هل يمكنك ان تتزوج من فتاة عرفتها عن طريق النت ؟ السؤال للشباب وارجو الاجابة بصدق وصراحة وارجو من البنات مشاهدة الاجابات
عرض للطباعة
هل يمكنك ان تتزوج من فتاة عرفتها عن طريق النت ؟ السؤال للشباب وارجو الاجابة بصدق وصراحة وارجو من البنات مشاهدة الاجابات
طيب
انا من رأيي انك مش هتجيب المأزون على الشات ويكتب الكتاب في حضور واحد من الهوت ميل وواحد من الياهوو او البالتوكك
ههههههههههههه
الموضوع مختلف تماما
يعني نفرض ان واحد بيحب انسانه على النت وعرفها عن طريق الشات وبعدين اتكلموا وشافوا بعض على النت كويس
اعتقد على حسب علمي فيه حاجه اسمها خطوبه
ودي مش هتكون على النت
يعني النت ما هوه الا وسيله او نقدر نقول النت هوه الدلالاله هههههههه
تقريباً
بس اللى يهمنى دلوقتى فترة الخطوبه وفيها بيدرس شخصيتها وطريقة كلامها وهنسى تماما كل كلمه قولته على النت لان ممكن يكون فيها شئ من الكذب
وكده هعرف كل حاجه في فترة الخطوبه وهي برضو هتعرف عني كل شئ
بس باعتقد ان البنت الي بكلمها على الشات لو بحبها ما فيش مانع خالص اننا نرتبط وفي فتره الخطوبه هيبان كل حاجه وهشوفها ااذا كانت مناسبه ليه وانا مناسب ليها ولا لاء
عادي خالص
ومعلش انى طولت
وشكرا يا دلوعه على موضوعك
طب لو اختك جت وقالتلك انا بحب واحد وعرفتة من النت هتعمل اية؟
إسمحى لى فى مداخله بسيطه ...
كدا السؤال إتجه إتجـــــــــــاه مختلف ، وعلى ما أعتقد إنه سؤال محرج
شويه بالنسبه للشباب ، أو بمعنى أوضح مافيش واحد هيرضاها
على أخته ماتنسيش إننا فى مجتمع شرقى !!
وبالنسبه لسؤالك الأساسى فــ دى بتكون قناعات بتختلف
من شخص لآخر .. ممكن يكون فى واحد بيأيد الفكره
وبيعتبرها وسيلة للتعارف زى أى وسيله للإرتباط .. وممكن تلاقى
واحد بيرفضها وبيعارضها ومقتنع إنها وسيله فاشله
وممكن يعتبر إن البنت اللى بيكلمها مش كويسه ..!!
وزى ما قلتلك دى وجهات نظر .. وكل وجهة نظر تُحترم .
تقبلى مرورى