عرفت المنتدى ازاى وايه رايك فيه ؟؟؟؟

بسم الله الرحمن الرحيم

السلام عليكم ورحمة الله وبركاته



أتمنى من كل عضو وعضوه في المنتدي

يخبرنا عن الطريقه الي عرف فيها المنتدى..


وايه رايك فيه ؟؟؟؟؟؟

يالله كل واحد يدخل ويجاوب كيف؟ ورايك فيه ايه؟


₪ ₪ ₪ ₪ ₪ ₪ ₪ ₪ ₪ ₪ ₪ ₪ ₪ ₪ ₪ ₪ ₪ ₪ ₪ ₪

ياااااااااااااااااااااااا ااااااااااااااااااااااااه
فاكر انا من من حوالى تلات سنين
لما مصطفى كان وخبطت فى دماغه حكايه انه يعمل منتدى
فقولت انا اشترك معاه فى المنتدى بعديها بكام ساعه معتز هو كمان سمع حكايه المنتدى فقال يشترك معانا
والحمد لله بانينا المنتدى من اوله
وكنا فى الثانويه العايمه
ودى كانت بدايه فشلى الحمد لله
بس برضو الفضل يرجع لمصطفى لانه كان اكتر واحد واخد باله منتدى وعارف كل مادخله وماخراجه وهو اللى ظبتنا

والحمد لله رايى فى المنتدى
انه فى احسن حالاته بفضل اعضائه الجامدين
واللى عاملين شغل جااااااااااامد

وربنا يعينا كلنا الفتره الجايه يا رب

انا والله من وقت ما المنتدى بتاعى اتقفل من كام شهر كده

بقيت اكتب واشارك فى منتديات تانيه عادى يعنى

وبالصدفه بعمل بحث لقيت الاسم غريب قولت ادخل اشوف

الناس دى مفكوكه ليه وايه فكهم ههههههههههه

دخلت لقيت الاخ مصطفى واعوانه فى المنتدى الله يسامحهم بقى

خنقونى جدا بهاك التسجيل يعنى هتسجل عافيه هههههه

قولت مش هسجل وهخرج جيت اخرج لقيت مصطفى واعوانه بردو

مسكو فيه وشاى يابنى للراجل وفعلا سجلت واستمريت معاكم للوقت اهو

بس هوه محتاج شغل كتير ومجهود اكتر علشان عدد الاعضاء والنشاط

محتاج حصريات اعلانات تبادل اعلانى محتاج .. نشاط فى كل قسم

محتاج اضافه فى كل محركات البحث العربيه والاجنبيه وده لازم طبعا

يعنى انتو لسه فى البدايه اتمنى متهملوش المنتدى علشان يكبر اكتر

ان شاء الله واتمنالكو كل توفيق يارب

وعلى فكره انا معرفش حد هنا خاااااااااااااااااااااالص

يعنى واضح انكو اصدقاء وزمايل دراسه وكده يعنى

بس انا اتشرفت بيكو والله

وفيه ملحوظه يعنى لو تسمحولى انتقدكو .. سورى اصلى خبره منتدايات

بقالى سنييييييييييييييييييييييي ييييييين المهم

موضوع المنقول يا شباب ...

اولا .. ياريت المنقول يقل شويه ده شئ

ثانيا .. ياريت اللى ينقل موضوع يكتب منقووووووول تحت كده

احتراما لنفسه ولباقى الاعضاء وده مش عيب

ونحاول تبقى مواضيعنا كلها جديده

ممكن نبتكر مواضيع بسيطه ودى بدايه وهتبقى شئ جميل واضافه كبيره

اسف للاطاله ..

