عُمْر قلبى حبيبى ما خاف
ولا عاش قلبى يوم خواف
ولا عرف الدمع لقلبى طريق
ولا شلت يا قلبى هم فراق
كنا يا قلبى نقابل ناس
يعدوا علينا بدون احساس
لا نلاقى راحة فى قربنا ليهم
ولا عينك تسأل فين أراضيهم
نشوفهم نتكلم سنين وياهم
تفرح يا قلبى يوم مانساهم
لا تفرق معاك يا قلبى صحبتهم
ولا همك فى يوم فرقتهم
لا بكينا مرة فى غيبة حد
ولا دوقنا الحرقة فى لحظة بُعد
الا حبيبنا يوم ماقابلنا
وفى لحظة هواه دوبنا
غير لينا حياتنا
حبب فينا آهاتنا
نسانا عيون الناس
من غيره أعيش احساس
يتيم مقطوع الناس
علم قلبى ازاى يحتاس
ثانية يغيب عن عينى يا ناس
