خدى بالك ...... بيرخم عليكى

هيحاول يستخدم احدى الطرق دى علشان يعكنن عليكى تعالى شوفيه بيقول ايه




الصبح وانت رايح على شغلك وهى نايمة
تعمد اسقاط اى شيئ او خبط الباب بصوت
عالى علشان تصحيها هى كمان ..
اشمعنى انت ؟
ولو حاولت ترجع تنام تانى
قول لها مادام صحيتى حضري
الفطار بقى



اذا كنت بتتفرج على التلفزيون وهى
عايزة تغير القناة .. و انت كنت بتتفرج
على ماتش كورة كل ما حد من اللاعبين من
اى فريق يمسك الكورة قول لها معلش
ثوانى بقى انا حاسس ان الكورة دى جون
حتى لو كان حارس المرمى ماسك الكورة
والماتش واقف لان فى واحد
مصاب


( ملاحظة : اغلب النساء ذوات ثقافة كروية ضعيفة )







إصح يوم الجمعة بهمة ونشاط وجهز الافطار
لزوجتك بس متنساش انك تستخدم 15 طبق
واكبر كمية من الملاعق والشوك و 5 حلل من
اللى عندكم فى المطبخ و 10 كوبايات
لاعداد طبق بيض وسندوتش
جبنة

طبعا يراعى ترك اثار سمنة على الارض مع
ترك الثلاجة مفتوحة وقشر البيض فى
الحوض





لو عاملة ريجيم إجرى على السوبر
ماركت ومحلات الحلويات وإملأ الثلاجة
شكولاتة وحلويات وجاتوهات .. يراعى
التجول وأنت مستمتع بأكل الجاتوة أمامها






ولو مراتك عملة كيكة، قولها انا بحب
اشرب شاى مع البسكويت الحلو ده





لو طلبت منك تنشر الهدوم قول لها حاضر
مع ابتسامة حانية وبعد ما تخلص نشر
الهدوم ادخل عليها وقول لها أنا نازل
اجيب الهدوم اللى وقعت منى فى الشارع
ولو سألتك هو اية اللى وقع ؟ اذكر لها كل
هدومها اللى كانت مغسولة مع فردة
شراب من بتوعك
علشان متبقاش مقصودة منك !





لو الزوجة قررت مسح الارضيات
فى البيت
حاول انك تروح وتيجى على المناطق
المبلولة متحجج بأنك محتاج تتصل ضرورى
بواحد صحبك
ومرة عطشان ومرة تانية بتجيب
الجرنال
ومفيش مانع انك تقول انك حاسس ان
التليفون هيرن كمان شويه







لو كانت مشغولة فى نظافة البيت او مع
الاولاد وطلبت منك تغسل كوبايتين الشاى
بتوع الصبح الموجودين فى الحوض إرجعلها
كمان دقيقة من دخولك المطبخ وانت ماسك
كوباية من الاتنين وهى
مكسورة
واسألها فى براءة ارمى دى
فين ؟؟




وانت قاعد تتفرج على التلفزيون وهى
طالع عينها فى تنظيف البيت وبعد ما
تخلص وتيجى يدوبكك تقعد تستريح جنبك
بصلها وقول لها حبيبتى معلش ممكن كوباية
مية علشان ضهرى بيوجعنى


تجنب الرخامة

يعنى موضوع مش جديد اووووى
يعنى برده ممكن نرخم برده
واقول ان الموضوع ده كنت منزله من سنه تقريبا
وشكرااااااااااااا:d:d

احم احم
اية الاحرااج داا
طيب عاادى ياجماعة لو متكرر :d
ممكن يتحذف

على فكره الرجاله اللى بتعمل كده قليله جدا
لان اى راجل بيتجوز بيشيل مراته على خفوف الراحه

لالالالا عادى الموضوع وسام كان جايبه بس من فتره كبيره
فا هنخليه موجود

كفووف الراحة اية بس
صلى ع النبى x(