يلا نتجمع يا اصحابى (عايزة تفاعل)

يا اعضاء المنتدى اية رأيكم فى الفكرة دى؟


فى الفترة الاخيرة دى دخلت ناس جديدة المنتدى ومن ضمنهم انا
طبعا اكيد كلنا منورين المنتدى.....
بس احنا كدا مش عارفين بعض قوى
ولانى عايزة المنتدى يبقى مترابط اكتر من كدة
عايزة نحدد ميعاد معين فى يوم معين مرة كل اسبوع
فى الميعاد دة هنتجمع كلنا كل الاعضاء والمشرفين اللى هيشاركوا معانا وندخل المنتدى ونقعد نتكلم مع بعض فى الشات اللى فى الصفحة الرئيسية لمدة ساعة او حتى نص ساعة
وكل واحد يعرف نفسة للباقيين ونتكلم مع بعض فى اى حاجة
اية رأيكم؟

الميعاد مبدأيا يوم السبت من كل اسبوع

وانا هحط 3 مواعيد اختاروا واحد منها
من الساعة 4_5 العصر
او من الساعة 10_11 مساء
او من الساعة 12_1 بعد منتصف الليل


وارجوكم يا جماعة عايزة ردود وآراء
حتى لو مش موافق قولنا انت مش موافق لية
يلا مستنية الردود

ولو المواعيد فيها مشكلة نقدر نتفق ونحدد ميعاد يناسبنا كلنا
سلام

طبعا يا منى فكرة ممتازة وانا معاكم باذن الله تعالى

حلو اوى من 12 الى 1 والله فكرة جميلة تسلمى يا دكتور

برافوا عليكى يا منى
فكرة هايلــة
والواحد يقرب من أعضاء بيته التااانى
وشوفوا هتقعدوا امتــى ونبقــى نقعد

معاكى ياجميل
بس الشات ده بيشل...
ههههههههههههههه

فكرة حلوة
و انا بدأت انفذها من امبارح
كان في رسالة دعوة للدخول في الشات ظهرت امبارح كده
انا موافق
في اي ميعاد من الميعادين دول
او من الساعة 10_11 مساء
او من الساعة 12_1 بعد منتصف الليل
و حلوة الفكرة يا منى

شكرا ليكم كلكم ياجماعة
يلا عايزين تفاعل اكتر
وقولوا اية اكتر ميعاد مناسبكم

اوكى انا موافقه و انا معاكم

طب يا جماعة اللى يدخل يقول هو اختار اى ميعاد عشان الميعاد اللى كلنا هنتفق علية هو دة اللى هيكون الميعاد الثابت

اوكى انا ان شاء الله معاكم
بس فى مشكله صغنونه جدا عندى
انا موش لوحدى هنا فى البيت مشتركه على فكك
اخواتى كمان على المنتدى و اكيد هيكونوا عيزيين يشتركوا زيى
يعنى اللى هتكون فينا ساعتها على المنتدى هتكون هى اللى موجوده
بس عادى
ممكن نكون قعدين مع بعض و خلاص
و هنعرف الجديد من بعض

يعنى خلاص مفيش مشكله
و ان كان فى مشكله يبقا الحل موش مشكله
يعنى مفيش مشكله :d
بس فكرتك عسوله تسلمى عليها يا قمر @};-
اتفقوا بقا على ميعاد
انا مناسب معايا اى حاجه
حسب الظروف يعنى (*)