اشهر الجمل اللى بيقولها الاب والام لعيالهم ف مصر؟؟؟!!!

السلام عليكم ورحمة الله وبركاته
الموضوع ده كان مكتوب ف كتاب قريته للكاتب عمر طاهر .. طبعا ده كاتب جامد اخر حاجه بجد واسم الكتاب شكلها باظت..
وازاى تعرف انك اتربيت ف بيت مصرى احنا طبعا كلنا فى جمل معينه بيتشتم بيها وهى هى مبتتغيرش ..لغاية اما حفظناها (والاهل يقولوا واحن نكمل الجمله) ومن اشهر الجمل ده::
1- مش عايزه اسمع صوت . وف الجمله ده تدريب مبكر على تقبل القمع والديكتاتوريه اللذين ستواجهما طول حياتك ..

2- متردش عليا .وهى نصيحه لو التزمت بيها هتكسب مديرك ف العمل ..

3- تقعد ف اول صف قدام السبوره .وده طبعا بتعودنا على اننا نكون ف المقدمه دايما ..

4- لو مش فاهم حاجه ارفع ايدك وقول للمدرس انك مش اهم .. فاكرين انهم زى المدرسين بتوع زمان ..

5- اللى بيشيل قربه مخرومه بتخر عليه وحده ..

6- ومالها الكتب بتاعة الوزاره؟!:-??

7- بص كويس وانت بتعدى الشارع @-)..

8-متتاخرش بعد المدرسه وتقعد تصيع مع اصحابك.. وهى جمله هتتعود عليها لما تكبر وتتجوز8-|..

9-صليت العصر؟!

10- ربنا يهديك .. ربنا يهدييك ... واحيانا ..انك لاتهدى من حببت ...

11-اطفى التليفزيون وقوم زاكر ...او قوم ادخل اوضتك ...

12-اقفل صدرك ..

13- بلاش وقفة الشبابيك والبلكونات ..

14- اوعى تقول لحد هات حاجه ... وده غالبا لما بتكون صغير يعنى..

15- كفاية رغى ف التليفون...:)]

16- المسلسل مش هينفعك ...قووووووم ..~X(

17- لو شفت خناقه ملكش دعوه بيها ..

18- بلاش اكل بره..:-ss

19- لو فلحت ابقى تعالى اعمل "بى بى على قبرى " ....(ايه الخيال ده ؟!)...

20- متلبسش القميص على لحم بطنك زى العيال الصيعه ...

21- وطى المدعوق ده شويه ...

22-انت فاكرنا لاقيين الفلوس ده ف الشارع ؟!....

23-ما تلزقش ف التليفزيون كده نظرك يضعف ...

24- ضرب الامثله اللى تقريبا بتشجع واحيانا بتحبط زى"ده واحد من قرايبنا كان بيزاكر على لمبة الجاز وقاعد على المسطبه وخد دكتوراه وسافر امريكا"

25-قوم ذاكر لك كلمتين ينفعوك !:-w

26- التهديدات الكرتونيه والمخيفه زى"هقطم رقبتك ,هقطع لسانك او هدبحك دبح"

27- ربنا يرزقك بعيل يوريك اللى وريتهونى..[-O<

28- نسيت تشرب ؟نسيت تاكل؟ نسيت تعكنن عليا؟ نسيت تقول هاتوا مصروف؟:-b

29- يالا يا ابو كحكه حمرا انت فاكر نفسك هتاخد مصروف طول حياتك......:">

30- آدى اللى انت فالح فيه...


بس خلاص .....#:-S
يارب تكون عجبتكم[-O<

عندى الكتاب ده
بس جامد .... يحسسك ان كل المصريين زى بعض ونفس العيشة
فعلا ثقافة واحدة

ودى حاجات بتغيظنى بقى

بس محدش عاد بيقولى كدا



5- اللى بيشيل قربه مخرومه بتخر عليه وحده ..

7- بص كويس وانت بتعدى الشارع @-)..

15- كفاية رغى ف التليفون...:)]

17- لو شفت خناقه ملكش دعوه بيها ..
24- ضرب الامثله اللى تقريبا بتشجع واحيانا بتحبط زى"ده واحد من قرايبنا كان بيزاكر على لمبة الجاز وقاعد على المسطبه وخد دكتوراه وسافر امريكا"

25-قوم ذاكر لك كلمتين ينفعوك !:-w

30- آدى اللى انت فالح فيه...

يا شيخة دى حاجة تخنق
انا بفكر اطفش من بيتنا من قال جاى ؟؟؟؟؟؟؟؟؟؟

هههههههههههههههههههه فعلا دى حقيقة

انا اكتر كلمه بكرها قوووووووووووووم زاكر بتخلينى اتعصب على الاخر

على فكرة يا جماعة الكلام ده من خوف الاب والام عليكم انا كنت زيكم كده بتخنق منه وكانت دايما امى الله يرحمها تقولى لما نشوف هتعملى ايه مع ولادك وولادى لسه صغننين بس بعمل معاهم اكتر من اللى كانت امى بتعمله فيا وده من خوفى عليهم طبعااااااااااا كل واحد او واحدة مش هيحس بالكلام ده ومش هيقوله الا بعد ما تتجوزوا

ههههههههههههههههه
هو ده.............