رخامه بقا بعيد عنك (أزاى تخنق مراتك وتطهقها فى عشيتها )
السلام عليكم
وحشتونى أعضاء منتدانا الحلوين كلكم وكمان واحشنى كتابه المواضيع أه نسيت أزى الحال أخباركم ايه أتمنى أنكم تكونوم بخير بس بعد الموضوع ده ممكن متكونوش بخير صراحه المهم حبيت أرجع تانى للمنتدى وكتابه المواضيع ملقتش احسن من ده موضوع أنكد عليكم ......... سورى أرجع بيه تانى للمنتدى أوكى أسيبكم تعيشوم
للرجاله الطهقانه من مراتتهم
والشباب اللي ناوي علي جواز
خد عندك النصايح دي علشان تطلع عين مراتك
وانتي يا هانم اوعى تسكتى عن حقك ودافعى لاخر لحظه فى عمرك حتى لو ده هيؤدى الى ................... انظر اخر الموضوع
حاول تستخدم احدى الطرق دى علشان تعكنن عليها وتعالي شوف هنعمل ايه ....
الصبح وانت رايح على شغلك وهى نايمة
تعمد اسقاط اى شيئ او خبط الباب بصوت
عالى علشان تصحيها هى كمان ..
اشمعنى انت ؟
ولو حاولت ترجع تنام تانى
قول لها مادام صحيتى حضري
الفطار بقى
اذا كنت بتتفرج على التلفزيون وهى
عايزة تغير القناة .. و انت كنت بتتفرج
على ماتش كورة كل ما حد من اللاعبين من
اى فريق يمسك الكورة قول بحماس شديد .. معلش
ثوانى بقى انا حاسس ان الكورة دى جون
حتى لو كان حارس المرمى ماسك الكورة
وحتي لو الماتش واقف عشان فى واحد
مصاب
( ملاحظة : اغلب النساء ذوات ثقافة كروية ضعيفة )
إصح يوم الجمعة بهمة ونشاط وجهز الافطار
لزوجتك بس متنساش انك تستخدم 15 طبق
واكبر كمية من الملاعق والشوك و 5 حلل من
اللى عندكم فى المطبخ و 10 كوبايات
لاعداد طبق بيض وسندوتش
جبنة
طبعا يراعى ترك اثار سمنة على الارض مع
ترك الثلاجة مفتوحة وقشر البيض فى
الحوض ...
لو عاملة ريجيم إجرى على السوبر
ماركت ومحلات الحلويات وإملأ الثلاجة
شكولاتة وحلويات وجاتوهات ..
يراعى التجول وأنت مستمتع بأكل الجاتوة أمامها
وحاول تكلمها في اي موضوع وانت جنبها وقول انا عمري ما دوقت حلويات بالطعامه دي
ولو مراتك عملة كيكة، قولها انا بحب
اشرب شاى مع البسكويت الحلو ده
لو طلبت منك تنشر الهدوم قول لها حاضر
مع ابتسامة حانية وبعد ما تخلص نشر
الهدوم ادخل عليها وقول لها أنا نازل
اجيب الهدوم اللى وقعت منى فى الشارع
ولو سألتك هو اية اللى وقع ؟ اذكر لها كل
هدومها اللى كانت مغسولة مع فردة
شراب من بتوعك
علشان متبقاش مقصودة منك !
لو الزوجة قررت مسح الارضيات فى البيت
حاول انك تروح وتيجى على المناطق
المبلولة متحجج بأنك محتاج تتصل ضرورى
بواحد صحبك
ومرة عطشان ومرة تانية بتجيب الجرنال
ومفيش مانع انك تقول انك حاسس ان
التليفون هيرن كمان شويه
لو كانت مشغولة فى نظافة البيت او مع
الاولاد وطلبت منك تغسل كوبايتين الشاى
بتوع الصبح الموجودين فى الحوض إرجعلها
كمان دقيقة من دخولك المطبخ وانت ماسك
كوباية من الاتنين وهى مكسورة
واسألها فى براءة ارمى دى
فين ؟؟
كده عمرها ما هتخليك تغسل تاني
وانت قاعد تتفرج على التلفزيون وهى
طالع عينها فى تنظيف البيت وبعد ما
تخلص وتيجى يدوبكك تقعد تستريح جنبك
بصلها وقول لها حبيبتى معلش ممكن كوباية
مية علشان ضهرى بيوجعنى
وحاول بقي تألف اي مواضيع علي نفس الوتر ده
يلا ورينا بقي جدعنتك ..ههههههه
( الموضوع علي سبيل الضحك واوعي حد يطبق الكلام ده مع اني عارف ان في ناس هطبقوه بحذافيره )
