خش وهتعرف احدث مرض منتشر حاليا فى المنتدى

السلاموا عليكوا

ازيكم جميعا عملين ايه ؟ يارب تكونوا كويسيين

نخش فى الموضوع ع طول

انا ملاحظ ان معظم المواضيع لما حد يرد عليها

صاحبها يخش يرد ويقول:-

يقول شكرا لمرورك

او منور التوبيك

او تقبل تحياتى

وانا من اللى بيعملوا كده بس لو الواحد وقف شويه

هنلاقى ان فى قسم الحوارات

اتنقله العدوى بتاع شكرا لمرورك

اقصد

ان المفروض والطبيعى

ان اى موضوع فى قسم الحوارات

صحبه حاطه علشان نتناقش فيه

فا لما اخش ارد على التوبيك واناقش الموضوع

والاقى صاحب الموضوع بيقولى

شكرا لمرورك اقوله ايه

اكيد هسكت

بس المفروض يعنى من وجه نظرى

ان صاحب التوبيك ده

يقوله كلامك صح غلط وليه وكده

يارب اكون عارف اوصل كلامى لحضرتكم اللى انا اقصده

يعنى سورى بقه

مبقاش فى اجابيه فى الردود

سوا من اللى بيخش او اللى بيكون واضع التوبيك

بس فعلا مرض شكرا لمروك انتشر اوى

والله الكلام ده لنفسى انا كمان

مش بقول الكل

اوعى حد يزعل والله اللى يزعل من كلامى انا اسف له

لو كلامى غلط هتقولى انت غلط

بس كفايه

وعندنا ناس فى المنتدى الواحد بيستمتع وهو بيقرا ردهم

مثلا

اه ..لو (مصطفى )

وسندباد

وامانى

.............وكتير طبعا

مش عاوز حد يزعل من كلامى او يفهمه غلط

@};-

احب اقولك شكرا لمرور
او شكرا ع التوبيك
او تسلم ايديك
ههههههههههههههههههههههههه هههههههه
اشكرك طبعا على طرحك الراائع للموضووع
انا جالتى فترةكدة بس مش هن طبعاا كنت كدا بس الحمد لله غيرت منهاا
لان انى اعمل كدة لمجرد انى ازيد مشاركة او نجمة ف يبقا دا تفكير غلط خاالص
احناا هناا بنقرا اخبار كوميديا سياسة بندردش مع بعض بنطرح مشاكلنا ونحلهااا ف يبقا ليية كدة
ومواضيع النقاش انا الحمد لله بقرائها وبرد عليها ب اتقاان كماان
ياعنى بس فيية برضو مواضيع ماتستحقش غير تسلم ايدك تضحك ياعنى توبيك مقالب توبيك اكلااات وصفة تجميل مثلا
ف تبقا مستحقة حتى كلمة شكر
مشكور ياقمر على طرحك وياريت ماكنش طولت علييك
تحيااتى ,,,,
MiSs.NeRmOo

بالنسبه لقسم الحوارات فكلامك مفيش فيه اى غلط وكنا اتكلمنا قبل كده وعرفنا اللى بيعمل الموضوع فى الحوارات انه يشارك فى الموضوه ميبقاش مجرد صاحب الموضوع وخلاص

اما باقى الاقسام زى قسم الموضوعات العامه ماعليك غير انك بتقرا التوبيك

لو عجبك بتقول شكرا عندك تعليق طبعا بتقوله او مثلا فى كلام فى التوبيك عجبك بتقتبسه وتعلق عليه برده
فا بيبقى نظام تشجيع لصاحب التوبيك

وسواء كده او كده صاحب الموضوع هيقولك نورت التوبيك ,شكرا لمرورك , كده يعنى .

وكل قسم وكل توبيك ليه طرق فى الرد

بس الحوارات لازم فعلا يبقى كله نقاش

يعنى هتدخل موضوع فى القسم ده يبقى لازم انك تناقش الموضوع وتتكلم وتقول رايك ويترد عليك وهكذا

ودى من وجهة نظرى الغنطوطه

يارب يكون فى حد فهم حاجه

لان انا نفسى مش فاهم حاجه :d

كلامك صح بنسبه 100%
كان نفسى اتكلم فى الموضوع ده
بس الحمد لله ان انت طرحته عشان الكل يعرف
ان دى حوارات
مش نكته او حاجه تانفه
وعموما شكرا لمرورك
هههههههههه
لا بجد انا واحد من الناس مش هرد الرد ده تانى

برافو يا احمد علي طرحك للموضوع ده اللي فعلا بقي مشكله معظم الردود دلوقتي (شكرا ع التوبيك) يرد عليه (شكرا لمرورك) اوكي ممكن تمشي في بعض المواضيع لكن المواضيع المهمه بتبقي محتاجه كلام ونقاش يعني انا متفق مع ميجو جدا

كلامك مظبوط
بس فى نقطه الكل ما اتكلمش فيها ان فى اعضاء بترد رد ميت متعرفش تناقشه فيه يبقى انت هتعمل ايه هتناقشه بالعافيه

تمااااااااااااااااااااااا اااااااااام

اهوه انتى كده منوره التوبيك هههههههههههههههه>:)

كلامك سليم الواحد يرد على حسب الموضوع

محتاج نقاش يناقش مش يقولى توبيك جميل وكده

انا قولتلك منوره ناقص ايه

شكر ا لمرورك ههههههههههههه>:d<

بجد شكرا لكلامك السليم يا نرمين

(*)(*)(*)(*)(*)

والله يا ابو سعيد انته راجل محترو وبتقول كلام مظبوط
وانا برضو من وجهه نظري الصغنطوطه ان انا المستفيد الاول من النقاش مش اي حد تاني
واني لما اقول حاجه غيري هيرد
يبقى اعرف معلومات اكتر
وبالتالي احقق ول نسبه ضئيله من الاستفاده وانا قاعد ع المنتدى
بس خلاص
وتسلم يا جميل عالموضوع الجامد جدا جدا

لا اسبت انا لسه جاي والحمد الله انك قلتلي
ههههههههههههههههههههههههه ههههههه

طبعا عندك حق يا احمد فى الكلام ده قسم حوارات فكك منى يعنى نقاش يعنى حوار لازم نناقش بعض مش ينفع نكتب كلمة شكرا لموضوعك او غيره هو اه شكرا لموضوعك ده تنفع فى اى قسم تانى او شكرا لمرورك انما قسم الحوارات ما ينفعش صاحب التوبيك منزل توبيك عشان نقراه ونفتح المناقشة فيه مش نصدمه ونقوله شكرا لموضوعك. وشكرا لموضوعك يا احمد ههههههههه وتقبل مرورى