتمامنا بمصادر المعلومات تقريبا صفر% و دي اكبر الكوارث , اننا مبندورش على مصادر معلوماتنا
    اول نص ساعة من الحوار كان هجوم على الفايس بوك بوجه عام , و انه موقع مؤذي - كالعادة كنت سامع الحوار و مبردش - و بعد كده خالي اتكلم في ان التظاهرات دلوقتي غلط وانها هتدخلنا في متاهات اكتر ( من واقع شغله في منصب كبير مسئول عن 3000 عامل مش عارف اذا كان هيعرف يقبضهم الشهر الجاي او لا )
    و ابويا الثورجي شايف ان التظاهر في وقت و في اي مكان و بأي عدد حق مشروع طالما المواطن حاسس بظلم عليه
    من وجهة نظري
    الاتنين صح
    ايوة , صح انك تتظاهر و صح انك متتظاهرش
    للاسف معندناش فكرة التوقيت , مبنبصش للتوقيت , امتى نقول لا , امتى نلحق المركب قبل ما تغرق
    كلامي بوجه عام لاني كنت عايز ارد على الموضوع ده من زمان بس معرفتش الصراحة فانا يعني بثبت وجود و اني قريت و عايز اشارك
    و خصوصا على نقطة


    للاسف يا احمد التوقيت دلوقتي للدعاية هيبقى غلط , لان السيرفر اللي احنا عليه ده ( ابن تيت ) و انا عليه لاني مش معايا فلوس
    فالعضو اللي هيجي دلوقتي , و هيلاقي الموقع بطئ او واقع لمدة خمس او عشر دقايق مش هيدخل تاني
    فالتوقيت مهم شوية
    لكن منتظر ان شاء الله ابتداءا من الشهر الجاي هنقل على سيرفر خاص لينا , هو سعره حراق جامد
    بس هيكون مريح قوي و سريع جدا و هتلاقوا الموقع بيفتح زي الموقع الكبيرة بسرعة و بسهولة و من غير تعليق ان شاء الله
    كذلك التجديدات لسه مخلصتش
    التعديل الأخير تم بواسطة Silent Guardian ; 12-03-2011 الساعة 11:54 PM

  6. #6
    عضو شرفي
    الصورة الرمزية Messi

    رقم العضوية : 86
    تاريخ التسجيل : Jul 2007
    المشاركات : 6.101
    مزاجي : Tired
    شكراً : 0
    تم شكره 8 مرة في 8 مشاركة
    الدولة : مصر ام الدنيا
    الجنس : راجل
    العمر : 37
    بيانات الاتصال :
    تابعني :
    الحالة : Messi غير متواجد حالياً
    تقييم المستوى : 23
    Array

    افتراضي رد: تعليقاتى اللولبية على الثورة المصرية

    تشكر يا درش
    افتحلى بقى شويه صلاحيات ليا بما انى صاحبك ومكسور
    اعملى صلاحيات السوبر من غير تغير اللون
    لو سمحت وحياة ابوك الثورجى

  7. #7
    صاحب الموقع
    الصورة الرمزية Silent Guardian

    رقم العضوية : 1
    تاريخ التسجيل : Jun 2007
    المشاركات : 8.277
    مزاجي : Cynical
    شكراً : 35
    تم شكره 21 مرة في 20 مشاركة
    مقالات المدونة : 15
    الدولة : في بيتنا
    الجنس : راجل
    العمر : 35
    بيانات الاتصال :
    تابعني : أضفنى الى الفيس بوك قم بزيارتى على اليوتيوب تابعنى على تويتر
    الحالة : Silent Guardian غير متواجد حالياً
    تقييم المستوى : 10
    Array

    افتراضي رد: تعليقاتى اللولبية على الثورة المصرية

    ههههههههههههههه
    الثورة بتقول لا للمحسوبية
    و انا كنت نويت اني هتغير مع الثورة

  8. #8
    silent
    الصورة الرمزية !..!