مع حبى ليكم جميعا يا شبااااااااااااااااااب

قلب صااااااااااااادق

قولت ادخل

انا بقى عرفت المنتدى من محمود اخويا
ومحمود اخويا ده اصلا صاحب شريف ومعتز اللى هما ولاد عم بنت خالت اخت مصطفى
ودول اصحاب المنتدى
فلما محمود دخل اشترك جيت انا بعدها بشويه
عجبتنى الفكره
قلت ادخل اشترك انا كمان والحمدلله الدنيا كلها هنا جميله وزى الفل
وربنا يديم علينا فكك منى

نورت التوبيك يا شريف وشكرا لمرورك يا غالى وربنا يعينا يا رب على رقى المنتدى

شكرا لمرورك الجميل قلب وربنا يقدرنا على كل خير فى المنتدى باذن الله ونجعله من افضل المنتديات وشكرا لملاحظاتك وباذن الله تتنفذ

امين يا رب العالمين وشكرا لمرورك الجميل ومنور التوبيك يا محمد

أنا عرفت المنتدى صُدفة .. كنت بدوّر على حاجات ..

وبالرغم إني مالاقيتهاش ..

وضعت رحالي وربطت الناقة وإستقريت هنا

وعرفت إنهم تقريباً كلهم يعرفوا بعض (شوية قر :) )

بس ..

ربنا يجمعنا في الخير

بالنسبة للنقد :(

أكيد مُتفقين معاك .. لأن للأسف أغلب المواضيع منقولة [-(

وكتيرمننا بيحاولوا يبدعوا .. ويكتبوا أفكارهم ...

ده إحنا خسارة في البلد (*)

ربنا يكرم .. وعايزين نشوف هِمتك معانا

......

شكراً يا لولا

اه والنبي يا اخونا بنحاول نبدع
بس لا حياه للاطرش
ونقدك حلو اوي يا قلب وفي محلو
او حتى النقل يبقى فيه انتقاء شويه
...............................................
عرفت المنتدى ازاي
من ساعه مكان من بنات افكار شومان وف دماغو
ومش كنت بحبو في الاول
ولا كنت قابل الفكره
وحتى شومان قالي انا بس هعملك يوزر وساعه متبقى تدخل نت وتقعد ابقى عيش
وبالفعل معداش كتير ووصلت النت
لاني خربت البيت ايامها من الدايل اب
ومن ساعتها اعتقد ان الحياه
اقل ما يقال عليها
انها تغيرت 360 درجه مئويه او سيليزيه
المهم
والمنتدى طلع حاجات وجوانب من شخصيتي وحطني في وسط صوتي فيه مسموع
بعد مكان بره
حق الرد مه والمشاركه مهضوم
وكالعاده
اي حاجه تتسبب في نجاح الانسان وتطوره ولو ع المستوى الشخصي
تلقى استهجان الاهل
والاخوات
وهكذا
وحارب علشانو
وبحارب علشانو
ونفسي اشوفو صرح كبير
ويطلع اجيال لها فكر في شتى المجال
ابتدائا من الحب الى السياسه
من الاخر
فكك مني
اصبح نافذتي ع العالم
اوووووووف
انا برغي كتير

انا بئر عرفت المنتدى من واحد صحبى
اسم عضويته الماجيك
انا طبعا مشترك فى منتديات كتيره
بس غالبا كنت بنطرد منها علشان مش فى حريه فى الرأى
يعنى المدير او اى عضو مهم فى المنتدى او معروف مش تقدر تناقش الموضوع بتاعه او حتى تعلق عليه
طبعا بكونك لسه جديد ومش معروف
بتتهاجم كتير حتى لو الفكر بتاعك صح
كما حدث من قبل ليا فى المنتدى ده
بس الحمد لله ماترفتش
فى موضوع بتاع شم النسيم
لقيت فى المنتدى ده حرية الرأى والتعبير
واصدقاء
وناس تقدر تفهمك
من كتابتك
حتى لو فى تعارض التعارض بيكون مهذب
فكك منى عندى افضل من الفيس بوك
ودى مش مبالغه دى حقيقه
وشكرا على حسن الأستماع
وشكرا ليكى يالولا على الموضوع
تقبلى مرورى
محمود الخياط