نكت بدايتها غلط بس ايه تحـــفـــه..اقرا ياغير مسجل وانت تعرف

محدش يتخض من النكت اللى فى الاول دى :d

*مره واحد ماشى اتكعبل .....خرج بره النكته

*مره واحد ماشى بموتيسكل دخل فى حاره .....ماشوفناش باقى النكته

*بيقولك مره واحد خبط فى درج المكتب بطل ياكل شوكولاته

*مره واحد قال لمامته ماما ماما خياطيلى القميص ده قالتلو ليه هو انا اوتوبيس قام الدولاب وقع

*مره واحد قال لمامته انا جعان قالتلو ليه هو اناموتوسيكل قامه التلاجه اتفتحت

*مره تنين خرافى قابل تنين هلامى قالو تيجى نحط اللمونه فى الذاتونه قالو ليه هو انا كومودينو راح اخد الشمسه و جرى


- في واحد محشش سأله واحد سكران إيه أسامي إخواتك قال له كلهم محمد إلا خالد اسمه فيصل.


- محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا
بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام


- واحد ميكانيكي فتح مصنع شيكولاتة سماه
كالاكسى


- مرة 3 حشاشين قاعدين على القهوة بالليل و جامبيهم متحف,جت عليهم كبسة فاستخبوا فى
المتحف و وقفوا زى التماثيل راح الظابط لأول واحد و أداله على قفاه فقال آآآآآآي والثانى زيه راح عند الثالث اداله علي قفاه فقال تتنننننننن


- كان في سلحفتين صغيرين كانوا بيحبوا بعض كبروا واتجوزوا وخلفوا سلحوف صغير سموه ابوسريع ,اقترحت ام
ابوسريع علي ابو ابوسريع انهم يروحوا يفسحوا الواد في البحر الاحمر جهزوا لوازم الرحلة واستغرقت الرحلة 15سنة
ذهاب.. وصلوا علي البحر وفرشوا علشان يأكلوا وفجأة صرخت ام ابوسريع "تصدق يابو ابوسريع نسينا اهم حاجة
نسينا الملاحة عشان الاكل .اخطف رجلك وروح البلد هاتها .."صرخ ابو ابوسريع وقال لسه هاروح 15سنة رايح و15 سنة
جاي يكون الاكل برد الأحسن نبعت الواد ابوسريع خفيف ولسه صغير.."ونادوا ابوسريع وقالولهه وبعتوه يجيب الملاحة
ومرت السنين...حوالى40 سنة وابوسريع مجاش، السلاحف بدأت تقلق فقالت ام ابوسريع احسن ناكل بدل ماالاكل يبرد
ولمايجي ابوسريع نعمله اكل ثاني ..وبداو ياكلو..."فجاة خرج ابوسريع من ورا شجرة وقال يعني لو كنت رحت كنتم كلتم من غيري


- مرة كان فيه صبي ميكانيكي اسمه "دقدق" قال للاسطى بتاعه : تعرف انا اعرف رئيس الحي
قالم الاسطى قالو:امشي ياض العب بعيد وهو مش مصدقو..بعد شويه عدى رئيس الحي وراح مسلم على دقدق
قام قال للاسطى مش قلتلك دا انا كمان اعرف الوزير..وراح برضو الوزير معدي وسلم على دقدق والاسطى مذهول
دقدق قال للاسطى :بص بقى انا هجبلك مالاخر انا اعرف جورج بوش...قام الاسطى قاللو الميه تكدب الغطاس ولو طلع يعرفك هديك الورشة...فسافرو على امريكا ..دقدق قال للاسطى استنى هنا عند باب البيت الابيضو انا وجورج هنطلع نسلم عليك مالبلكونة..قاللو ماشي..وفعلا طلع دقدق وبوش مالبلكونة وشاورو للاسطى...بصو لقو الاسطى اغمى عليه ..وفالمستشفى دقدق سال الاسطى :انت اغمى عليك عشان شفتني مع بوش ...قللو: لا..انا اغمى عليا لما اتنين امريكان معديين سالوني مين اللي واقف مع دقدق دا؟؟!!

