*كاااارثة* 2*القمح الفاسد ف الصوامع

انا اسفة يا جماعة مكنتش عايزة اسمي يرتبط بالكوارث دي
بس الموضوع كبير ولازم احذركوا معرفش هتعملوا إيه
المشكلة ان 56 طن من القمح الفاسد دخل الصوامع واختلط بالقمح العادي ده من اصل صفقة 300طن والكارثة ان ده عل مرأي ومسمع مجلس الشعب بعد ما قام النائب مصطفي بكري باحضار 2 كجم للمجلس والحشرات طبعا واضحة مع اختلاف ف الحبة نفسها بس مين هيشوف كل ده ف العيش بعد ما يطحن ويتخبز وزي
ما بيقولو تمخض الجبل فولد فأرا قرار الوزير انه هيتم نخله ونقله عبر الطريق الصحراوي عشان ميتناثرش عبر الحقول ف الطرق الزراعية وطبعا اثبت مصطفي بكري انه تم نقله بالفعل ف الطرق الزراعية وكمان دخل الصوامع قبل نخله
اسمعو دي بأه اختار المستورد النوع الحيواني ده بالتحديد
ورفض القمح العادي طبعا عشان فرق المكسب
لحد هنا الحكاية وقفت وتقدرو تتباعوها ف التليفزيون او عل صفحات
جرايد المعارضة طبعا
متهيألي لازم نسأل نفسنا وبعدين المستورد الجشع مقتدر ليه بيطمع
ونفوس كل الي ساعدوه
ف الجمارك والفحص من
الموظفين
كل الضماير دي ضاعت عل
مدي سنين طب امتي هنحس ونبدأ نصلح
امتي هانفكر ف مستقبل
ولادنا لما يكبروا ف مجتمع زي ده وكمان بيتطور للأسوأ فين علماء
النفس والاجتماع يقولولنا
ازاي نوقف نزيف الضماير
ازاي نعلم ولادنا الحرام والحلال والذمة والضمير وأول ما يختلطو بالناس يتصدموا
يا رب ما انقلكو خبر زي ده
تاني
ربنا يحفظنا