فى الحب *ليس كل ما يتمناة المحب يدركة*

أنا محتاجة أرأك يا جماعة الموضوع كبير ومشكلة حتى لو انتوا شفتوها بسيطة فصاحب المشكلة شيفها كبيرة قوى وبما انى بيقولوا انى حللالة المشاكل وخاصتا العاطفية وانا فعلا حليت المشكلة دى بس صاحب المشكلة معجبوش حلى المهم انا هحكلكم المشكلة وعاوزة رأيكم للاهمية وبعد كدة هقولكم رأى مش هطول عليكم

المشكلة بدات من حوالى سبع سنين حب من طرف واحد حب خرافى ومحدش يعرف عنة اى حاجة لحد ما الطرف التانى عرف فى الاول الطرف التانى مهتمش بالحب دا او متلوش حقة المهم فضلت العلاقة بين الطرفين جذب وشد وبرضة فضلت حب من طرف واحد والطرف التانى يعنى متفهملوش حال شوية كويس وشوية يبعد يعنى مش راسى والطرف الاول لاحول له ولا قوة الا بالله بيتمنى اليوم اللى يتخلص فية من الحب دا ومن الشخص اللى مش مقدر حبة وفى خلال الفترة دى اتعرض فرص حب كتير بس الشخص دا مش شايف غير حبيبة
لغاية ما فى يوم من الايام يأس من الحب دا وقرر ان يدور على حب تانى ودا كان سهل جدا وابدا الحب التانى يدخل فى حياة الشخص دا وفجأة رجع الحبيب وكانه كان ماحوش كل حب العالم فى قلبة وراجع يطالب بحقة فى قلب حبية ومعندوش اى استعداد انه يتنازل عن حبيبة اللى فضل يحبة الحب دا من غير تنازل .

خلصت المشكلة وانا طبعا مدخلتش فى تفصيل ولا قد ايه الشخص دا اتعذب فى حبة ولا قد ايه كان عذابة اكتر لما حبيبة مقدرش حبة بس المهم انه رجعه دلوقتى وجواها حب العالم ومستعد يعمل اى حاجة يسبت بيها حبة ويحاف على الانسان اللى حبة كل العمر دابس فى الجهة التانية الانسان اللى دخل الموضوع بقلبة من غير ما يعرف ان قلب حبيبة مشغول بحد او حتى كان مشغول بحد
دلوقتى صحبناوانا محدتش ولد او بنت لان الحالتين المفروض واحد والحب واحد والجرح واحد وانا مش عاوزة احدد علشان اخد كل الارأء
دولتى صحبنا بين اختيارين اصعب من بعض
الاول
يرجع لحب عمرة واللى اخيرنا رجعله واللى متمسك بيه ومستعد يعوضة عن كل اللى فات
التانى
يكمل مع الشخص التانى بما انه ملوش ذنب وبعدين هو بيحبة وملوش علاقة بالحوار التانى خالص

ياريت اللى عندة اى راى ميبخلش علينا بيه اكتب اى حاجة شركنا ولو بكلمة ومحدش يصغر الموضوع كل واحد بيبقى شايف مشكلتة كبيرة وبيبقة محتاج ولو كلمة مسندة مش شفقة او عطف

بصي...الحب من طرف واحد ده صعب جدا جدا جدا ...لكنه اجمل حب لان الانسان اللي بيحب ده بيكون علي اشد درجه من الاخلاص وبيبقي كفايه عليه انه يشوف حبيبه سعيد ومرتاح ايوه بيبقي نفسه حبيبه يبادله نفس الشعوور لكن لو ما حصلش بيفضل علي ولائه واخلاصه...رغم ان الحب من طرف وااحد بيجعل صاحبه مخلص ووفي بس انا ما بفضلووش لان الحب اتخلق عشان يكون بين اتنين يتبادلو نفس الشعور والاحساس مش واحد في عالم والتاني في عاالم تانى فانا لومكان صاحبنا وبالفعل انا في يوم كنت مكانه ..لازم يحاول ينسي اللي بيحبه من طرف واحد ومش هقول يدور علي حبيب ..لا..يستني لما قلبه يحب ويلاقي اللي يحبه ويبادله نفس الشعوور..مش يحاول يحب اي حد علشان ينسي ..وفي النهايه اختم بحاجه لعمرو دياب بتقووول
ليه يا قلبي كل يوم بتحب واحده
ولسه مش لاقي اللي عايزه في اي واحده
كل اول يوم تقول انك لقيتها
وفي نهاية اليوم بحس انك نسيتها
كل ده علشان بتهرب من الحقيقه
كل ده علشان يا قلبي تنسي واحده
شكراااااا....

بصى انا اعتراضى على حاجة
ان الحب مش بالبساطة دى
ولا بالسهولة انه ممكن يبدأ حياتى مع حد تانى
لكن لوكدة
مينفعش يبدأ حياتة مع حد تانى بكدة هو هيظلمه معاه
وممكن يكون عندة رغبة انه يرجع لحبيبة الاول
ولوكان خايف نه يجرحة لا بالعكس دة هيريحة
لان وجع يوم احسن من وجع طول العمر
ويرجع لحبيبة الاول بس يكون فعلا عايزة بجد
لكن مينفعش يقضى على حياة شخص ويوهمة انه بيحبة

ليا تعليق للاخ هضبة
عجبنى اوى اختم باغنية لعمرو دياب(:|(:|(:|

بصى هى المشكله هنا الطرف اللى بيحب مصارحشى اللى بيحبه بده (على حسب مافهمت )
فاالطرف التانى بالتالى كده بالنسباله ولا اكن فى حاجه اصلا
بس الحب من طرف واحد عموما غلطه كبيره
بس هو شعور جميل
عموما قولى لصاحب او صاحبه المشكله انشاء الله ربنا هيعوضه بحد يحبه اكتر من ده
ولو الشخص ده رجع تانى بعد ماعرف كل ده يبقى بلاش احسن
لان ساعتها هيبقى راجع عطف وشفقه
وهو او هى تجرب مع شخص جديد احسن وتبدا علاقه متساويه من الاول
شكرا ليكى

أنا سعيدة جدا بالردود دى ومستنية ردود تانية يا جماعة بجد محتاجة لجميع الارأء

@};-بجد الموضوع جامد جدا وفعلا الحب من طرف واحد ده بيكون مؤلم جدا وفعلا بتبقا صعبه على الطرف الاخر هو بيكون سعيد جدا انه حب بس لو بيحبه مش حاسس بيه بيكون صعب جدا بس سعات بيبقه صعب انه يقول انه بيحبه وبتكون مؤلمه جدا وبتكون صعبه بس مش بينفع يتقال لانه ممكن يتفهم غلط وبيكون صعب جدا على الواحد انها تتقال بيكون الموضوع حساس جدا بس متهيقلى لو الموضوع لو مش اتعرف من الشخص نفسه بتكون مش صعبه بس الى بيكون اصعب انه يتقال من الشخصيه نفسها @};-

سمر؟؟؟!!!!!!!!!!
الحكاية قريبة من حكاية اعرفها شويا باختلاف شويا تفاصيل

بس اهم سؤال
الشخص دة فعلا نسى حبه الأول ولا بيستهبل ؟؟111

بصى يا أمانى انا طرحت سؤال ومحدش جوبنى اية اللى ممكن يختارة الشخص الحب الاول اللى رجعلة واللى اللى بيحبة ولا يسيبة من الموضوعين أما بالنسبة لهو بيحبة ولا لا فمعتقدش انه لو كان مبيحبوش مكنش فى مشكلة اصلا