هوا أنت على رأسك ريشة .. وأنا بت البطة السودا ولا ايه .. !!!

السلام عليكم ورحمة الله وبركاته

ازيكم يا شباب أحلى منتدى عاملين ايه النهاردة ؟؟
بصوا بقى يا شباب انا فى موضوع نفسى اتكلم فيه برضه وهوا ايه بقى يا شباب التفرقة بين البنت والولد حتى لم يرتكبا خطأ نجد أن المجتمع يفرق ما بينهم طيب ليه ... ؟؟
يعنى دوقتى لما يتم ضبط ولد وبنت فى وضع يعنى مش اللى هوا أو أى وضع سواء فى مكان خاص أو مكان عام مش هتفرق هنشوف ان الشاب بقى يا جماعة بيحصل على البراءة من الموضوع دا ويطلع منه زى الشعرة من العجينة زى ما بيقولوا
ونلاقى المجتمع بقى والناس نسيت اللى عمله بقى والولد بيواصل حياته ولا كأن حاجة حصلت ، هنشوف بقى ع الناحية التانية ان الناس بتعامل البنت على اساس انها أجرمت وانحرفت وانها أخطأت فى حق نفسها ، وأسرتها ومجتمعها هنشوف بقى الناس كلها منتظرة الحكم عليها بقى بالاعدام وهتبقى مكروهة ومنبوذة طول عمرها وغير كدا فرصتها فى انها تتجوز هنلاقيها بتتضاءل وتسقط فى نظر أى شاب رغب فى الزواج منها ، وعلى فكرة يا شباب أنا مش قصدى ان الانسان بقى ينسى اخطاؤه بالعكس لكن برضه لازم برضه ان الاتنين .. سواء الولد أو البنت يستحملوا نتيجة اللى عملوه ومش البنت لوحدها ، وغير كدا ربنا الخالق عز وجل بيغفر فما بالك انت العبد ... !!!
طيب ومن العدل ان البنت هيا لوحدها انها تتحمل دا طول عمرها ليه يعنى ؟؟ وهل احنا هنسيب الشاب يعمل اللى هوا عاوزه بحجة الطيش ؟؟
وعلى فكرة أنا بناقش الموضوع دا وأهو شاب وعارف ايه اللى بيحصل ومش برضه بقول كدا علشان انا راضى على ان البنت تنسى مسألة الشرف وترضى على نفسها تقع فى الجُرم دا تانى ... وعلى فكرة قصدى ان الكل سواء فى العقاب بالشرع عند الله تعالى فـ سماه .

عاوز بقى اشوف ردودكم على الموضوع دا

بقلمى / احمد سعيد



lovely boy

هو طبعا انت عندك حق الاتنين غلطانين

بس للاسف كتر الكلام فى الموضوع دة والنتيجة واحدة

وهو ان المجتمع هيفضل زى ماهو وعمرة ماهيتغير خالص

وهيفضل يعاقب البنت بس ويطلع الولد براءة مع انة بردة يستاهل الحرق

عامة سواء كدة او كدة مش فارقة كتير

الدنيا خربانة وبتخرب اكتر

وربنا يسترها على بنات المسلمين ويهديهم ويعقلوا
يارب

محدش قال يطلع الولد براءه
بس لاز نعمل حساب ان البنت نص المجتمع وتربي النص الاخر
انما اللي زينا بيجيبو فلوس وخلاص حمير بيدورو في ساقيه
فكاان لابد انو يكون هناك رادع قوي جدا ع البنت اكتر من الولد
لان لو صلحت الام يبقى هيصلح البيت انما الاب
الاب.....الاب مش هنا في احد الدول العربيه
قصر الكلام النظريه مش الاعفاء النظريه
ان البنت اهم من الولد بتلت مرات
امك امك امك ثم ابوك
ومجتمع صلحت فيه النساء لن يهزم ابدا
وده من وجهه نظري الصغنطوطه

على فكره يا mintooosa المجتمع ممكن يتغير مفيش حاجه اسمها الجتمع هيظل كده انا مش عارف صح ولا لا هل الامل ممكن يغير حاجه والشباب اللى هما انا وانتى وكل الشباب عامه

انا لما بقول فى غلط عندى البنات ذى الاولاد الكل بيزعل
بزمتك اللبس اللى البنات بتلبسوه يلق بالدين الاسلامى والله لو ولد محترم لازم برضوك مش عارف
بس يريت يكون وصلك وجه نظرى
ده نقاش مفهوش زعل وبرضوك اللى يزعل انا اسف له

شكرا ليكى يا mintooosa ومنوره التوبيك

ياعم مصطفى كلامك ذى العسل

بس معلش لو هتحكم بالعدل

مينفعش الواد يبقه براءه والبنت اللى تشيل الليله كلها

احسن حاجه انى البنات الكويسه نسبتهم اعلى من البنات اللى مش كويسه

ديه وجه نظر ممكن صح وممكن غلط

تقبل تحياتى

:-o :-o :-o :-o :-o :-o

استنى استنى

انت فهمتنى غلط

انا مزعلتش من حاجة والله

انا رديت عادى والله العظيم

ومكانش قصدى حاجة خالص
بس دى كانت وجهة نظرى ان مهما الحياة اتقدمت او حصل تطور فى مجتمعاتنا
هيفضل فى شوية تقاليد زى ماهيا ومش هتتغير واعتقد ان دى واحدة منهم
وبصراحة نتمنى ان المجتمع يكون رافض الوضع دة على طول

ماهو محدش يعرف بكرة ممكن يحصل اية

انا مش فهمت غلط انا بس حبيت اوضحلك وجهه نظرى

وبجد شكرا ليكى وتقبلى تحياتى

انا من وجهة نظرى ان المجتمع عمره ما هيتغير وهنفضل احنا جنس البنات كله مظلوم والحقوق كلها ليكم انتم الشباب وده امر مفروغ منه عادات وتقاليد سيئة وعمرها ما هتتغير ابدااااااااااا ودايما المجتمع نظرته للبنت غير نظرته للولد والله ده ظلم
شكرا يا احمد لموضوعك تقبل مرورى

سورى لولا لا مش ينفع نقول عاده سيئه وخلاص

عادات سيئه كتير واتحلت

عموما لما نقول كلنا كده عمرها ما هتتحل

وشكر لولا وتقبلى تحياتى