عرض للطباعة
بصوا بقى ياجماعهفى الفتره الاخيره انتشرت كلمه جديده على المنتديات والمقاهى والجامعات والمدراس ...........الخ
الكلمه دى هى كلمه سيس
ياريت بجد اللى يعرف اصل الكلمه دى ايه
او يعرف معناها ايه يبعت يقولنا
لانها واخده اكتر من حجمها
واحنا كل اسبوع هنحط كلمه غريبه وجديده واللى يعرف معناها يدخل يقول
بحيث اننا نقضى على الكلام الهابط ده ونمنعه بجد
وياريت منتكلمشى بالاسلوب ده اللى( هو سيس وافش وكيك) والكلام الهابط ده
اصل الموضوع ده شاغلنى اوى ممكن رايكوا معايا بجد لو سمحتوا
ع فكرة كلمة سيس فعلا منتشرة
لكن انا دورت عليها فى المعجم العربى والغريب جدا اننا لقيت معناها فى المعجم اه والله
ولقيت معناها
"الأكل الذى يقع فيه السوس "
شكرا محمد ع التوبك
حلو قوى الفكرة دى ياريت نهتم ونقضى على الكلمات دى
تسلم على الفكرة
هاهاهااهاها
اكل ايه
انا كنت بحسبها كلمة ......... حلوة :d
ويا ريت بردو اللى عارف معنى تانى يقول
انا بردو كنت بحسبها كلمة..........
كلمة سيس مشتقة من اللغة الانجليزية
ومعناها مخنس
يعنى الانسان ده حامل للصفات الذكورية والانثوية فى أن واحد
شكرا على المعلومه
ممكن نغيرها ونقول بيس يامان
ممكن يكون كلامك صح
بس انا برجح اكتر كلام احمد حلمى فى كده رضا ;))
ان كلمه سيس معناها شباب بتوع نت وكمبيوتر وكده :d
اللى يعرف معناها بجد يعرفنا بس يكون متاكد
وتسلم يا ابو امين ع الفكره
حلو الموضوع ده
بس انا غريب في الموضوع ده شوية :|
يعني انا هقولك على حاجة
طبعا كلمة "كيك" و ما يشبها معروف اصلها
فدي ممنوعة اوكيه
انما كلمة زي "سيس" مقصود بيها شباب مش محترمين
طيب مهي دي فعلا صفتهم , انا مقولتش حاجة غلط
مش عارف :|
بس انا شخصيا بقول بعض الالفاظ الجامدة ( الغير خادشة للحياء , لكنها جامدة ) بس بتبقى فعلا واصفة لحال اللي بوصفه بيها
و مش بحس اني قولت حاجة غلط
برده الموضوع فيه شك , و مش بطلب من اي حد يعمل اللي انا بعمله
انا بتكلم عن نفسي
شكرا بجد لردودكم دى
بس برده موصلناش لمعنى محددد