    رقم العضوية : 4641
    تاريخ التسجيل : Jan 2009
    المشاركات : 2.107
    شكراً : 27
    تم شكره 2 مرة في 2 مشاركة
    الدولة : في رحمة الله
    الجنس : راجل
    بيانات الاتصال :
    تابعني :
    الحالة : !..! غير متواجد حالياً
    تقييم المستوى : 18
    Array

    افتراضي رد: تعليقاتى اللولبية على الثورة المصرية

    أولاً : ربنا يشفيك شفاء لا يغادر سقما

    ثانياً : بالنسبة للموضوع .. Unlike

    وليّا رأيي

    حاسة إن رؤيتك للأحداث رؤية (بيتوتية) ..

    حضرتك نزلت المظاهرات ؟؟

    أو إتخنقت من قنابل الغاز ؟؟؟؟

    أو إتضرب عليك رصاص ؟؟؟

    بلاش .. شفت حد بيموت أدامك أو حتى حد مُصاب ؟

    شفت البلد وهي بتتحرق أو البلطجية وهما بيسرقوا أو حتى بيروّعوا الناس ؟؟؟

    أو شفت أم إبنها (إتقتل ) ماسكة صورته و بتبكي عليه وقلبها بيتقطع

    سمعت عن سيد بلال وخالد سعيد

    شفت الجبان حسني مبارك وهو سارق بلدنا ؟

    ياااااااااه .. يستاهل إنه يتحاكم في ميدان عام

    مش نقوله بس

    غووووور في داهية إنت وعصابتك

    وكفاية كل شوية صاحب أول ضربة جوية ( حتى التاريخ مزوّر)

    لسه في كلام كتير

    على كل جزئية بس ده رد مؤقت

  9. #9
    صاحب الموقع
    الصورة الرمزية Silent Guardian

    رقم العضوية : 1
    تاريخ التسجيل : Jun 2007
    المشاركات : 8.277
    مزاجي : Cynical
    شكراً : 35
    تم شكره 21 مرة في 20 مشاركة
    مقالات المدونة : 15
    الدولة : في بيتنا
    الجنس : راجل
    العمر : 35
    بيانات الاتصال :
    تابعني : أضفنى الى الفيس بوك قم بزيارتى على اليوتيوب تابعنى على تويتر
    الحالة : Silent Guardian غير متواجد حالياً
    تقييم المستوى : 10
    Array

    افتراضي رد: تعليقاتى اللولبية على الثورة المصرية

    اسمحيلي اجاوبك انا عن الاسئلة دي , لان أحمد ممكن يتحرج يجاوب عشان انا عارف كسوف حبتين


    مع انه بقاله مدة غتيت و ممكن يعملها , بس سيبيني برده ارد عليكي
    حضرتك نزلت المظاهرات ؟؟
    أحمد و على يدي , كان موجود في مظاهرات يوم الغضب في الزقازيق
    و كان - زيي - هربان من البيت لان طبعا مفيش اي بيت هيوافق انه يخرج في الظروف اللي زي دي
    و كان على قد ما يقدر بيحاول يجمع اصحابه و بيحمس الناس اللي كانت موجودة
    و على قد ما هو رفيع - برده زيي - كان أول واحد و أقرب واحد لقوات الامن المركزي و كان في ناس كتير بتتحمس لما بتلاقيه واقف في الاول

    أو إتخنقت من قنابل الغاز ؟؟؟؟
    طلع ###تينا يومها
    لدرجة اني في اليوم ده , كان أول يوم اقول فيه اني بنبسط لما بشم ريحة البصل!

    أو إتضرب عليك رصاص ؟؟؟

    ممممممممممممممم
    قنبلتين مسيلة للدموع كل دقيقة لمدة ساعة و نص او ساعتين ده رقم كويس؟
    و دول اللي حضرتهم , و على حد علمي ان احمد كان في المظاهرات من قبلي بساعات
    و فعلا كان في رصاص , بس مش كتير

    بلاش .. شفت حد بيموت أدامك أو حتى حد مُصاب ؟

    كان في واحد من زمايلهم الامن مسكوا , و الحمدلله عرفوا يرجعوه تاني
    و كان في واحد زميله برده اتصاب قبل ما أنا اجي بحاولي نص ساعة

    شفت البلد وهي بتتحرق أو البلطجية وهما بيسرقوا أو حتى بيروّعوا الناس ؟؟؟

    و أحنا مروحين , في مطعم بعد فرع موبنيل على طول
    الواجهة بتاعته كلها ازاز , فلقينا شوية عيال كاسرة الازاز و بتسرق الاطباق و الحاجات اللي في المطعم
    بكل بساطة وقفناهم , و كان في ولد كمان كان موجود
    و خليناه رجع الحاجات اللي اخدها , بس احنا كنا مضطرين نمشي. و سيبنا الوضع في الولد اللي قابلناه.

