مد إيدك ... سامح غيرك ... متضيعش الفرصة

السلام عليكم





بتحصل مواقف كتير مع الناس



سواء صحابنا أو معارف من بعيد



وبنقابل ناس وينزلوا من نظرنا



ونشيل منهم ونقرر إننا نبعد للأبد






طب متيجوا نسامح بعض ع اللى حصل زمان



حتى لو مش هنتكلم تانى



بس نبقى من جوانا صافيين مع كل الناس



ومش شايلين من حد حتى لو غلط فينا





مد إيدك والحق الفرصة ومتضيعهاش




أنا بعترف إنى مختلف مع ناس هنا



فى آراء فى تصرفات أو نظام تفكير



لكن مهما عملوا بحترمهم


حتى لو مش هنتكلم مع بعض



ومسامح أى حد غلط فيا




أينعم هبقى معاه من بعيد لعيد



لكن ع الأقل نلغى حاجة اسمها خصام



واللى مخنوق منى بقى يسامحنى




دا رمضان داخل عايزين نصفى خلافاتنا



ونفوق ونستعد من قلبنا بجد






كل اللى عليك إنك



ترد وتقول إنك مسامح اللى غلط فيك



ومش شايل من حد



ولو مش هترد اعملها بينك وبين نفسك



صدقنى هتبقى مرتاح نفسيا





وانا أول واحد سامحت ونسيت



مين كمان ناوى يمد إيده



ويســــامح