ازي تبقي ارخم واحد في الدنيا

هاى عليكم يا اجمل اعضاء فى الدنيا
اولا الموضوع دة خبط فى دماغى بعد ما جيت من الجامعه امبارح مش مهم المهم الموضوع دة خبط علشان طبعا ان جاي مخنوق من الزحمه والمواصلات وكده وجبت ليكم الفكرة لاى حد رايح الجامعه ومخنوق زيى او حصل عندة مشكلة في الكامحه.... فى الكلية هتقابل صاحبك وهتقعدوا على أى رستوران بقى
هيجى الجارسون سيب صحبك يطلب الأول وبعدين استلم الجارسون بقى
واديله نصيبه
قوله عندك برجر
هيقولك اه
قوله حلو
هيقولك تمام
قوله اوك يبقى اكتب واحد شاورمة
وبص له شوية كدة بحلق بعينة فية واسكت شوية واتكلم بصوت عالى اوى وقولة
طب عندك كبده
هيقولك ايوة قوله معمولة ازاى
سيبه يرغى شوية وقوله انا اصلا مبحبش الكبدة فكك
حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها المهم حاول تجيبله جفاف عقبال ماتطلب اللى انت عايزه

وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى
لو معاك كاتشب مفيش مانع تكتب أول حرف من اسمك على التربيزة ترسم قلب عادى يعنى المهم تخليله التربيزة شبه التورتة
ومتنساش تعيب على الأكل وأنت بتحاسب وكمان تقول الحساب غالى



فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك

أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم
لو مسكتش أنا هقول للدكتور والحركة دى رذلة ومستفزة جدا بس اشطه يعنى

وياسلام لو واحد وواحدة يبقى أنت كده جبت من الآخر
لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض استلم أى حد واسأله المحاضرة هتخلص امتى
وكل فيمتو ثانية كده اسأله الساعة كام اصل أنا زهقت
طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا

عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد
هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم

لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش
ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص

لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر

خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن


وانت فى اى مكان تانى
قوووول نكتة جاااااامدة طحن و طويلة و ف النهاية فى الحتة بتاع الافية قول انا نسيتها و لو عايز قمة الرخامة قول كنت عارفها بس نسيتها و كانت جااامدة اوي
هات بخاخة مطهر ديتول او اى حوار تانى مافيش بروبلم مشكلة يعنى و امشي ورا صاحبك كل ما يمسك حاجة قوم ترشها بالبخاخة علي طوووول

طول مانتا قاعد قلد صوت الفاكس
لو انتا ف مكروباص و اللي جنبك غفل و نام قلد صوت كلكس العربية و قول تييييييييييت
لو رخم اوي و مصحيش صحية و لو نام تاني صحية تاني خليك وراة يا نجم

و انت بتتكلم ف موضوع اسكت او اقطع كلامك بس اعمل انطباع انك هتكمل و وتقول ما بس خلاص

لما حد يشتكيلك من حاجة اسمع منة كويس اوي اوي و بعد كدا قولة انا عندي مشاكل اكتر من يا جدع فكك مني بقى خنقتنى يا ساتر كتكم القرف مليتو البلد

ولو فى المطعم بص لواحد و انتا فى ايدك اللقمة بصلة وقت طويل اوي و قولة لما تحس انة بدأ يستغرب ممكن الطحينة ثواني

لو انتا قاعد مع اصحابك بتتفرجوا ع التلفزيون و فصل الارسال
و عمل التلفزيون صوت وش ش ش ش ش علي الصوت اوي
لو مفصلش غير القناه قبل نهاية المتش او المسلس ب 5 دقايق او فى حتة جااامدة
و انتا قاعد مع اصحابك صفر نشيد بلادي بلادي
كرر الحركة بعد 10 دقايق
كل ما حد يقول حاجة قولة هاها كل الناس فاكرة زيك كدا
استلف قلم من صاحبك وحط طرفة ف بقك و اعمل نفسك بتفكر اوي ف حاجة و مندمج وانتا قاعد تعضعض ف القلم

اضحك لواحدة فى الشارع بصوت عالي و قولها طب و انتي عاملة اية

لو كنت بتتفرج مع اصحابك علي فيلم فى اوله احرقة ف جملة واحدة
و هما بيتفرجوا و تيجي حتة معينة قلهم انا مش قلتلكم

فى المترو امضغ اللبانة بصوت عالي و ادوش اللي جانبك
لو كان بيقرا جرنال اقرا معاه و علي صوت اللبانة يا نجم
لو واقف واحد متعرفوش جنبك بيعد فلوس فى نص الفلوس قولة رقم عشوائي

لو سمعت الكلام ده صدقني مش هيبقي في ارخم منك وادعيلي

اللى هيسمع كلامك هييجى ف يوم وياخد علقة جامدة ويدعى عليك ياعم حسام

الحق استخبى بقا
ههههه

والله عندك حق يا امانى هو مش هيرجع الا لما ياكل علقه

اللى هيسمع الكلام دة هيدعى عليك يا حسام مش هيدعيلك

خلوها علي الله شكرا لمروركم