الحلقه السادسه من يوميات مشرف منحوس فى منتدى

الحلقه السادســــه



ميزو : الفاضلة ضـــى أثارت نقطة مهمة وهى ركن المكتبة ... إزاى ماعندناش مكتبة فى المنتدى طول السنين اللى فاتت دى ... إنتم عارفين إن سوزان مبارك أول ما هتوصل هتسأل على أى مكتبة علشان تفتتحها ... لازم نعمل ركن للمكتبة بسرعة فى المنتدى يكون ملحق بيها بوفيه واستراحة ودورة ميه

تاتا : المكان موجود... فيه مساحة فاضية فى المنتدى الادبى كنا عاملينها خرابة بنحبس فيها الأعضاء المشاغبين ... ممكن نجيب كام بولدوزر يساويها بالأرض ونبنى مكانها مكتبة ... بس المشكلة هنملى المكتبة كتب منين ... محتاجين تمويل...خلص الكلام

اسباى : ولا تمويل ولا حاجة ... إحنا نستعير كتب من الأعضاء لحد ما الزيارة تنتهى ... فيه أعضاء كتير مثقفين هنا فى المنتدى عندكم ياسو ...يمانى ... سين دى لوحدها موسوعة ... بتقرا كتير جداً ... ده حتى فى ناس بيقولوا إنها إتعمت من كتر القرايا وبتتعالج حالياً فى مستوصف ... بيحطولوها مرهم كل ساعتين فى عينيها ورابطينهم لها بشاش... يعنى مش هيحتاج الكتب دلوقتى فى حاجة

أحمد : ما عميتش ولا حاجة يابنى ... أنا رحت زورتها فى المستوصف إمبارح وقربت من عينيها لمبة 400 وات سمعتها بتقول أح أح وده معناه إنها شايفه الضوء

اسباى : مش شرط تكون شافت ...... ممكن تكون سوخونية اللمبة حرقت لها الشبكية فانت إفتكرتها إنها شايفه

شيمـــاء : يعنى إيه شبكية ياعمو؟!

يفتح ميزو علبة دواء الضغط ويتناول حبة بعصبية ثم يقول ممكن نركز شوية ياجماعة

درش : أنا عندى مجموعة كتب مش بطالة فى الأدب والشعر وكتب طبية ممكن أبعتها

اسبـاى: هايل...بس محتاجين كتب أطفال...إنتوا عارفين شوزان...لازم يكون فيه كتب أطفال

درش : ممكن نهال تساعدنا فى الموضوع ده ... أنا هتصل بيها تبعت لنا شوية كتب من عندها

أحمد : انا ما عنديش أى كتب غير ميكى ... أنا رحت استلف من عند سوبرمان ملقتش

سمسم : ليه ياجماعة منبعتش حد الجبل يروح للمطاريد يستلف منهم شوية كتب...فيه منهم ناس كتيرمثقفين وأكيد عندهم كتب محترمة

اسباى : حد الله ما بينا وبينهم ... تغور الكتب اللى تيجى من ريحتهم...قلبى وربى غضبانين عليهم إلى يوم القيامة

شيمــاء: مين المطاريد دول ياعمو؟!

درش: ادخلى نامى إنتى علشان عندك مدرسة الصبح

شيمــاء : طب تصبحوا على خير

درش : يعنى كويس كده لما تفتحوا عينين البت على الحاجات دى

سمسم : يظهر مفيش حل غير إنى أوصل الجبل أقابل المطاريد

ميـــزو : نيجي لأهم واخطر نقطة لابد من الإتفاق عليها ووضع أُطر وآلية تنفيذ لها .. حيث إن مستقبل فكك منى كله يتوقف عليها

اسباى : خير قلقتني

ميزو : أظن كلامي واضح يا سادة وماهوش رمادي ، نقول كمان .. أنا أعني يا أفاضل نقطة توزيع الادوار .. بمعنى كل واحد مننا هايعمل إيه أثناء زيارة الريس

درش : أنا فهمتك يا بوص ، بص يا سيدي .. أنا طبعاً هالبس الحتة السموكن السودا اللي عندي واللي ما بطلعهاش غير في المناسبات وأضرب البيبيون المفتخرة على شوية جل على شعري والنظارة الريبان السودا وهابقى ولا الخديوي عباس حلمي في زمانه ... وإنت كمان تعمل زيي وتتصرف لك في أي حتة سموكن ولك مطلق الحرية تلبس بيبيون تلبس كرافتة او كوفية مش مهم .. وانا وإنت بس نبقى في إنتظار سيادة الريس

ميزو : عظيم عظيم ..

