احساس صعب انك تحسة الا مع الهضبة
اجمل سلام لأرقى و ارق ناس في الدنيا
الموضوع يخص كل ديابي بشكل عام و يحس بيه كل ديابي سايب كل جوارحة و احساسه للهضبة بشكل خاص
اولاً...مجرد حبك لكل اغاني عمرو و انك تسمع اغاني بقالها سنين فاده في حد ذاته وفاء و اخلاص
كده الحكاية مبقتش حب و عشق بس ده كمان اصبح وفاء و هي كمعنى فا ده من اسمى معاني الحب
تانياً...لما تسمع جزء معين في اغنية لعمرو و تحس بحاجة غريبة كدة....في سببين اساسيين
1-قوة الكوبليه او او الكلمة او المعنى اللي ممكن يكون صادفك في موقف حصللك
2-صوت عمرو و أدائة و طريقته التلقائية نتيجة احساسه اللي بيعلى تدريجيا في الجزء ده
على سيبل المثال: في يوم هنعود.....اكيد لسه الامل موجود - قصاد عيني
صدقت حبك يا حياتي حبيت خوفك عليا...روح و انساني - صعبان عليا
كل ما اقول انا مش هتكلم عنها خلاص....دا انا بس بقول اسمها برتاح - ايوا انا عارف
غيرت مشاعري و احساسي...و مشيت وياك و رجعت وحيد - تقدر تتكلم
يا ريت يا قلبي ماكنت قلبي...دا حبيبنا خاين و مالوهش غالي - ولسه بتحبة
قولت هنسى قولت عمري في يوم ما هرجع...يوم ما تحب ترجع...في الاعادة - تنسى واحدة
استنى ماتسبنيش كده....قرب كمان عمرك و احلامك هنا - قولت اية
نرجع تاني,,,في الحالتين احساس صعب - صعب تحس بيه و اصعب لما تحسه
لأنك ممكن تدمع ممكن تتخنق علشان الذكرى بتتوجد في اللحظة دي
الاحساس الغريب دة بيقال عنة انها نتيجة اضطراب بيحصل للعقل و القلب معاً في اَن واحد
ممكن تحصل نتيجة لمسة ايد الحبيب للحبيبة و ممكن تحصل نتيجة خشوع يعني نتيجة شيء مادي و ملموس
لكن تحصلك نتيجة حاجة بتسمعها و مش قدامك و ممكن تتكرر مع كل مرة تسمع فيها نفس الجزء دة؟
ده العشق الذي تعدى انه مجرد مطرب احنا بنسمعه و بنحبة
عن نفسي من امنياتي اني اغير الموضوع ده اللي بيحصلي
مع كل مرة بسمع فيها اغاني معينة لعمرو موضوع متعب
و يمكن هو اللي خلاني اعمل التوبيك ده لأن نتيجة احساسي
هي اللي دفعتني اني اكتبه..الاهم من كده ان مكانش هيتقال
الكلام ده و لا هيحصل لو حد غير عمرو لأنك سهل تسمع اغنية
تحبها و تأثر فيك لكن يحصللك اللي بقوله دة...بجد مش هتحصللك
غير مع عمرو
تحياتى
ahmed said
