بحبك يا زمالك //بقلمى//اهداء لكل زملكاوى

بحبك يا زمالك

بكل ما فيا

بحبك يا زمالك

ولو هيتعملى قضية

بحبك يا زمالك

وهنلبس الفِرَق السلطانية

بحبك يا زمالك

ومش هنخاف من حد ولو حتى مية

بحبك يا زمالك

وكل زملكاوى يجيب ايده فى ايديا

ونقولها بصوت عالى

يا زمالك هات لينا الدورى

دهيا دى الامنية

واكسر عين الناس اللى شمتوا فيك وفيا

دنتا قادر تهز شِبَاكهم فى الدورة ديا

لا يهمك مين واقف جون

دنته جعفر وليته المسئولية

طلع أدها وعد الاهداف ورايا يا عنيا

لا مين يقولى ده فريق جامد ومية مية

ادام الزمالك يا حسرة عليه ويا مكسب ليا

يطلعوا من الماتش ادامه شايلين الثلاثية

واحنا نطلع بنقاط مودية

ناحية الدورى والاحلام وردية

يا شيكابالا حرام كفاياك تمرقص فيا

كلمة قالوها مدافعين على كفاءة ومش شويا

خلاهم يشكو طوب الارض من المنادية

ارحمنا يا شيكا

يا خسارة مجهودنا فى اللعبة ديا

وعلاء على ده واد ابن جنْية

وصبرى رحيل قام بالواجب وحبة شويا

وعبد الشافى عفريت الكرة المصرية

وعبد الواحد يا سلام عليك فى الصدة ديا

وفتح الله فى الدفاع واقف

حالف ميعدى كورة ولو بالصدفة معدية

وحسين ياسر اوعى من الحركة ديا

ده خطير فى الشوطة والتقسيمة ديا

وآه من حازم لما يلعب بحرفية

علمنا ازاى اللعب يبقى بفنية

وغانم لجعفرعلى لمسة منه للشبكية

مفيش اعادة وحياتك للقطة ديا

:d:d:d:d:d:d:d:d


مع انى اهلويه بس بجد جامد اوووووووووووووى الكلام ده


وانا بجد اتمنى ان الزمالك يرجع قوى زى زمان

لاننا لما نواجه خصم قوى نكسبه هنحس بطعم المكسب بجد

على انه يكوون خصم ضعيف ويبقى الفوز سهل


ايوه كده يا محمود ورينا الهمه:)

مبروك للزمالك بكل روح رياضية
تحية له من كل الأهلوية
عشان لما نغلبه ميبقاش صعبان عليه
المهم يقدر ينافس معانا عالدورة دى

تحياتى انا والأهلوية
أصحاب الروح الرياضية


ايوه كده يا وديع
قصدى يا محمود
ههههههه
:)):)):)):)):)):)):)):)):)):)):))