أساليب البنات لتحويل الصديق الى عريس

أساليب البنات لتحويل الصديق الى عريس **
من السهل جدا يكون للبنت اصحاب اولاد "زمايل من الشغل او الدراسه او النادى او العيله" ....لكن من الصعب جدا انها تلاقي عريس جاد منهم.... يرفع الرايه البيضه و يعلن الاستسلام التام و هو رايح عند اهلها شايل معاه علبه الشيكولاته وسالف بدله صاحبه و واخد في ايده اليمين والده و في ايدة الشمال ال سي في بتاعه
الموضوع صعب ....لكن مش مستحيل ....فتحول الصاحب الي عريس .... ممكن...لكن المهم الخطه .

1- التعـــــود
ــــــــــــــ

تعتمد هذه الخطه علي ان البنت تلزق للولد....تطلعله من الحنفيه....تخليه يسمع صوتها قبل النوم و بعده ...تليفونات و حركات و استماع مستمر لمشاكله....و بعد ما يتحول لمدمن....تعمل Cut...تخليه يدور عليها في كل مكان...و بعد ما يفقد الامل تظهر فجأه بجمله "اصلي بصراحه مش عارفه نهايه الاحنا فيه دا ايه" يقع المعلم " انا مستعد اتقدملك"...هى تستغل الفرصه و تقول "خلاص انا هكلم ماما".


2- التقل سر الصنعه
ـــــــــــــــــــــــــ ــــ

اذا كان الولد من النوع اللي يعرف بنات كتير فالتقل هو الخطه الانسب تعتمد في الاساس علي المراوغه و الطناش....يعنى ييجي يتعرف عليها تسيبه وتمشي...يحاول يكلمها تديله الطرشه...و اول ما تحس انه هيزهق منها...تبتسمله و بعدها تكمل الطناش لحد ما ييجي رسم عليها بأعلانه عن احساسه بيها و رغبته في الارتباط بس الظروف وحشه معاه...الوقت هنا سانح للقبض عليه بجمله "بابا ممكن يقدر الظروف دى...اصل انا و هو اصحاب اوى...انا هحدد لك معاد معاه".


3- ماما سألتنى عليك
ـــــــــــــــــــــــــ ــــــ

لما متلاقثش في الصاحب عدل ابعتيه لماما...المهم انك تقوليله ان "انا و ماما اصحاب" و توصليلو معلومه انك دايما بتحكيلها كل حاجه و تيجى في مرة تقوليله و هو بيكلمك في التليفون "استنى ماما عايزة تسلم عليك"...و تسليملها السماعه بسرعه و لان ماما هتدعيله في المكالمه بان "ربنا يوفقك يابني"...بعدها بكام يوم و كانك بتهزري "تصور ماما امبارح سألتنى امتى هاتيجى البيت" و تكرريها مرة تانيه بجد لحد ما تحددو معاد للتدبيسه قصدى للعزومه الاولى.

4- الصديقة الوفية
ـــــــــــــــــــــــ

الصاحبه ليها عند صاحبتها ايه غير عريس ده افضل خدمه ممكن تقدمها لها و تقف جنبها فيها يعنى اول ما تنشني علي الزبون و تتعرفي عليه ابعتيله صاحبتك علي انها ترشحك ليه كعروسه هايله و بنت لقطه لو خسرك مش هيلاقي زيك تانى طبعا و انتى ماتعرفيش حاجه لحد مايفاجئك بالموضوع ده و يبقي الصاحب هو الشاهد علي العلاقه و الدافع لدخول الزبون يوة العريس البيت.

5- جانـى عريس
ـــــــــــــــــــــ

لو كان العريس من النوع البارد شويه حاولي تسخنيه و تحصلى في الاول علي اعتراف منه بحبه ليكى بعد الحصول...كل يومين قوليلو "تصور ماما كانت جيبالي عريس امبارح بس انا رفضت" و هكذا... لحد ماتيجى مرة تقوليلو "انا هكلمك بصراحه يا عمرو...انا كل الحجج قولتها للعرسان و ماما بتضغط عليا عشان اوافق وانت مش بتتحرك قولى حتى انك جاى و انا هتصرف معاهم" و اول ما يقول احدفيه لماما علي طول و هي هتتصرف. ( بس دى طريقة قديمة ومفقوسة منصحش حد يعملها

احنا بنضحك اى نعم بيحصل بس بنضحك =))

اوعوا تقلبوا عليه دنا غلبان :">

هههههههههههههه

تقبلوا تحياتى

وكل سنه وكلكم طيبين =d>

وانت طيب

ما علينا مش هنقلب عليك فى الشهر المفترج ده

ايه يااعم انت عايز تدبسنا بيتعلمهم هى ناقصه :((:((

لية يعنى ؟!!!!

داحنا نقعد فى بيوتنا ملكات ومن غير حركات القديمة دى
ههههههه
شكرا

سندريلا والله انا غلبان :(

وانا مش عارف اودى جمايلك فين يعنى لو مش رمضان كان ربنا يستر عليه

اعلم مين دول اساتذه @-)

امال الرجاله شعرهم بيبيض ههههههههه

ربنا يستر علينا

انت هتخليهم يموتونى

ملكات ههههههههه

ضحكتينى وربنا يا امانى

ههههههههه
ههههههههه

طبعا ملكات حد يقدر يقول غير كده

احنا من غيركم ولا بلاش ;-);-)

هههههههههههههههههههههه بعد كل اللى قالتو دة يا احمد وبتقول غلبان كويس انك لسة عايش اصلا

ههههههههههههههههه ومنكم نستفيد :p

انتم تعملو حاجات اكترر من كده :p

ههههههههه

ربنا يستر عليك ههههههههه

تسلم يا احمد