درش : تاتا بقى هايقعد جنبنا على المنصة يلم الأسئلة اللي هاتتسأل للريس ويفرزها وينقحها والأسئلة اللي فيها قلق يرميها في الزبالة

ميزو: ممتاز إكسلنت .. أنا كمان بأقترح إن ضـــى تشرف بنفسها على الأكل عشان تتأكد إن كل حاجة ماشية حسب المعايير الطبية

تاتا : إنتوا نسيتوا حاجة مهمة ... الريس لما ييجي يفتتح المنتديات الجديدة بالتأكيد هايطلب يلقي نظرة على المنتديات المفتوحة عندنا واللي ممكن تودينا في داهية

ميزو : قصدك إيه ؟.. أفصح تكلم أيها الزميل الفاضل

تاتا : أنا قصدي منتدى السياسة .. والريس أساساً ما بيطقش السياسة وعشان كده مخلي الشعب ما بيفهمش غير في سياسة التوفيق اللي شعارها بيقول ( يا بخت من وفق راسين في الحلال )

درش : اتفق تماماً معاك يا تاتا ، وعندك كمان منتدى مكافحة الجراد قصدي الفساد ده لوحده فيه 15 سنة سجن في معتقل المغول لكل واحد فينا

تاتا : وما ننساش المنتدى الاسلامى .. الريس ورجالته عندهم تعصب من كل ما هو إسلامي ... انا رأيي نقفله مؤقتاً ونحبس جواه كل الاعضاء ذوي التوجهات الإسلامية .. والله انا خايف عليهم من الريس

أحمد : يعني بإختصار نخليلة الحاجة الخفيفة واللي فيها فرفشة .... أنا فهمتكوا

شيماء : في كمان يا جماعة موضوع كلمة المنتدى التي يجب أن يلقيها أحد الزملاء بالنيابة عننا ... أنا سيبولي الموضوع ده هاحضر كلمة محترمة وأقولها قدام الريس

ميزو وهو بيجز على سنانة : يا شيماء لو سمحتى إستنى شوية .. كلمة إيه ؟ ده انتى قعدتك في السعودية وألمانيا نسيتى العربي .... خليكى إنتى لزيارات السادة الرؤساء الأجانب إبقى أتكلمى براحتك وما فيش حد هايفهمك مننا او منهم

أحمد : يبقى ما فيش غير ايمى3 ... نخليها تكتب كلمة مختصرة وبأقول تاني مختصرة والأختصار بتاعها ده أنا عارف ممكن يبقى 5 صفح وتملاهم شوية مصطلحات مكلكعة زي العودة لمائدة المفاوضات والسلام العادل والشامل ونزع جميع الأسلحة من العرب ومنطقة الشرق الاوسط ما عدا إسرائيل والحاجات دي ... الريس بيموت فالكلام ده وبينشكح قوي لما بيسمعه

سمسم : على جثتي .. ايمى3 لأ ... الأخت دى بقالها فترة لها توجهات مش عجباني

تاتا : وسع يا جدع إنت وهو ... اما يا ميزو فكرتلك في فكرة ... اولاً هاستهال عليها نص شهر مكافأة .. وثانياً اتحدى إن ماكنش الريس ينفحنا فيها قد 100ألف دولار علاوة

ميزو : قول انا في عرضك .. أنا في حاجة ماسة إلى أي ألية تدفع السيد الرئيس وتخليه يرضى عننا

