أخر حلقات يوميات مشرف منحوس فى منتدى

من غير رغى وكتر كلام

ندخل فى أخر حلقه

الحلقه الأخيره

يخرج الرئيس ومرافقيه من المنتدى الاسلامى متوجهين إلى المنتدى السياسى ... ينتهز أحمد نظيف فرصة تزاحم الحرس ليحيطوا بالرئيس أثناء خروجه من المنتدى الاسلامى وينفصل عن الموكب ليدخل باب المطبخ

أحمد نظيف لنفسه : يا ما شاء الله والحارس الله....إيه ده كله...إيه ده كله...بطة بالشاميل....لما ادوق كده....الله الله الله....وده إيه ده....بطاطس بوريه بفتة الكوارع....ياسلام سلم الحلة بتتكلم....وإيه اللى هناك ده...ورك غراب بالشامبنيون.....جميل جداً روعة....ودى إيه دى...مربة جزر بأعشاب البحر... حبيبى يسعد أوقاته......يأكل نظ نظ حتى لم يتبقى فى بطنه مكان لأى شئ أخر فيعود متسللاً لينضم لموكب الرئيس ليجدهم قد وصلوا إلى المنتدى السياسى

يفتح الحرس الباب ليجدوا مئات الأعضاء المحبوسين داخل زنزانة حديدية ضخمة وطالع عينهم وتعبانيين اوى

يتساءل مبارك: مين دول

أحد الاعضاء : إحنا الشعب...أرض بلدنا ملك الشعب...إحنا الشعب

عضو أخر : كان نفسى أشوفك من زمان ياغراب الخراب

يتحرك أحد معاونى الرئيس تجاه العضو لإعتقاله ولكن مبارك يمنعه قائلاً....دول مفيش منهم خوف مدام ما مفيش معاهم سلاح....الناس دى التعب والفقر هد حيلها....سيبهم يتكلموا براحتهم....خليهم يعبروا عن رأيهم....المهم الكلام اللى هيقولوه هنا محدش يسجله...يعنى لا الإذاعة ولا التليفزيون ولا الصحافة تسجل أى حاجة من الكلام اللى هيقولوه دلوقتى

سمير رجب: يلا ياولاد...قولوا اللى فى نفسكم....أوكازيون...كلنا سامعينكم....أظن ده أكبر درس عملى ليكم إن مصر بتعيش أزهى عصور الديموقراطية....سمعونا ياجماعة تسقيفة للزعيم الرمز مبارك

يقوم مرافقى الرئيس بالتصفيق لمبارك الذى رفع يده لتحيتهم بينما يرفع الشيخ طنطاوى يديه إلى السماء داعياً للرئيس بالنصر على الأعداء

يكرر مبارك...خايفين ليه ياولاد....إتكلموا....أنا سامعكم

تلمح سوزان مجموعة من عضوات المنتدى وبرضه طالع عينهم من التعب ...تقول سوزان بيتهيألى نبتدى بالبنات والستات الأول...ليدز فيرست... وبعد كده نستمع للولاد... بتنادى على واحده....تعالى ياشاطرة ما تخافيش....إسمك إيه ياحلوة

سين : بيقولولى يا ياسو

سوزان: إسمك حلو أوى...مش عايزة تسألى عن أى حاجة يا ياسو

ياسو : هوه مفيش فى مصر أمراض يا أبلة غير شلل الأطفال...مسمعناش حضرتك إهتميتى بأمراض تانية كتير موجودة ومنتشرة فى مصر زى إلتهاب الكبد الوبائى أو البلهارسيا أو الربو والأمراض الصدرية نتيجة تلوث الهوا اللى بنشمه

احمد نظيف مقاطعاً ياسو : بنتتتتتتت

مش كويس كده يا ست سين ...