    أو شفت أم إبنها (إتقتل ) ماسكة صورته و بتبكي عليه وقلبها بيتقطع

    مغرقة التلفزيونات

    سمعت عن سيد بلال وخالد سعيد

    شور

    شفت الجبان حسني مبارك وهو سارق بلدنا ؟
    اكيد

    عايز اقولك ان اي كان وجهة نظر اي واحد فيينا , كلنا بنحب مصر و خايفين عليها
    بس ممكن يكون في حاجة مصطفى شايفها , احمد مش شايفها
    و احمد شايف حاجة وهم مش شايفاها
    و هما الاتنين شايفين حاجات , مصطفى زي الاهبل مش واخد باله منها
    كلنا كنا عايزين نحمي البلد دي , حتى ثورجية الكنب - اللي كانوا قاعدين على الكنب بيتفرجوا على الاخبار و بس - كان نفسهم يعملوا حاجة , بس اما مفيش وعي , او مفيش جراءة او او او او او
    نحاور بعض و نفهم بعض بالراااااااااااااااحة
    مش مشكلة لما نختلف في مصلحة مصر , حتى لو وصلت لمرحلة الخناق
    المهم , منخونش بعض
    التعديل الأخير تم بواسطة Silent Guardian ; 16-03-2011 الساعة 12:26 PM

  10. #10
    عضو شرفي
    الصورة الرمزية Messi

    رقم العضوية : 86
    تاريخ التسجيل : Jul 2007
    المشاركات : 6.101
    مزاجي : Tired
    شكراً : 0
    تم شكره 8 مرة في 8 مشاركة
    الدولة : مصر ام الدنيا
    الجنس : راجل
    العمر : 37
    بيانات الاتصال :
    تابعني :
    الحالة : Messi غير متواجد حالياً
    تقييم المستوى : 23
    Array

    افتراضي رد: تعليقاتى اللولبية على الثورة المصرية

    شكرا يا درش
    شفت انا كنت بتصل بيك فى المظاهرات عشان ترد عليا الرد ده
    شكرا يا silentع الunlike
    نورتى


 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

المواضيع المتشابهه

  1. تعيين الفريق مراد موافى رئيساً للمخابرات المصرية
    بواسطة Silent Guardian في المنتدى ثورة 25 يناير
    مشاركات: 0
    آخر مشاركة: 12-02-2011, 01:31 AM
  2. الأعلام المصرية ترفرف في بلدها الثاني
    بواسطة Eng Super Hero في المنتدى الموضوعات العامة
    مشاركات: 5
    آخر مشاركة: 05-07-2010, 05:11 PM
  3. امتحان السفارة المصرية للحصول على الجنسية
    بواسطة دمياطية في المنتدى أفتكاسات فكك مني
    مشاركات: 7
    آخر مشاركة: 13-06-2010, 11:51 AM
  4. الثلااجة المصرية ...والثلاجة اللبنانية
    بواسطة MiSs. NeRmOo في المنتدى التهييس و المقالب و الضحك
    مشاركات: 0
    آخر مشاركة: 02-06-2010, 12:33 PM
  5. تحميل فرش العلامات و الرموز المصرية القديمة ( الفرعونية )
    بواسطة Silent Guardian في المنتدى ملحقات التصميم و الجرافيك
    مشاركات: 0
    آخر مشاركة: 18-03-2010, 02:10 AM

الأعضاء الذين قرأوا هذا الموضوع : 0

الإجراءات : (من قرأ ؟)

لم يشاهد الموضوع أي عضو حتى الأن.

مواقع النشر (المفضلة)

مواقع النشر (المفضلة)

ضوابط المشاركة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  


Search Engine Friendly URLs by vBSEO ©2011, Crawlability, Inc.