تاتا: انا طبعت المجلد بتاع " إسلامستان " وجلدته وزخرفته وبقى عامل زي الملازم اللي كنا بنصورها أيام الجامعة قبل الإمتحانات بيومين ... فممكن بمنتهى البساطة أقوم مغير بس العنوان من إسلامستان إلى " مباركستان "
وانا عارف إن مستحيل الريس هايقرأ الحشو اللي جوه لأنه مش فاضي .. هو بس هايشوف العنوان وهايزقطط .. إيه رأيك ؟

درش : أبوس تلافيف نخاشيش دماغك . ... إنت عبقري إنت فلته .... روح يا شيخ إنت فعلاً تستاهل الدعوة اللي دعيتهالك قدام الكعبة في عمرتي اللي فاتت واللي كلفتني 1500 جنية

ميزو : برافو يا تاتا ..... جوووووووووود

تاتا : تربيتك يا باشا وكل ده من خيرك

درش : أنا بقى بأقترح إن اللي يكتب الكلمة الإفتتاحية بنت اسكندريه ، ما شاء الله عليها ضلعية في قواعد اللغة العربية وفي أصول اللغة العربية .. ونخليها كمان هي اللي تلقي الكلمة بين يدي الرئيس ... بس نشتري لها فستان جديد على جزمة سودا وتعمل شعرها فينوكات وهاتبقى زي الفل .. والريس مش بعيد يتبناها زي البنت أمال ماهر اللي بتغني

أحمد : برافو .. أنا معجب كمان ببنت أسكندريه هي طالما بتبعد عن المربى والمخلل بتعمل شغل عالي قوي ( طبعا أحمد بيتكلم من ورا قلبه)

تاتا : بس في نقطة انا أقتل نفسي عليكم لو ما نفذنهاش ...

ميزو : إيه خير إتكلم أنا أبتديت أُعجب بيك بعد ما عدلت أفكارك المسمومة بتاعت المحشي والملوخية

درش : استنى بس يا تاتا بص يا ميزو .. أنا عارف إن الريس أهلاوي .. فلو جه ولقى عندنا في منتدى الرياضة مواضيع عن الزمالك وأعضاء زملكاوية عمالين بيبعبعوا في الكلام .. ممكن الراجل يأذينا .. لذا بأقترح إننا نقوم بعملية سحل مؤقت للزملكاوية وعلى رأسهم شيماااااااااااااااااااااا اااااااء وتاليااااااااااااااا ..... ونجيب الاهلاويه اللى فى المنتدى وعلى رأسهم نهال ونمسكهم أعلام حمرا ونلبسهم فانلات حمرا وندهن وشهم احمر ونحفظهم كام شعار من بتوع بص شوف الأهلي بيعمل إيه .. وصالح سليم يا مدرسة .. والحاجات دي ويقفوا على منتدى الرياضة وأول ما يلمحوا الريس جاي من بعيد يدوها علطول

اسباى : قشطة يا سيد ...... ده الريس كده عمره ما هاينسى الزيارة دي

سمسم : بس أنا عرفت إن جمال بيه له ميول زملكاوية وممكن يزعل

درش : يا سمسم ...... طالما الريس موجود يبقى عاش الملك ... لما جمال يبقى يترستأ على الكرسي يبقى يحلها ربنا بقى وعلطول نقوم عاكسين الأية ... فنسحل الأهلاوية .. ونلمع الزملكاوية ... ده شغل كبير اوى عليكى

هههههههههههههههههه
لا والله بتتعب معانا
ههههههههه
المشفين دول بيتعبوا اوى اوى اوى

شكلنا هنعمل عندنا مساحة فاضية لكدة
وانت هتكون اول المشاغبين فيها

بجد أنت الى ليا فى المنتدى
محدش متابع الموضوع غيرك /:)
وفعلا أنتم تعبتو معانا كتير جدا جدا
بس ايه حكايه الالف وخمسمائه دول ~:>
حبتوهم منين

على فكره ده اكيد منتدى للاغبياء فقط

أممممممممممممممممممم
>:d<