يأمر أحمد نظيف الحرس الخاص قائلاً: خدوها تتفسح شوية....أكيد نفسك تشوفى الاهرام وتشوفى مصر من فوق الاهرام أنا هبعتك ليها ولا يهمك

تنادى سوزان عضوة أخرى.....تعالى ياشاطرة قربى.....إنتى إسمك إيه

ايمى3: إسمى ايمى3 ...تقدرى تقوليلى ايمى علطول

سوزان: وانتى ايمى مش عايزة تقولى حاجة

ايمى : ليه ياطنط ما بتدوش الفرصة للشباب فى مصر إنهم يتنافسوا مع إبنك جمال منافسة شريفة فى الحياة السياسية...ليه هوه بس اللى فى الصورة و......

الشيخ طنطاوى مقاطعاً ايمى بحده

إيه يابنتى اللى إنتى بتقوليه ده....إستغفرى لذنبك....اللهم أحصها عددا...واقتلها بددا....ولا تجعل فينا أو مثلها أحدا

يشير أحمد نظيف إلى معاونيه بأن يأخذوا ايمى إلى المعتقل.....الحرس ياخدوا ايمى بالقوة إلى خارج المنتدى السياسى وهى تصيح.....وااامعتصماه ......واااامعتصماه .... يرد عليها أحمد نظيف بسخرية لبيك يا أختاه....يضحك الرئيس ومعاونوه كأن عمرهم ماضحكوا قبل كده ....يقول الشيخ طنطاوى لايمى وعلى شفتيه إبتسامة عريضةً... طب قولى وااااامباراكاه مش واااامعتصماه

تشير سوزان إلى فتاة تبكى بحرقة....تعالى ماتخافيش... مين ده اللى مزعل ست البنات....إسمك إيه ياحلوة

بنت اسكندريه : إسمى زيزى

سوزان: بتعيطى ليه يازيزى

زيزي: دخلت المطبخ ياأبلة لقيت كل الحلل مفتوحة والطبيخ مسروق...حتى ورق الفويل اتاكل...إلهى ماتتهنى بيه ياللى سرقت تعبى وشقايا يرتبك أحمد نظيف ويدير ظهره بسرعه حتى لا تلاحظ زيزى بقع الصلصة على قميصه وبدلته ويقول بغضب...إيه التخاريف اللى بتقوليها دى يابنت...حلل إيه وطبيخ إيه...إحنا جايين نهرج هنا...يالا امشى ما تضيعيش وقت سيادة الريس....لو عندك سؤال عايزة تسأليه إتفضلى...لو ماعندكيش ورينا عرض كتافك

زيزى : أمرى لله...ممكن أسئل الريس عن الجراد

مبارك وهو يبرطم بكلمات بصوت منخفض لم يسمعها إلا الجالسين إلى جواره: يادى الجراد وسنين أم الجراد...الله يخرب بيتك يافقرى ياإبن الفقرى ياللى فى بالى....ثم يتحدث إلى زيزى ... ماله الجراد يابنتى

زيزى : إزاى الحكومة تعلن إن الموقف تحت السيطرة ونصحى من النوم نلاقى الجراد فى بيوتنا

مبارك: شوفى يابنتى...أنا يمكن بقول الكلام ده لأول مرة....الموضوع إبتدى من كام سنه فاتوا...كنت فى زامبيا بحضر الجلسة الإفتتاحية لمؤتمر القمة الأفريقى....بعد الجلسة طلعت الجناح المخصص ليا علشان أنام...فؤجئت برئيس كينيا نايم فى السرير بتاعى...طبعاً للإنصاف هوه عمل كده بدون ما يقصد...يعنى غلط غير مقصود من ناحيته خلاه دخل الجناح بتاعى على إنه الجناح بتاعه...الحقيقة أنا أول ما دخلت الجناح لقيت ريحة الأوضة تقرف الكلب الجربان...فزعقتله وقولتله قوم فز من على سريرى ....الحقيقة الراجل قام واعتذر ومشى من سكات بس حسيت إنه شالهالى....مفيش شهرين يابنتى إلا وأسراب لا أول لها ولا أخر من الجراد بتجتاح مصر..... وبعد تحريات مكثفة اتأكدنا ان رئيس كينيا ده عمل لنا عمل وربطه فى رجل سحلية سودة....الشيخة أم صباح العمشة ربنا يكرمها عملت لنا حجاب (وأخرج الحجاب من جيبه) وزعنا ملايين النسخ منه على جميع الإدارات الزراعية فى مصر وجارى حالياً إلقاء الحجاب بطائرات الرش على كل المحافظات المنكوبة

