لتبييض الأسنان

- تنضيف الجير كل 6 شهور او سنة على حسب الدكتور حيقولك اية بالنسبة لسرعة تكوين الجير عندك يعنى فى ناس الجير بيتكون كل فين و فين و دة غير انهم التسوس عندهم قليل فممكن يروحوا للدكتور كل سنة
2- ل و فى صبغات خارجية كتير ممكن يستخدم معجون مخصوص لأزالة الصبغات بس دة مفروض يستخدم مرة واحدة فى الأسبوع وانا مبفضلش استخدامه عشان ممكن ياكل فى مينا الأسنان برضة و زيه زى الفرشة اللى بيستخدمها الدكتور فى العيادة و بيحط عليها معجون و برضة المعجون بياكل فى مينا الأسنان
الحل الأمثل هوا تبيض الأسنان بطريقة ال bleaching و دى زى فكرة الكلور اللى بيستخدوه عشان تبييض الملابس و دى مواد بتزيل الصبغات سواء كانت على سطح السنة او داخلها

بص يا سيدى ال bleaching عبارة عن مواد بتقدر تشيل الجزيئات بتاعت الصبغات اللى على الأسنان و اللى جواها بردة و فى انواع منها كتير و كمان فى طرق كتير على حسب حالة السنة
فى طريقتين هما اللى احنا بنستخدمها غالبا
1 ال office bleaching و دى فى عيادة دكتور الأسنان و بتخلص من جلسة واحدة و سريعة بس طبعا تكلفتها عالية
2 و دى الطريقة المفضلة لدى بتاعت ال home bleaching يعنى تبقى قاعد فى بيتك و حاطط حاجة زى صينية صغيرة فى بقك و موجود فيها المادة اللى بتبيض و طبعا متستغربشى ان بقولك صينية عشان دى ترجمة حرفية لكلمة tray و دى حاجة بتبقى على مقاس سنانك و بتبقى شفافة يعنى عشان لو حبيت تلبسها و انت نايم او و انت نازل الشارع
و الطريقة دى بتلبس ال tray حوالى ساعتين فى اليوم على حسب مزاجك بقى شوف تلبسها امتى يعنى تحب و انت نايم او قبل النوم او و انت بتتفرج على التليفزيون
وتقريبا بتجيب نتائج بعد أسبوعين و لو حصلك حساسية فى أسنانك ممكن تجيب جيل الفلوريد و تحطه فى ال tray و تلبسه يوم و اليوم اللى بعديه تلبس ال tray بالجيل بتاع التبييض و هكذا يوم اة و يوم لأ لحد متحس انك وصلت لدرجة اللون اللى انت عايزه فى سنانك
و طبعا مش كل الحالات تنفع تعمل ال bleaching و دة شىء بيحدده الدكتور نفسه

شكـــــرآآ جزيلآ :">