ليه القطر مهم ..................... عشان تحتيه خطين
حاجه بتجري وعندها راسين و 8 ارجل ............................. كلبين بيجروا جنب بعض

ليه القرد سريع ................................ عشان القرد في عين امه غزال

عاوزين نطير كلب نعمل ايه ............................ نضرب في ( واحد على الكلب ) .. الكلب يطير مع الكلب

واحد ماشي في الشارع و لابس كوتشي ابيض ليه ؟؟ ........................ عشان ماشي مع الطقم

واحد بلديتنا واقف قدام المرايا و مغمض عنيه ليه ؟؟ ......................... بيشوف شكله و هو نايم

واحد بلديتنا اشترى مصفاه لقاها مخرمه .... رجعها

واحد بلديتنا قلع العمه ... فقد الذاكره

جماعه بلديتنا بيلعبوا صلح بالنبابيت !

ظبطوا جماعه بلديتنا ظبطوهم بيشموا اسمنت ابيض !

مره لبن فار ............. كالته قطه

مره واحد بلديتنا اتكرع ..... موت سته

مره واحد راح صالون حلاق ... الحلاق بيقولوا عاوز ودنك دي ... قاله لأ ... راح قاطعها و راميها في الزباله ..
قال عاوز التانيه ... قاله اه ... راح قاطعها و حطهاله في جبيه

صعيدي افتتح مخزن أنابيب بوتاجاز، فجر اثنين دعاية.

صعيدي حب واحدة، اتجوز اختها علشان يشوفها كل يوم.

مرة دكتور اسنان سرق حبسوه فى سيجنال2

مرة واحد بيستهبل اتجوز واحدة بتستهبل اول ما خلفم خلفوا ولد اول ما نزل عمل نفسة ميت

غبى سألوه...تعرف ايه عن السيفون؟ قاللهم ده صندوق في حبل صغير بتضغطه فبيطلع لك مايّه ،...... يابتلحق تشرب يامبتلحقش

وااحد رزل دخل السيما ما لاقاش غير واحد بس قعد وراه وقاله دماغك لو سمحت

مرة واحد ظريف عاش في الدور.واحد أظرف منه عاش في الدور اللي فوقه

ليه بلدياتنا لما بيشتري بيت بيدلق لبن عليه؟؟؟؟؟؟؟ ؟ عشان يبقي بيت (ملك)

واحد صعيدي كسب 60 مليون دولار إشترى رونالدو
مرة واحد كل لما يعدى من شارع يشوف واحد بيشرب سجارتين فساله : ليه كل لما اعدى من هنا اشوفك بتشرب سجارتين؟ قاله: اصل انا كان ليه واحد صاحبى متعودين انو احنا نشرب سجاير هنا وصاحبى ده سافر فانا بشربلى وبشربله.. بعدها بفترة صاحبنا ده عدا شافه بيشرب سجارة واحده فقاله انت بتشرب سجارة واحده ليه؟ قاله: اصل انا بطلت سجاير

واحد حب يعمل فهلوى قال انا هاصطاد بالموسيقى راح الغابة اول يوم وقعد يعزف يعزف جت النمور جنه ونامت راح ماسكها وحطها فى الاقفاص تانى يوم عمل نفس الحكاية واصطاد غزلان ثالث يوم شاف اسد قال لازم اصطادة النهاردة راح قعد يعزف يعزف والاسد راح هاجم عليه المهم الاسد اكل صاحبنا دة فكان فيه اتنين نسانيس على الشجرة واحد قال للثانى مش قلت لك هايقع من الاسد الاطرش

لية الصعيدي الصغير أذكي من الصعيدي الكبير .؟ لأنة مابقالوش كتير صعيدي

أية هو المكتوب علي قاع زجاجة المياه الغازيه في الصعيد...؟؟؟؟ مكتوب : الفتح من الناحية الأخري

واحد بلدياتنا رجع من امريكا قاعد بيحكي لأبوه وأمه الحاجات الغريبة اللى شافها،، دانا شفت هناك واحد وقع من فوق عمارة طويييلة.. قعد ثلاث ايام لحد ما وصل الأرض
أمه سألته: طيب مات ؟؟
ابوه رد عليها: ثلاث أيام لا يأكل ولا يشرب .. أكيد يموت

بلدياتنا مبيعرفشى يعوم وقع فى البحر مات محروق

مرة واحد بلديات نام بالمقلوب صحى رجلو معمصة

! مرة واحد احول جة يعيط ، رجّع

واحد مسطول رجع مع صاحبه البيت الفجر . مراته بصت من البلكونة: بقينا الفجر و لسه جاى , اطلع يا منيل". قال لها : اطلع فين ؟؟؟ انزلى شوفى جوزك مين فينا