زيزى: ومكتوب فيه إيه الحجاب ده

مبارك: الشيخه أم صباح العمشة أخدت العهد على الجراد إنه لا يإذينا ولا نأذيه ...ومن ساعتها يابنتى بطلنا نرش... ولا إيه ياشيخ طنطاوى

طنطاوى: وإن جنحوا للسلم فأجنح لها....طالما أن الجراد قد كف يده عنا فلا يجوز لنا قتاله

سوزان: مين القمر اللى واقفة تدندن هناك دى

سوزان: تعالى ياأمورة كنتى بتغنى بتقولى إيه

العضوه مجهوله الاسم : يادبلة الخطوبة عقبالنا كلنا....ونبنى طوبة طوبة فى عش حبنا

سوزان: إنتى مخطوبة

العضوه : أأأأأأيوه

سوزان: وبتحبى خطيبك

العضوه : لالالالالالالالالالالالا

سوزان: أمال بتحبى مين

العضوه : لا بحبه....ولا بحبك....ولا حتى بحب نفسىىىىىى

سوزان: لقيتوا شقة

العضوه : لالالالالالالالالالالا

سوزان مخاطبةً جمال مبارك: شوفلها شقة عندك فى الجمعية يا جيمى

جمال: ولو إن الشقق كلها محجوزة لكن طلباتك أوامر ياماما.....عدى عليا بكره فى الجمعية ومعاكى ألف جنيه مقدم حجز.....فيه عندى شقة اوضة وصالة وحمام مساحتها 12 متر

العضوه : مفيش مطبخ

جمال: ولزومه إيه المطبخ...محلات الوجبات السريعة ماليه البلد....بعد ما تكونوا نفسكم خصصوا مساحة من اوضة النوم واعملوها مطبخ

طنطاوى: يابنتى ما ملئ ابن آدم وعاء شر من بطنه

يخرج فجأة من الزنزانة الحديدية المحبوس فيها الأعضاء شاب لحيته غير مهذبة وشعره منكوش يمسك فى يده ورقة كبيرة ويتقدم نحو الرئيس....يستعد الحرس الخاص بالرئيس ويشهروا أسلحتهم...تصرخ ايمى وتقول لا تقتلوه...ده زميلنا يمانى بس كان محضر قصيدة ترحيب بالرئيس وجاى علشان يلقيها...ده شاعر موهوب ولعله أفضل من قرأت لهم خلال الخمسين سنة الماضية

من داخل الزنزانة تتعالى صيحات الأعضاء مؤكدين على كلمات ايمى

مبارك: سمعنا ياسيدى

يمانى : لا تسئلينى من أكون....خفقات قلبى فى سكون...لا تخدشى ذاك السكون...لا تسحقينى....ادفعينى....احرقينى ....لكن لا تسلمينى للجنون....فمداد قلمى لن يهون...حشرجة صوتى لن تكون...لا تخدشى ذاك السكون....لا تخدشى ذاك السكون

يقف فاروق حسنى ويصفق بحرارة ليمانى

مبارك مخاطباً نظ نظ : بيقول إيه ده !!!؟؟؟

نظ نظ : كلام ثقافة ملناش فيه إحنا ياريس...المهم سقف وخلاص علشان ما يقولوش عليك جاهل

يقف مبارك ويصفق بحرارة ليمانى

تشير سوزان إلى عضوة يبدو على وجهها الغضب وكأنها تريد أن تصرخ فى وجه الجميع

سوزان : البنت اللى واقفة هناك دى....إتفضلى....مالك يابنتى.....تعالى جنبى هنا....إسمك إيه؟

