(سلمولي عليه)اغنيه حزينه من كلماتي

بسم الله الرحمن الرحيم.
انا عايز بس اقول حاجه قبل الاغنيه انا والله العظيم وده حلفان يحاسبنى عليه ربنا كل الاغانى اللي بحطها ع المنتدي من كلماتي ومش منقوله نخش بقي في المهم...احم احم.....
العنوان:(سلمولى عليه)
سلمولي عليه وبصوا كده في عينيه
شوفوه لسه فاكر حبنا ولا خلاص نسيه
لو لسه فاكر وحاسس ان في الاخر
هنرجع تاني لبعضنا دا حلم عايش فيه
قولوا يفوق بقي وطبطبوا عليه لو بكي
دا الحب اللي انتهى مستحيل يرجع تاني
ويدور له علي حبيب ممكن جرحه يطيب
الامر عليه غريب بس ده عشان ينساني
قلبي مش مرتاح بعد ماساب جراح
في واحد كان في يوم عايش معاه
سيبته كده لوحده حاسس ان حبه
عايش كل يوم واني مش هنساه
قولوا يفوق بقي وطبطبوا عليه لو بكي
دا الحب اللي انتهى مستحيل يرجع تاني
ويدور له علي حبيب ممكن جرحه يطيب
الامر عليه غريب بس ده عشان ينساني
.................................................. ...شكرا ..انا مستني رأيكوا بكل صراحه.....

قولوا يفوق بقي وطبطبوا عليه لو بكي
دا الحب اللي انتهى مستحيل يرجع تاني
ويدور له علي حبيب ممكن جرحه يطيب
الامر عليه غريب بس ده عشان ينساني

الاغنيه حلوه بس الكوبليه ده اللى عاجبنى جدا
واستمر بقى فى التقدم

تسلم ايدك ياحسام

ماكنش ف داعى خالص لحلفانك ف البداية دة
بمجرد انك تقول انك كاتبها ومنزلها ف الشعر يبقى انت كاتبها
وشئ جميل انك تبدع كدة معانا

وجميلة اوى يا حسام
ومنتظرين منك المزيد

الاغنيه حلوه بس الكوبليه ده اللى عاجبنى جدا
واستمر بقى فى التقدم
ان شاء الله ياجاسر ...المهم اللي اقدمه يعجبكوا..شكرا لمرورك

تسلم ايدك ياحسام


الله يخليك يامحمد..شكرا لمرورك
ماكنش ف داعى خالص لحلفانك ف البداية دة
بمجرد انك تقول انك كاتبها ومنزلها ف الشعر يبقى انت كاتبها
وشئ جميل انك تبدع كدة معانا

وجميلة اوى يا حسام
ومنتظرين منك المزيد
انا بصراحه مش عايز حد يشك حتي في صدقي فاضطريت احلف
عشان اقطع الشك
ميرسي جدا لمرورك الجميل