ازيكم يا اجمد اعضاء انا النهاردة جايبالكو حاجة من تأليفى وبهديها لكل اعضاء
المنتدى ويارب تعجبكو كفاية كلام بقى وندخل ف الموضوع ع طول.....
بصراحة من كام يوم كدا جاتلى حالة اكتئاب ف حبيت افكر نفسى وافكركو
بشوية حاجات كدا تعالو نشوفها مع بعض:
متشيلهاش لوحدك
اجمد فكر قرر.....دوس وعدى وكسر
اوعى تعيش ف امبارح خلى طموحك اكبر
حب وشوف وجرب...كدا تتعلم اكتر
مهما فشلت ولا وقعت حاول دايما تصبر
عدى الحزن بسرعة وعيد حسباتك تانى
متوقفش عشان أزمة دا عشانك مش عشانى
شئ ملهوش لازمة وفكر نفسك تانى:
انا لو فضلت واقف غيرى هياخد مكانى
الجرح صعب اكييد والدنيا بنتعلم منها
حول جرح طاقة واصنع ناجح منها
هات احزانك ويا همومك واصنع منهم تل
اطلع فوقه وبص هتعرف انك فوق الكل
خلى البسمة حياتك والنور مالى عنيك
افرح قضى ساعاتك دى الدنيا بتناديك
اضحك قول لآهااااااااااتك بكرة مستنييك
متشيلهاش لوحدك....احنا كلنا حواليك
@};-@};-يااااااااااااارب تكون المسيج وصلت مستنية تعليقاتكو @};-@};-
