رمضان السنه دى بطعم جديد ........

زى ما فى ناس كتير كان رمضان سبب تغييرها انت كمان تقدر تخلى رمضان سبب تغييرك

اول مره

مع نفسك وعلى ورقه بيضا اكتب 3 حاجات ترضى ربنا عمرك ما عملتهم فى حياتك وحاول تعملهم فى رمضان جرب احساسك بالطاعه وقلنا ايه الفرق ؟؟

5 دقائق

فقط ولمده 5 دقائق بعد كل صلاه افتح مصحفك واقرا ما تيسر لك من القران الكريم
ستفاجأ انك ختمت القران فى اخر يوم فى رمضان وكل ما تضاعف الخمس دقائق كل ما تختم القران اكثر

100 صائم

2 كيلو بلح ومجموعه من الاكياس الصغيره وخلى حد من اصحابك يسعدك فى تفصيص البلح ووضع كل 3 تمرات فى كيس ووزعها على السيارات قبل المدفع بــ 10 دقائق وخد ثواب افطار 100 صائم

8 ركعات

صلاه التراويح 8 ركعات لو عمرك ما صلتها او كنت بتكسل عنها جرب تروح جامع كبير واتفرج على الناس وهى بتصلى وشوف سعادتها بعد الصلاه وقول لنفسك " يعنى كل الناس دى بتحب ربنا وانا لأ " حتلاقى نفسك تانى يوم معاهم ولو مش مصدق جرب بنفسك

10 ايام

لو ظابط فى يوم اشتبه فيك ومسكك تحرى وفضلت مرمى فى الحجز 10 ايام على ذمة قضيه اكيد هتفضل تدعى" يارب فرج عنى ما انا فيه " لحد ما تظهر برائتك
ايه رايك لو تحبس نفسك بجد 10 ايام على ذمه قضيه انت متهم فيها بدخول النار

وبعد الـ 10 ايام تلاقى نفسك واخد براءه
ايه رايك تعتكف انت واصحابك السنه دى وحتى لو كل صحابك رجعوا فى كلامهم تصمم انت على الاعتكاف
بعد الـ 10 ايام ولأول مره فى حياتك حتحس بشعور لا يمكن تخيله
جرب بنفسك هتكسب كتييييييييير

رمضان اهو وصل ..... فرصه يا شباب..... يلا نجرب حاجات جديده....

يلا نقول لا للسجاير.... يلا نقول لا لحاجات كتير مش عجبانا لأ

....يلا ندعى برنا يا رب اغفرلنا....... وارحمنا....... ارحمنا ...طهر قلوبنا ...
الهم انا نسال رزق مريم... وقصر آسيا... وتقوى عائشه.... وقلب خديجه ...ورقه فاطمه... وجمال يوسف.... ومال قارون ....وملك سليمان... وصبر ايوب.... وحياء عثمان.... ووجه على.... وميعاد آل ياسر...

وصحبه حبيبنا محمد صلى الله عليه وسلم
ورضاك عنا ياااااااااااااااااااارب
يارب استجب يارب استجب

جزاك الله كل خير
وان شاء الله رمضان السنة دى يكون افضل بالنسبة لنا ونكون اكتر قربا من الله

دى أعظم فرصة السنة دى
وبالذات انه كلنا فى أجازة طول الشهر الكريم

اللهم آميـــــــــن

جزاك الله كل خير