سؤال عاجل للجميع؟؟؟؟؟

السلام عليكم ورحمة الله وبركاته
فى البدايه بشكركم جدا ياجماعه على المنتدى الجميل ده فعلا بيضم مجموعه كبيره من الشباب وبسمع عن الخطوات الجميله اللى بتقومو بيها مع بعض فعلا شئ جميل ان يكون عندنا شباب رائع بالشكل ده بس بسال اكيد بنحتاج ان يكون فى ناس معانا اكبر سننا منا يعنى تعرفنا خبراتها فى الحياه مهما كان عندنا دافع او علم بامور حياتنا فاكيد اكيد الحاجات دي ضئيله جدا جنب خبرات اللى اكبر منا سنا او علما طيب ليه الكلام ده كله وايه المقدمه الطويله دي ؟؟؟
اوك انا هقولكم واشيل علامات التعجب اللى بدات تظهر
لو مثلا دكتور عندك فى الجامعه سمع عن الموقع وحب يشارك معاكم باراءه وخبراته او حتى ولدك فى البيت حب يدخل على الموقع ويتكلم معاكم طبعا هيكون عضو جديد واول لما يدخل هيلاقى مكتوبله (انت فاشل)طبعا الصوره مضحكه وعسوله بجد بس لما نهزر بيها مع بعض رغم انه حتى لو حاولت تهزر بيها مع نفسك مش صح من الناحيه النفسيه لانك بتدخل لعقلك مثيرات سلبيه والعقل بيحتفظ بيها
طيب ايه الكلام الكبير ده انتى كبرتي الموضوع قوي؟؟؟؟؟
لا والله بس فعلا ده حقيقى اما لو جينا لموضوع انه حد كبير ممكن يشترك فى المنتدى فهل لو اللى هيشترك ده كلن والدك او استاذك ينفع او ما نرحب بيه نكتبه الكلمه دي يعنى يا استاذي الفاضل متدخلش المنتدى ده مجرد منتدى لمجرد مجموعه شباب بيهزر
ده طبعا الانطباع الاول ود اكيد مش صحيح انتم شباب ليكم هدف ومينفعش نضيع ده بمجرد صوره بالشكل ده
لازم نحترم الناس لاننا اكيد هنكون محتاجين الاحترام ده منهم
ده مجرد رأي وانا بعتذر على التطويل
واتمنالكم النجاح والتوفيق يارب
طوق الياسمين

هو طبعا مينفعش بس ديه بعد عشرين مشاركه ممكن يغيرها بسهوله (نظام)
اكتر واحد ممكن يفيدك هو مصطفى شومان

أولا انا بحييكى على اسلوب القائك للخطاب او التوبيك
ثانيا الصورة دى موجودة فقط للعضو لمدة 20 مشاركة وبإمكانك انك تغيريها بعد كدا
الصورة فعلا على سبيل الهزار بين الشباب
ومع ذلك وجهــة نظرك صحيحة تماما
بس هى على سبيل الهزار مش أكتر
وشكرا للمرة الثانية

بشكرك جدا على الرد وعارفه والله انه من الهزار لكن الصوره بتكون للعضو الجديد يعنى لو بنعرف شخص لاول مره اكيد بنخاف نهزر معاه باي شكل الا لما نعرفه قوي او خلاص رفعنا ما بينا التكليف وده اللى بقصده انى انا اكيد مش عارفه الشخص اللى ممكن يدخل جديد ده هيتقبل هزاري او لا طيب ممكن اقول عادي لو مش عاوز حد يدخل المنتدى ويتقبل ده ميدخلش بس والله ياجماعه من غير مبالغه احنا اكيد ممكن نحتاج لاراء وخبرات الناس على اختلاف اعمارهم وخبراتهم ممكن كائن صغير يعمل تغيير فى حياتنا
واشكرك فعلا على الرد

اولا بشكرك جدا على الرد وده كان راي متواضع مش اكتر بس اتمنى انه حتى يتم النقاش فى الموضوع ده
شكرا لمرورك

السلام عليكم
الموضوع ده كان اتفتح قبل كده
في قسم البريد
بص/بصي يا طوق الياسمين
صورة انــــــ فاشل ـــــا هي صورتي انا :)
انا صحيح فرضتها على الناس
من سبيل الهزار
انتي صح في نقطة , اني برده بفرضها على الكبير و الصغير
و انا قلت اني مخليها بس للاعضاء اللي مشاركتهم اقل من 25
لاني اللي مشاركتهم اقل من 25 بعتبرهم زوار , لان حصلت كتير اعضاء لسه داخلين , و يقولوا السايت حلو , السايت جميل , بس نفسي كذا و كذا
و انا عن نفسي بحب اخلي كل الاطراف مرضية , و مش بخللي حد نفسه في حاجة
و بعد كده مش بشوف الشخصية دي تاني
فحوار المشاركات ده بقى المقياس بتاعي ;-)
بس في مقاييس تانية برده عشان منقولش المشاركات بس
لا ممكن تتكتب مشاركة واحدة او موضوع واحد ب100 مشاركة تانية تخليني اهتم بالعضو الفلاني ;-)
المهم
الصورة دي , حريتي الشخصية , بس عامة , انا اقتنعت عشان لو في حد كبير واللاه حاجة
في الحالة دي , هشوف صورة تانية
و ممكن اغيرها
بس لما نشوف باقي الناس هتقول ايه
و متنسوش انها محطوطة من سبيل الهزار
السايت اسمه فكك مني يا جماعة

بجد بشكرك جدا على الاهتمام والرد وجميل جدا ان الانسان يحترم اراء الاخرين والاجمل ان قبل ما ناخد قرار نتشاور ما بينا على العموم انا سعيده بانضمامى معاكم واتمنى انه فعلا روح الشباب اللى موجوده على الموقع تفضل كده وتزيد علشان نكون فعلا شباب مسلم نقدر نغير واقع حتى ولو بكلمه @};-

انت عندك حق فعلا بس المنتدي في الاصل شبابي ومن عادة الشباب انه بيحب يهزر دائما وطبعا الصورة تعتبر هزار
لكن لو ينفع ممكن فعلا نطلب من مصطفي انه يغير الصورة علشان مفيش حد يزعل ابدا
واهلا بيك في (فكك مني)

بضم صوتى لصوت طوق الياسمين
وطالما مصطفى قال هنشوف الاراء فا انا رأيى انها تتشال
وبرحب بيكى يا طوق الياسمين واهلا بيكى معانا
تقبلى تحياتى وتمنياتى لكى بالتوفيق@};-@};-@};-@};-

يا جماعة انا بقول ان حوار الصورة دى حاجة شخصية عادى يعنى وبعدين ده هزار مش اكتر ولو شومان عاوز يغيرها اكيد هيغيرها ولو مش عاوز طببعا دى حرية شخصية
وشكرا ليكى طوق الياسمين ومنورة والله المنتدى كله تقبلى مرورى