السلام عليكم ورحمة الله وبركاته
احنا دلوقتى عملنا الموضوع ده عشان نعرف مع بعض نظام برنامجنا
ويارب افكارنا تعجبكوا ان شاء الله
بس احنا عندنا شرط للاشتراك فى البرنامج بس هنخليه للاخر
عشان محدش يغير رايه قبل ماتشوفوا النظام
هههههههههه
بصوا يامفاكيك
احنا هيكون عندنا 3فقرات خاصه بالمتسابق وفقرتين خاصين بباقى الاعضاء
اللى هيشتركوا فى البرنامج يعنى(الجمهور)
الفقره الاولى:هتكون عباره عن اسئله منها فوازير ومنها اسئله خاصه برمضان ودى الفقرة الوحيدة اللى هيكون ليها نقط فى المنافسة ,,يعنى اسئلتها اهم حاجة عشان تكسبوا ومتخفوش هيكون فيها اسئلة سهلة وكمان قريت كام النهاردة من القران
الفقره الثانيه:هتكون اسئله فكاهيه ودى هتكون ثابته معانا فى كل حلقه ان شاء الله وهتنسأل لكل ضيوفنا
الفقره الثالثه:دى بقى هتكون نظام مقالب يعنى هنسأل احنا العضو اسئله من عندنا
وان شاء الله تكون اسئله خفيفه يعنى ونهزر معاه شوية
نيجى بقى للفقرتين الخاصين بباقى الاعضاء اللى هما جمهورنا الكرام
أولا:هيكون فى سؤال فى اخر كل حلقه سؤال للجمهور واول عضو هيجاوب عليه صح هو اللى هيكون فاز ويخش المرحلة التانية
كمل قراية وهتعرف يعنى اية المرحلة التانية
بس اى عضو ماعدا اللى بينسأل فى الحلقه طبعا هههههههه
ثانيا:هنسيب لكوا فرصه لو عاوزين تسألوا المتسابق كل عضو سؤال واحد بس وطبعا اسئله عاديه
يعنى ميكونش فيها احراج ولاحاجه ومش داخلة فى السباق طبعا
نيجى بقى للشرط اللى قولنا هنسيبه للاخر
وعلى فكره الشرط ده مش فيه نقاش
احنا طبعا اى سؤال او اى حاجه بتقف علينا بنجرى ندور عليها على جوجل
احنا بقى شرطنا
"اعتمد على عقلك وفقط"
يعنى م الاخر
لا للاستعانه بصديق
ولا اى مساعدة خارجيه
ولاللاستعانه بجوجل ولا اى موقع بحث
ههههههههههههههه
والاعضاء اللى فى كل مرحلة هيتعاهدوا على كدة
وطبعا احنا هنكون فى رمضان
كل واحد وضميره بقى
يعنى قبل ماتدخل لازم تقسم بالله انك على قد معلوماتك بس
وطبعا احنا واثقين فيكم والشرط دا جديد فى عالم مسابقات المنتديات
بس دا عملناه لأننا بنتعامل مع احسن ناس فى احسن منتدى
وطبعا دا هينطبق لسؤال الجمهور بردو اللى هو اللى يجاوبه صح الاول يكسب
مهم اوووووووى اللى جاى دة ركز
((وفى حاجه كمان تبع البرنامج واهم حاجة))
احنا دلوقتى قولنا هنكون معاكوا يوم ويوم ان شاء الله
يعنى هيكون معانا خلال الشهر 15 ضيف
هنكون قدمنا خمس حلقات مع خمس ضيوف هنشوف الفايز فيهم ونقول عليه
والمرحلة التانية والتالته نفس النظام
وطبعا اول خمسة هنختارهم
وبعد كدة اللى هيجاوب على السؤال فى نهاية الحلقة
هنختارة للمرحلة التانية
وهكذا فى المرحلة التالتة
وبكده هيصعد معانا تلاته ان شاء الله من ال 15 ضيف
يكون لقاء القمه بقى يوم العيد واللى هيفوز هيجيب لفريق العمل العيدية واحنا هنقسمها بمعرفتنا بقى
هههههههههههههههه يعنى مش كفايه طلعناكم فى التلفزيون ههههههه
وطبعا متنسوش سؤال الجماهير
ودا هيبقى كل حلقة وهيبقى كده معانا 15 عضو غير مشترك فى السباق هياخدوا لقب نجم الجماهير
يله عايزين نشوف رأيكم فى البروجرام بتاعنا والافكار دى
ودى نهائية على منشوف اراء الادارة بتاعة البرنامج بس لو لقينا حاجات جديدة ممكن نغير ونبلغ حضراتكم ان شاء الله
وقريبا جدا هننزل اولى حلقاتنا فى رمضان وهنكون اخترنا فيها ال 5 ضيف اللى هينزلوا المرحلة الاولى