مرة واحد حاتط راسة فى بلاعة , صاحبه بيقول له بتعمل اية , فرد عليه : بفكر بعمق

ثلاثة مساطيل قاعدين في سهرة
الأول : أنا عندي فلوس أشتري فيها أمريكا الشمالية
الثاني : وأنا عندي فلوس أشتري فيها أمريكا الشمالية و الجنوبية
الثالث : و مين قالكم إني هبيع اصلا

واحد خلقه ضاق اداه لأخوه الصغير

واحدفاتح محل سمك ابنة مات فقال كان لسة صاحى وبيلعب

مرة واحد بلدياتنا نزل في محطة الرمل رجلة غرزت

واحد بلدياتنا رجع من السفر لقى الشقة مليانه صراصير.. غير قفل الباب

واحد بلدياتنا بنى جامع لقى الناس بتجيه كتير قـلـبه مـطـعـم

واحد خواف قوى خطيبته بتقوله نفسى أموت وسط أحضانك ...قالها روحى موتى وسك أهلك أنا مش ناقص مشاكل

مره واحد ركب اوتوبيس شاف واحده قاعده راح بصلها فبصتله , ضحكلها ضحكتلو غمزلها غمزتلو راح شاورلها على المحطه , فنزلت ....راح قعد مكانها

مره اثنين بلدياتنا راحوا امريكا فلقوا أتوبيس بدورين فقال الاول للثانى .. نركب فوق يا ولد فقال له الثانى يا غبى فوق ما فيش سواق

سالوا سائق: مين المطرب المفضل عندك ؟؟؟ قال : مايكل داتسون

واحد جاب دش كبير اوي و حطة علي سطح البيت عندة,خاف علية لحد يسرقة فنزل الشارع وقال للناس محدش يطلع السطح علشان جاب كلب كبير قوي فوق.و بعدين اتنين اخدهم القضول قواحد قال للتاني تعرف تطلع؟قالوا اة اعرف...طلع و لما نزل كان خايف فصحبة قالة شوفت الكلب؟قالو لا بس شقت الطبق اللي بياكل قية

اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها براحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كده احنا بعدنا أوى

اتنين سكرانين ماشيين في صحراء قاحلة ... قال الأول للتاني
تسمح لي بكلمة على انفراد

واحد بيقول لخطيبته: أنا مش غني ولا عندى مرسيدس ويخت زى محمود ، لكن أنا بحبك من كل قلبى. قالتله: وانا كمان بحبك بس احكيلى أكتر عن محمود

عشرة بلدياتنا أخذوا شقة و كل اسبوع يطردو واحد ليه ؟ يقلدو ستار أكاديمي!!

مرة ممثل كبير جاله دور برد , رفضه

واحد بلدياتنا دخل بار، فجلس بجوار جيمس بوند، فقال له: عايزين نتعرف، اسمك
الكريم إيه؟
قال له: (بوند, جيمس بوند)..أند يو؟
رد عليه بلدياتنا و قال له: (دان, حمدان)

كان فيه خمسة صعايدة سموا نفسهم الشجعان التلاتة

واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل , وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى

مرة واحد قتل ابوة وأمة وخالة وبعدين قطع رجلة . فسألوة لية ؟ قال : عشان رجلى ما تجيش في القضية

حكم كوره أعد على قهوه ...طلب واحد صفر

مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ... وتشتري بطيخة حمرة وكبيرة... تقطع راسها وتقعد عليها... بيقوم رئيس الديدان بينزل ويلحس منها شوية... ف هيلاقيها حلوة... هيقول للديدان... شباب انزلوا... قام رايح صاحبنا واشتري اكبر بطيخة حمرا وقعد عليها... نزل رئيس الديدان ولحس منها شوية ولقاها حلوة... قال لهم... شباب طلعوها

واحد صعيدى راح لواحد بياع تيليفزيونات بيسأله عندك تيليفزيونات ملونة البياع قال له ايوه راح الصعيدى قايله ادينى واحد أخضر

