مش بحبك بس جوايا حنين
لايام فاتت معاك وسنين
مكانوش يوم ولا اتنين
دا عمر تاني شوق وحنين
فاكر ولا هاتعمل ناسي
اه يا حنيني اليك يا قاسي
لاء مش باحبك بس
جوايا ليك اكتر من حب
جوايا ليك وجع القلب
انا ربع عمري عيشته معاك
وبأديك انت سقتني هواك
ووعدتني افضل وياك
لاء مش باحبك بس
اه منك واه مني ياني
اقولك ايه بس تاني
انت عايز تعرف ايه؟
بحبك؟
لاء مش بحبك بسسس
بحب ايامنا وهوانا
والشوق اللي كان جوانا
والدنيا اللي رسمنها في لحظه
وعيشناها لحظه بلحظه
ونسيناها برضه في لحظه
عايز تعرف ايه تاني؟
تاني بتسأل؟
بحبك؟
لاء مش بحبك بس
منك انت اتعلمت
ومنك برضه اتألمت
ومنك برضه اكتفيت
ومنك انت ارتضيت
اني اعيش من غير حب
ولا انت ولا غيرك ولا اي قلب
مش عشان لسه بحبك
بس عشان مش بحبك بسسس
(اصعب حب)
