خد ازازة برفان وميت جنية شرط انك تعمل لينا عرض اعلان للشركة ؟؟؟؟

السلام عليكم

كنت جاى من القاهرة المهم وقفنى واحد وقالى خدت ازازة برفان انا عارف ان الكلام دة كلة فشنك فكبرت دماغى وسبتة ومشيت

المهم قالة دى ببلاش خدتها وجاى امشى قالى تعالى

فى كبون هتقتحة قدام مندوب الشركة وفية مكاسب من ضمهنا ميت جنية

قلت لة والمطلوب قالى تعمل اعلان للشركة وسط اصحابك واهلك عن شركة البرفان بتاعتنا

المهم انا لقيت ان الازازة والللى هكسبة مقابل اعلان دعايا منى

بصراحة قلت لة بس انا مش هعرف اعمل اعلان لكم لانى طالب ومعنديش حتة انى اعرض منتج

من هنا لهناك لقيت انى حرام انى اخدها وانا متاكد انى مش هقدر اعمل اللى هو بيقولى علية

بس انا محتار
اللى عملتة دة صح ولا غلط
ولا دة اسلوب غباء من الشركة
ولا كنت خدتها وخلاص
ولا كانت الكمرة الخفية وكدة هههههههههههههههههه
بجد والله محتار

انت كده ريحت دماغك

كده احسن ياما فى ناس زى دول كتيرررررر كده انت ريحت دماغك

انت كنت هتدخل فى حورات بعد كدة

كدة احسن واريح

يا اخي كنت خدها واديهالى وانا اعملهم اعلان .................انا بهزر احسن تصرف اللي انت عملته

ريحت نفسك وخلاص

حصلتلى بس فى وسط البلد واحد وقفنى وانا ماشى واقنعنى انى افتح الكوبون وقالى ممكن تكسب رحلة وبلاش فقلت ماشى وفتحت الكوبون ولقيت مبروك كسبت رحلة للعين السخنة انت اتنين كمان
قولت ماشى كويس
طيب تعالى بقى نروح للمندوب علشان ياخد بياناتك قولت حلو
اذ فجأتا الاقى المندوبة بتقولى هاتدفع عشرين جنيه تامين انك تيجى الرحلة ولو مجتش العشرين جنيه هتروح عليك
بينى وبينكم قولت يا فكيك اساسا هما قالولى اعمل دعاية وكدا وقالولى اسم شركة سياحة غريب قوى
لحد ما ربنا كرمنى وخلعت منهم ودا طبعا نصب لان مفيش شركة سياحة محترمة تعمل كدا