واحد اتنين
الجيش العربى فين
الجيش العربى فين
الجيش العربى فين
الجيش العربى فى مصر
ساكن فى مدينة نصر
بيصحى من النوم العصر
وبيفطر شاى ومنين
واحد اتنين
الجيش العربى فين
الجيش العربى فى سوريا
حالق على الموضة كابوريا
وعلى طريقة فيكتوريا
خلى التورماى بدورين
واحد اتنين
الجيش العربى فين
الجيش العربى الليبى
زى الفن التكعيبى
كله بتنجان يا حبيبى
واظاهر واخد عينى
واحد اتنين
الجيش العربى فين
الجيش العربى خليجى
مافيه حيل لا يروح ولا ييجى
هذا صمت استراتيجى
ايش بيك يا غراب البيت
واحد اتنين
الجيش العربى فين
الجيش العربى فى تونس
اخضر مثل البقدونس
وعزيزة بتعشق يونس
تبقى الحروبات بعدين
واحد اتنين
الجيش العربى فين
الجيش العربى سودانى
سامع رنته بودانى
هو انا ههدم فردانى
يلا ارجع يابو حسين
بلاش كلام فاضى يا شيخ
الجيش العربى فين
الجيش العربى فين
الجيش العربى فين
الجيش العربى كان يوم مانضربوا الافغان
وسكت فى البوسنة زمان
وقدر ياكل بالدين
تاليف/ محمد بهجت