نهال : إسمى نهال ....عندك مانع

نظ نظ : عيب يا نهال متنسيش إنك بتكلمى أم المصريين

نهال : إيه الصلصة اللى على قميصك دى

سوزان: سيبك منه يا نهال ...لما أكون بتكلم معاكى عيب أوى لما تسيبينى وتتكلمى مع حد تانى.....إنتى بتشتغلى إيه؟

نهال : فى الـ

مبارك: ده لبوس ولا أقراص

نهال : ده فن راقى مش أى حد يفهمه

أحمد نظيف : عارفينه طبعاً...مش هوا ده النحت؟؟؟...ياما نحتنا قشر بطيخ واحنا صغيرين

سوزان: مالك يا نهال ...إيه اللى مضايقك....إتكلمى

نهال : لالالالالالا....إذا كان على اللى مضايقنى حاجات كتير قوى.....حاجات خلتنى أسيب بلدى بعد ما خربت على إيديكم....كل شئ بقى ماسخ ومالوش طعم.....وصلتونا للحضيض..... بقينا ولا حاجة....حتى الفن بقى ماضى لسه عايشة فيه

احمد نظيف : دى باين عليها ياريس اللهم احفظنا كتاكيتو بنى....ماترقيها ياشيخ طنطاوى

طنطاوى: لن يذهب عنها ما همها إلا أغنية حكيم ...الكلام ده كبير...أوعى يكون الأخير

عضو يتكلم من وراء القضبان: معقول اللى بيحصل ده...معقول ياجماعة وصل حالنا لكده....حكيم !!!!!

مبارك: هوه المنتدى ده مافيهش إدارة ولا إيه يا نظ نظ .....من ساعة ما وصلنا هنا وكل واحد بيقول اللى على مزاجه....مفيش لا ظبط ولا ربط وكأن اللى قاعد ده طربوش.....المكان ده لازم يتقفل وفوراً

يهمس قائد الحرس الجمهورى فى أذن الرئيس .. يظهر يافندم إن اللى اعتقلناهم أول ما وصلنا كانوا أعضاء الإدارة....أسفين على الغلطة الفظيعة دى ياريس....تحب سعادتك نفرج عنهم

مبارك: آه طبعاً....إفرجوا عنهم....خليهم ييجوا يشدوا العيال دول شوية

يفرج عن مشرفين إدارة المنتدى ليعودوا وكانوا تعبانين جدا من كتر الضرب

ميزو مخاطباً مبارك: والله ده شرف عظيم لينا يافندم تشريفكم ....أنا طول عمرى بحكى وبتحاكى عن إنجازاتك اللى غيرت مجرى حياتنا...من أول قرارك التاريخى بإننا منزرعش قمح أبداً لأن إستيراده أرخص من زراعته وإننا نزرع بداله موالح وبرقوق... مروراً على فكرك الإستراتيجى بإنشاء مشروع توشكى علشان السد العالى ما يغرقناش لو إسرائيل ضربته بالنابلم...والا مترو الأنفاق المتبطن من جواه بالعجوة والفلين وخلات الرصاص علشان نحتمى فيه لو إضربنا بالكيماوى سعادتك

وبعد انتهاء الزياره

قرار رئيس الجمهوريه

بند 1 : اعدام ميزو وكاميلو رمياً بالرصاص فى ميدان عام

بند 2 : يتم اعتقال جميع مشرفين المنتدى

بند 3 : نفى جميع الاعضاء خارج البلاد

بند 4 : يتم اغلاق المنتدى للابد

ههههههههههههههههههههه

يارب تكون اليوميات عجبتكم

والله هتحبسنا كده

o:-) o:-) o:-)

جاسر
سندباد
شكرا لمروركم
ويارب اليوميات تكون عجبتكم

ههههههههههههه
حرام عليك عقدتنى

ياسلام
أحلى ما فى الموضوع أنك أتعقدتى ;-)