هل تستمع لهموم الاخرين ؟ أم لا

هل تستمع لهموم الاخرين ؟ أم لا

قدر الله سبحانه وتعالى للإنسان أن يخلق وهو في عناء ونصب دائم فسبحان الله

وهذا يتمثل في قوله تعالى ( لقد خلقنا الإنسان في كبد ) .. فالنفس والبال دائماً لا يخلوان ..

فمن الناس من أعطاهم الله تعالى رحابة الصدر وسعة البال فهؤلاء أكثر الناس قدرة

على التكيف مع الغير ... ومنهم من كان صدره ضيقاً لايتسع حتى لكلمة فسبحان من خلق ..

من الناس من تكون همومه ومشاكله من رأسه حتى أخمص قدميه ولكنه لايتفوه بكلمة واحدة ..

فلا يفضي بما تكنه نفسه وما تحمله من هم ....

ومنهم من لا يطيق الصبر ولا يحتمل ، فتجده يتحدث .. مجرد كلمة أشعلته ..

لذلك أحبتي أحببت أن أطرح هذ الموضوع لآخذ آراءكم حوله :

فهل أنت ممن يتسع صدره لهموم الآخرين ، أم أنك ممن يجد صعوبة في ذلك

؟؟ بصراحة ..

لما بسمع
هو اه مبدايا انا بسمع
بس لما يبقى في هم للناس اكبر من همومي بحس ان ده بيخفف عني وبقدر اساعدو
انما لما الاقي حد مثلا يقولي انا عندي مشكله ايه يا ابني خير
يقولي ماما عاوزه تعملنا ملوخيه وانا مبحبهاش اكل فين انا بقى
بلاقي نفسي من تلقاء نفسي والله
مش بستمع له
وبنفضلو
لان ده الطبيعي اني افكر في همي انا اولى من همو
بس خلاص
وده من وجهه نظري الصغنطوطه

يمكن لما بنلاقى مشاكل اللى قدامنا اكبر من مشاكلنا بتخفف عنا وبنفكر ان فى حد تعبان اكتر منى فدة بيهدينا

لكن الشخص اللى مشكله خفيفة اوى لدرجة التفاهة بنحس بملل واحنا بنسمعه

شكرا تيفا ع ردك

انا بحب اسمع مشاكل الناس بس انا عيبى بتأثر بيها جااامد ممكن هو يحكيلى وانا اقعد اعيط علشانه

اولا شكرااااااااا ليكى يا امانى على الموضوع وعلى
المواضيع الجامده
بصى بقى ياستى انا الحمد لله
وبصراحه من الناس اللى مش بتعرف تحكى اى حاجه ف حياتها علشان كده كتير بيحس انى مش عندى مشاكل خااالص ليه بقى
علشان اتعوت انى اسمع اى حد عنده مشكله حتى لو مشكله صغيره جدااااااااااااااااااا
يمكن ده اللى تعوت عليه وبحاول اساعد على قد ما اقدر
يعنى شايف ان الانسان اتخلق مش علشان يعيش لنفسه وهموم وبس
وعلشان الغير برده

تعيط عشانه ؟!!!
كويس انك تسمع وتحاول تساعده كمان
ولما تعيط معاه هتخفف عنه بردو هيحس ان فى حد حاسس بيه

شكرا جاسر لمرورك ورد ك

جميل انك تساعد وحتى لو ماقدرتش احيانا لما بنسمع حد مضايق بيكون ساعدناه بردو لأنه لاقى حد يخفف عنه ويحس بيه
شكرا وساااااااااام

انا بردو بحب اسمع مشاكل الغير و بحاول احلها معهم شويه
بس الحمد لله مشاكل اللى حوليا صغيره بردو مش كبيره اوى للدرجه
و ممكن انصح بس المشكله ان الواحد ممكن ينصح الغير و ميعرفش هو يعمل بنفس النصيحه اللى هو نفسه مقتنع بيها

(( طول عمرى بسمعهم .. بسمع مابتكلمش .. يحكولى اوجعهم .. فكريين مبتألمش فكرنى مش منهم .. انسان غريب عنهم .. لكن انا لو حكيت احزانى توزنهم ))

دى طبعا مش من تأليفى كانت كلمات اغنيه :-"