انا ناقشت الموضوع دة قبل كدة
وعاوز اشوف راى الشباب والبنات هنا فى الموضوع دة
معظم الشباب بيفكر دلوقتى ويقول انا اتجوز وحدة مش مسلمة واساعدها انها تدخل فى الاسلام واهو اخد ثواب منها
وان هى مش اسلمت اهو ولادنا يكونوا مسلمين ويبقى كسبنا بردة
يا ترى فى حد هنا بيفكر كدة
ولو مفيش اية رايك فى الموضوع دة
والبنات اية رايكم فى الموضوع دة
بعد ردودكم ان شاء الله هنقول راى الدين فى الموضوع
مش عارفة اول مرة اسمع التفكير ده
بس برضه اللي اعرفه ان الاقباط مش بيتجوزوا مسلمين هنا في مصر
والله لو أسلمــــت
أهــلا وسهـــلا
ما أسلمتش
ماتلزمنيش
مش من قلة المسلمات اروح ادور على واحدة بنت ديانة تانيــــة
شكرا يا قرموطى على مواضيعك الجميــلة
تقبل مرورى
الموضوع ده فيه آراء مختلفه سواء بقبول او رفض الفكره
سواء من الشخص نفسه او غالبا من الأهل بس غالبا الفكره
بتكون مرفوضه ومن الأهل " من واقع انا شوفته اكتر من مره"
المهم رأيى الشخصى : لو الأنسانه أو الشخص اللى
على غير دين الإسلام دخل الدين الإسلامى لمجرد
انها / انه عايز يرتبط بمسلم / مسلمه
فالفكره مرفوضه تماما تماما ... ما هو ممكن بعد كدا تحصل
مشاكل وده اكيد بيحصل " برضه من واقع شوفته وكتير جدااااااااا"
وفى الحاله دى كل واحد بيرجع تانى زى ما كان
"وبيرتبط تانى من دينه" !!
يبقى عملنا ايه؟؟
الموضوع مش سهل نهائى ... ولا مجرد انها / انه يدخل دين الإسلام
وانا أخد ثواب ... لازم نفكر بعد كدا .. المفروض إننا بنكون أسره
ولازم تكون فى أسس من البدايه ... ولازم الأقتناع التام التام
التام للشخص نفسه إنه يبقى على الدين الإسلامى ...
موضوع مش سهل .. وفيه صعوبه ان حد ياخد القرار وفى الموضوع
ده بالذات الحب مش كل حاجه .
ياريت أكون قدرت اوضح رأيى ... ومنتظرين مناقشه جاده فى الموضوع
وياريت نعرف رأيى الدين اللى هو أكيد واضح و عارفينه
بس منتظرينك
تقبل مرورى