عرض للطباعة
شكرا يا حودة يا باشا
السلام عليكم يا محمود
انا قريت المقال كله كلمة كلمة والله
و برده زييك .. مش عارف اعلق
جماعة الاخوان المسلمين على قد مهي من الخارج تلبس لبس المتدين
الا انها في الداخل و الناس كلها عارفة تحوم حولها الشبهات
و ان كانت فعلا اكتسحت الانتخابات في المراحل الاولى .. ده لانها بتنظم نفسها كويس قوي
و ستار (و ليس شعار) الاسلام هو الحل بيجلب معه تعاطف الكثيرين و ليس تأيديهم
و في نفس الوقت اللي احنا عارفين فيه كل الكلام ده
انا واحد من الناس في المرحلة الاولى انتخبت والدي
و في المرحلة التانية انتخبت مرشح الاخوان ضد مرشح الحزب الوطني
لاني كنت عارف انها كده كده هتتزور و كنت بعاند مع النظام مش اكتر
انما مكنش ابدا ابدا تعاطف او اقتناع بجماعة الاخوان
كلمة اخيرة
على الرغم من اني مش راضي ابدا عن النظام الحالي .. الا اني شايف انه النظام الوحيد الحالي اللي يقدر يتعامل .. و انا كنت مؤيد للؤئيس محمد مبارك في انتخابات الرئاسة لاني كنت شايف انه الوحيد اللي يقدر في الفترة الحالية انه يمشيها على عكس كل المرشحين سواءا ايمن نور او نعمان جمعة اقوى المنافسين
نفسنا نشوف حد جديد بيفهم على الساحة
ليه مثلا واحد زي عمرو موسى مترشحش
موضوع جديد هنبقى نفتحه بعدين
و شكرا يا محمود على التنبيه والنقل الموجز للمقالة
و اسف على الاطالة
شكرا ستار ستورم على مرورك
وبشكرك جدا يادرش على التعقيب الهايل ده
وايضا بشكرك على توضيحك لأسلوب الإخوان المسلمين
وهو الأسلوب اللى بتخذونه لكسب تعاطف الناس
والأسلوب ده ا أحنا بنسميه فى علم السياسة دغدغة المشاعر وبيندرج تحت تزييف الإرادة
وانا معاك فى حكاية ان النظام الحالى مليئ بالأخطاء وبه الكثير من الأخطاء وينتج عنه اداء سيئ
بس فعلا هو النظام الوحيد اللى يقدر يتعامل مع الأوضاع فى الوقت الحالى لانه فعلا احسن الموجودين
وافتكر انه بنفسه بدأ فى طريق للإصلاح لأنه يعلم ايضا مساوئه وربنا يعينه على الاصلاح واكيد طبعا احنا مع الإصلاح وبندعمه
واما بقى بالنسبة للسيد عمرو موسى فالراجل ده فعلا محترم جدا وسياسى جيد وناجح على المستوى العالمى لا أحد يستطيع ان ينكر له هذا
بس انا مش عارف مين صاحب الزوبعة اللى حصلت والناس اتكلمت فيها فى انه يرشح نفسه للرئاسة انا عارف انه استفتاء فى بعض المجلات بس على اى اساس انا مش عارف
والراجل مش فى دماغه الكلام ده خالص ومفيش اى صراع بينه وبين النظام او الريس زى ما الناس فاهمة
وتانى بكرر شكرى ليك يادرش
ومع خالص تقديرى
حبيبي .. انا مقصدتش ان في خلاف بينه و بين النظام
انا قصدت انه كشخصية محترمة
بقالها سنين في العمل السياسي (الخارجي) مش المحلي على عكس كل المرشحين اللي فاتوا
يعني راجل كان ينفع رئيس جمهورية
مش رؤساء الاحزاب اللي كانوا مترشحين
شكرا يا حودة على الرد
انا ماقصدتش انت أبدا يادرش
انا بتكلم للتوضيح بصفة عامة لما تردد من قبل ايام الإنتخابات وماقبلها وبعدها
والراجل فعلا مفيش اعتراض عليه
بس افتكر ان اللى بتبع طريق السلك الدبلوماسى بيبقى طموحه فى طريق تانى خالص غير رئاسة الدول بيبقى عادة طموح دبلوماسى دولى
والله أعلم الراجل دماغه فيها ايه
مع خالص تقديرى واحترامى
شكراااااااااااا يا حوده يا نجم على الموضوع الجميل
اما بالنسبه
"لماذا خطر ببال الولايات المتحدة الأمريكية الان ان تشيد بالجماعة المحظورة ؟"
فهى دى امريكا بتعمل اللى ميجيش على بال حد وكمان هى شايفه ان الاخوان ممكن يجى منهم رجا فقالت اخلينى معاهم .وانا شايف ان الحكومه بدأت تقاوح مع امريكا وتصدها فمعجبهاش الموضوع فبتخوف الحكومه الاخوان بحيث انها تعرف الحكومه انها مش هى بس اللى لامريكا فى البلد فى الاخوان برضه بمعنى وضح ان لو الحكومه اتخلت عن امريكا ففى الاخوان طبعا اللى يتمنوا ان امريكا تساندهم.
اما بالنسبه لموضوع تعاقب التدخلات الامريكيه فانا مش عارف ايه تفسيرها والله انا بقول نسيب ام البلد لاميكا وهى تصرف فيها .والله الواحد اتخنق من الناس بتاعت امريكا دى عالم بجحه اوى انتوا مالكم انتوا بالبلد ايكش نولع فيها هى بلد اهلكم !!!!!!!!!!!!!!!!!!!!!!!!!!!!!!!!
شكراااااااا يا حوده مره تانيه
نحو مزيد من التواصل
متشكر جدا ياميسى على مرورك على الموضوع وتعقيبك عليه
وفعلا ممكن يكون على رايك ان امريكا بتعاقب الحكومة بالاخوان علشان بقت بتصدها
وجزاك الله كل خير ياميسى
مع خالص تحياتى