عرض للطباعة
السلام عليكم
لفت نظري هذا العنوان في إحدى المنتديات
وعندما قرأت موضوعه أحببتُ نقله لكم كي نتناقش به
"
من هي المرأة المتحرره؟
هل المتحرره امرأة واعيه, مسؤله, تعرف هدفها في الحياه وتسعى له؟؟؟
ام انها امرأة (((منحرفه))) لا هم لها سوى الخروج عن العادات و التقاليد و تنفيذ رغباتها؟؟؟
سؤال ينتظر الاجابه:
من هي المرأة المتحرره في نظرك ؟
بصى يا ايمى هى حسب التحرر من وجهه نظرها
يعنى ممكن تكون متحرره لدرجه متسيبه وماشيه على حل شعرها ومفيش حد بيهمها وبتعمل حاجات غلط وده يبقى انحراف ومش محبوب بصراحه
انما بقى لو هى متحرره من قيود عاديه يعنى مثلا اجتماعيه مثلا مع الناس وبتتكلم وكده وليها اصحاب كتير وبتعمل حاجات جريئه بس مش بتغلط كده تبقى متحرره بسعارفه حقوقه وواجبتها
شكرا يا ايمى على الموضوع الجميل ده
سؤال صعب جدا!!!!!!!!!!!!
لكن ممكن تكون المرأة المتحررة من العادات والتقاليد اللى فيها تمييز ضدها من خلال المجتمع
لكن فى نفس الوقت لازم تحافظ ع تعاليم ديننا واخلاقياته وعادات وتقاليد المجتمع اللى بتمييزها كأنثى
شكرا ليكى
بصى هو على حسب المجتمع وبرده على حسب تصرفات هذه المرأه
لو كان المجتمع منغلق فلابد ان تكون فى اطار المجتمع
ولكن اذا كان المجتمع مفتوح فيجب ان تكون متحرره ولكن بحدود حتى لا تصل الى درجة الانحراف
هى المرأه التى تتحرر من الجهل والتخلف
والاشعار بالمسؤليه
اما من ناحية التحرر المظهرى
فالتحرر يكون مطابق للمجتمع التى تعيش فيه وتعاصره
على سبيل المثال
امرأة تتحرر مظهريا
بطريقة لبسها او بطريقة كلامها مع الاخرين
فعند تحرر المرأه الشرقيه فى اللبس مثلا مقلده بذلك المرأه الغربيه
فهذا لا يعتبر تحرر ولكنه انتحار
لانها نفذت بذلك او طبقت القاعده الشهيره
خالف تعرف
فالمرأه تمارس جميع انواع الحريه مهما كانت هذه الحريه
ولكن!!!!!!!!
فى الحدود الذى فرضها مجتمعها عليها
اظن كلامى واضح
وميرسى ليكى على التوبيك الهايل
بصراحه طرحه مهم
وتقبلى تحياتى
toyota
هو طبعا علي حسب فهمها لكلمة تحرر
المرأة المتحررة والمحترمة في نفس الوقت هي المرأة الي بتتحرر من القيود التي تمنعها من حقوقها وبتحاول ان يكون ليها شخصية متفائلة بشوشه ليها اصدقاء كتير لكن عندها برده الخطوط الحمرا الي مش لازم حد يتعداها
متحررة كي تستطيع ان تتعلم وتعرف ماذا يحدث في العالم وما الاشياء المفروضة عليها وما الاشياء التي من حقها اخذها
يعني من الاخر كوني حرة بدون ما تجرحر نفسك او غيرك
على فكرة الموضوع دة فيه كلام كتير
بس فى رأى ان التحر فى مصر احنا فهمينه بمفهوم خاطئ
يعنى البنت شايفة انها تكون متحررة انها تعمل اللى هى عيزاه اى ان كان وسواء صح او غلط
التحرر بفهومه فى حد ذاته مش غلط
يعنى ممكن يكون التحرر فى التعليم فى الثقافة فى حاجات كتير غير التفاهة اللى بنجرى وراها ممكن التحرر دا يكون داخل بتها مثلا لو هى سيدة متزوجة تكون متحررة فى التعامل مع جوزها مع اولادها تدخل نوع جديد فى التعامل بين اهلها
مش معنى انها تكون متحررة يبقى لبسها ضيق ومكيجها والبرفان صدقينى هو دا مفهوم التحرر فى مصر
بجد بشكرك على التوبيك ويارب ما اكونش تقلت