ليه بنقول دايما " كبر دماغك " ؟!

السلام عليكم ورحمة الله وبركاته ,,

ازيكم يا جماعه ,,

اهلا بيكم فى موضوعي المتواضع

ليه بنقول دايما " كبر دماغك " ؟!

فى احيان كتيرة من حياة الانسان بيبقى مش طايق نفسة

و مش مستحمل اى حد او اى حاجة

و ساعات الانسان بيحس من ضيق معين

او مثلا بيبقى زعلان ومضايق من حاجة و هو مش عارف ايه هي

الحالة دى بتبقى منتشرة جامد اوى بين طلبة المدارس او الجامعات

او حتى اللى بيبقى عليهم ضغط كبير فى حاجه معينة

و هنا تظهر جملة ,, " كبر دماغك "

بس انا عايزة اسأل سؤال واحد بس

لغاية امتى هانقول الكلمة دي

يعنى مثلا فيه ناس كتير اوى بتتردد على دماغهم الكلمة دى

يقولك , يا عم كبر دماغك

انجز فى كل حاجه

او بمعنى تانى

مش كل حاجه تعملها بضمير

اقدر اقول على الناس دى , ناس متخلفة

لانه مش عارف انه لو معملش الحاجة بضمير

طول عمرة هايفضل متعذب وراها

زى المدرس اللى مش بيتقي ربنا فى الطلبة

و بيتعمد يشرح بطريقة اى كلام علشان يروحوا ياخدوا دروس خصوصية

فين الضمير ,, فين الخوف من ربنا ؟؟

و برضة زى الدكتور اللى بيتقاضي اجر مبالغ فيه جدا

على عمليات تافهة او ملهاش اهمية

فين الضمير على كل دا ؟؟

للاسف معظم الناس ماشية على مبدأ الانجاز و الكروتة دا

بس السؤال دلوقتى ..

هل انت من الناس دي ؟؟

و لو كنت منهم , هاتفضل على النظام دا لغاية امتى؟؟

تسلم إيدك
=d>

هى حكايه كبر دماغك كى مش اننا بنعمل الحاجه من غير اتقان

لا احنا بنقول كده من زهقنا لما الواحد يكون مخنوق وجايب اخره

فبيقول كبر دماغك يعنى ما تفكرش كتير فى الحاجه اللى مضيقاك

وعديها اصل لو كل حاجه فكرنا فبها الواحد هيتهبل فى الاخر

فبنقول كده اما اللى بيقولها علشان يعدوا حاجه او يكروتوا شغلهم

دى طبعا اكبر غلط....ويبقى كده هما سلبين واكيد هضروهم الحكايه دى فى حياتهم...

بجد موضوع جامد وتسلم ايديك ياقمر...

شكرا لمرورك الجميل

تسلمى لمرورك يا منار وشكرا لتعليقك على التوبيك

كبر دماغك
معناها عدم تحمل مسؤلية..
يعنى انسى بلا قرف

اوك يا مصرية يا تسلمى لمرورك

والله كبر دماغك دى كلمه بنستعملها بنحاول نعوض بيها الخانقه اللى حاسين بيها وشكرا على التوبيك الهايل ده

شكرا لمرورك الجميل يا انجل وشرفت التوبيك