سؤال مهم "ليه كلمة بحبك صعبة "

الموضوع كلمة بس كلمة مهمة جدا
"بحبك" ليه بقيت صعبة قوى اننا نقولها وخاصتا لو كانت بجد
انا أكشفت الموضوع من فترة قريبة برغم أن الموضوع دا من زمان .
سهل قوى نعترف اننا بكرة حد او بنستتقل دم حد لكن علشان نقول
"بحبك " ناخد أيام وشهور وأحيانا سنين .


انا مش بقول نقول "بحبك "عى الفاضى والمليان بس احيانا فى ناس بتبقى محتاجة الكلمة دى مننا وبتبقى جوانا ومش هنخسر حاجة لو قولنها بالعكس هنكسب كتير بس معرفش ليه بنستصعبها.

تيجى نفكر لحظة مين محتاج نقوله "بحبك "

*امك فى لحظة لازم تقول"بحبك" يا أمى على كل حاجة مهما كبرت مهما عليت مهما جبت وعملت ليها الكلمة دى بتفرق معاها .

*ابوك صدقنى مهما كان قسى عليك افتكر دايما انه بيحبك وانك لو كنت مكانة هتعمل اكتر من كدة فكرت يستاهل كلمة"بحبك" .

*زوجتك او خطبتك او حببتك متفتكرش ان الكلمة دى ضف بالعكس الكلمة دى بتقوى
والكلام دا للاولاد او البنات الحب مبيموتش بالجواز باللعكس المشاعر المفروض
بتتطور بعد الجواز بتبقى استقرار وسكينة فكر فكرى الحبيب مهما كانت صفتة ميستهلش "بحبك "


ربنا خلقنا فى الدنيا علشان نعمرها وربنا مش محتاج مننا اننا نعبده احنا اللى محتاجين اننا نعبده ومحتاجين اننا نحافظ على النعم اللى ادهلنا .

ايه رأيكم كلمة "بحبك " فهلا صعبة اننا نقولها ؟؟؟؟؟؟؟
ولو مش صعبة مين تانى يستاهل اننا نقولها؟؟؟؟؟؟؟
مستنية رأيك وردودك على الموضوع
وعاوزة أعرف ياترى انا شيفية صح ولا غلط