حوار في غرفة عمليات ... لو انت مكان المريض هاتعمل ايه

تخيل إنك فى غرفة عمليات و سمعت الكلام دا!!!





- يا لهوى!


- هيه النور جه!


- طيب اذا كان ده البنكرياس،امال اللى طلعناه ده يبقى ايه!!!


- حد شاف الدبله بتاعتى؟؟!



- طب أقوله ايه لما يفوق؟ وزعلان انى سقطت 3 مرات فى الماجستير؟!!!



- الحق يابنى القطه اللى جريت بالعضمه دى،خلينا نرجعها للراجل من سكات!


- ياما ربنا بيخلق عجايب،محدش معاه كاميرا يا اخواننا؟


- ولا حركه محدش يخيط،أنا مش لاقى الكونتاكت لنسز بتاعتى!!!


- يا جماعه ، تعرفوا اذا كان حد عاش بعد ما خد 500 مللى من الهباب ده؟!


-بالراحة على مهلك,مش عايزين نحسسه إن إحنا غيرنا حاجة!


- شيل ايدك، الحاله دى بتاعتى أنا، ولا هيه الكحكه فى ايد اليتيم عجبه؟!!!


- آه يا عينى ! والله ما أنا سايبك!


- حد يسكت الزفت اللى بيدق ده ، مش مخلينى عارف أركز!


- لأ حاشتغل،أنا صحيح نسيتها،بس بأعرف أشوف طشاش من غيرها!


- جاى تقوللى واحنا بنقفل ان مش ده المريض اللى جاى يشيل البروستاتا ؟!!!!!!


- يا أخى سيبك من دلع الخوجات ده،المشرط مش تلم ولا حاجه!


- أنا مش عارف ده ايه بالظبط


-حطه فى التلج وهاتلنا واحد بتاع جراحة أوعيه بسرعه!!



- يلا يابنى خلّص الماتش حيبتدى بعد ربع ساعه!



- يا جدع انت شيل الملايه من على وشه،ده لسه فيه نفس وبيتكرع!!!



- انت متأكد ان الحاله عارفه ان شكلها حيبقى كده بعد العمليه؟؟؟؟


- ريحة شياط؟!!!...حريقه...........حريقه



^_^

ههههههههههههههههههههههههه ههه
الله يرحمنى
تسلم يابااسم

دا مش اوضة عمليات

انت متاكد انك فى مستشفى اصلا
ياعم الله يرحمه بجد
هههههههههه

يا حول الله يارب

لا حول ولا قوة الا باله
والله وانا قاعد افتكرت الحوار اللى كان بين الاتنين الحشاشين اللى فى فيلم اللى بالى بالك اللى كان كل شوية يقول
ياعم انا مظبطه
يووووووووووووووه
ياعم انا مظبطه


احنا يابنى ندفنه على طول
مش محتاج تغسيل
ده كدا مات شهيد

شكرا علي جميع الردود

يالهوىىىىىىىىىىىىىى
اية الكوارث دى

ربنا يستر