الكويت تبرعت للصومال بشاحنة أدويه، رجعوها ليه؟ لانها بعد الاكل

>واحد بيسأل خطيبته :كنتى تعرفى حد قبلى ؟ سكتت
>قالها : زعلتى
>قالت له : بأعدهم

دكتور عيون قاعد مع خطيبته في حديقه الاسماك معاه ورده قالها شايفه الورده دي
يا حبيبتي قالت له ايوه فرجع ايده لورا شويه وقالها طب وكده

واحد غبى دخل الجيش ووقف حراسة على بوابة معسكر عدى عليه الشاويش
وقاله:اللواء "فريد" جه؟
قاله : ماجاش يا شاويش "محمد" وبعد ساعة رجع له الشاويش محمد وسأله اللواء "فريد" جه؟
قاله لسه ما جاش. وبعد ساعة أخرى رجع له تانى وسأله اللواء "فريد" جه؟
قال له لسه ما جاش. وبعد ساعة جه اللواء "فريد"
قاله العسكرى : أنت فين الشاويش "محمد" حيخرب بيتك.

مرة ولد صغير يروح للبقال يقوله "يا عمو يا عمو عندك جبنه بيضه" الراجل
يقوله "ايوة يا ابنى عندى" يقوله "طيب ادينى جبنه رومى" تانى يوم "يا عمو يا
عمو عندك قلم رصاص يقوله ايوة يقوله طيب ادينى قلم جاف. لما الراجل زهق يا عينى
و طلعت عينه فقرر يشتكى لابو الولد. لما ابو الولد جه حكى له الحكايه قام قال
للبقال "لا لا ميصحش الكلام دة ابدا اسمع انت معاك عصايه البقال قاله ايوة قاله
"خلاص اضربه قلمين

البوليس عمل كبسة على شوية شمامين و لفت نظره ان فيهم عيل صغير قوي واخد ركن
لواحده وعمال يسحب , فقام مقرب منه و سأله: و الشمام الصغير اسمه ايه؟
قام الواد رد عليه و قاله : كنتلوب يا باشا.

واحد بيحلق دقنه التليفون رن ، عور نفسه عشان لما يرجع يعرف هو وقف لحد فين

واحد بلدياتنا حب يشرب سيجارة حطها ف كباية

مسطول مزور ورقة بنكنوت انما 10/10 مع ذلك مسكوه ياترى ليه ؟
عشان كان مزور ورقة بستين جنيه

في واحد كريم انحرق بيته لما جت المطافي حلف عليهم ما يعملوا حاجه لحد ما يشربوا القهوة

اثنين محششين واحد قال تصدق بالي مشغول ، قاله الثاني أكيد السماعه مرفوعه

ثلاثه نمور اتراهنوا على الصيد راح الاول ورجع في بقه دم قليل قال شفتو الشجره اللى هناك دى؟ قالوا أيوه قال اصطادت عندها أرنب راح الثاني ورجع في بقه دم كثير قال شفتو الصخره اللى هناك دى قالوا أيوه قال اصطادت عندها غزال راح الثالث وهو أغبى واحد فيهم ورجع وكله دم قال شفتوا العمود اللى هناك ده قالوا أيوه قال أنا ما شفتهوش

محشش بيسوق عربية ومعاه أبوه ، أبوه قاله : لف .. المحشش قاله لف انت انا سايق

في واحد راح يغير أنبوبة بوتاجاز قال لامه ادعيلي قالته روح يابنى ربنا يفتحها فى وشك

فيه رجل شاف رجل أعمى يقرأ الجريدة فقال:شيء غريب اول مرة اشوف أعمى ويقرأ الجريدة قال الأعمى ً:ومن قال لك أني
أقرأ الجريدة أنا قاعد أتفرج على الصور

ههههههههههههههههههههههههه هههههه
حلوين

مشكوور ياميجو ياقمر اية الحلاوة دى يالولة ضحكتنى ومش كنت عاوزة اضحك

=))=))=))=))=))=))=))=))=))=))=))

حلوين جداااااا يا ميجو تسلم الايادى

=))=))
يابن اللعيبة
ههههههههههههههههههههههههه
فقرررررر
بس تسلم يا حمادة:d

=))=))=))=))=))=))=))=))=))

ههههههههههههههههههههههههه هههههههههههههه
ههههههههههههههه
بصراحة جامدين
وخصوصا شوية التهييس اللى فى الاول دول
عملو شغل جنان اخر حاجة =)) =)) =))
تسلم الايادى