حاجة بنشوفها كل يوم .. يا ترى تفسيرها ايه؟

السلام عليكم
ازيكم يا شباب
اول هام يا رب الموضوع ده ميكونش متكرر عشان انا مقريتش كل المواضيع اللي في القسم ده الصراحة
على العموم هخش في الموضوع على طول
الموضوع يا جماعة بكل بساطة هي حالة انا لاحظتها في اولاد و بنات كتير قوي
الا و هي ان الاقي ولد من اصحابي بيقولي :" انا بحب فلانة و فلانة و فلانة .. بس فلانة الاولانية اكتر واحدة .. بس لو محصلش نصيب معاها انا هحب التانية بقى و خلاص و لو محصلش نصيب .. التالتة مش وحشة "
كذلك نفس الحكاية عند البنات بالظبط من غير اي تغيير
الحكاية دي انا شفتها كتير
كتير قوي
انا على العموم عندي ليها تفسير بس مش هقوله دلوقتي عشان عايزكم تشاركوني و يمكن كمان اكون غلطان يبقى ملوش لازمة اني اقول رأئي في مقدمة الموضوع و هو غلط
هستنى ردودكم و تقولولي اذا كنت بتشوفوا الحكاية دي بجد واللاه لا؟
سلام يا شباب

بص يا نجم
ده من الاخر بيكون لعب عيال مش اكتر
نحو مزيد من الحب

:-b:-b:-b:-b
بسم الله الرحمن الرحيم
استعنا علي الشقي بالله
بص يا بشمهندس شومان

اولا:
انا هتكلم عن الولد عشان انا معرفش البنات بيفكروا ازاي
ممكن وكتير بتحصل يبقي الولد عاش قصة حب حقيقية وتبقي باءت بالفشل الزريع معاه...وساعتها قرر انه يبيع قلبه لأي حد ويشوف الناس ويرتبهم وعادي بقي مبقتش فارقة معاه
ثانيا:
واحد هوايته انه يوقع البنات ويبقي بتاع بنات ويتباهي بكده ويبقي عنده ارتبط بدي ودي مش مشكلة كترهم احسن بالنسبة ليه وده طبعا اللعبي وربنا يبعد الكل عنه
ثالثا:
شخصية مشتتة الذهن يبقي شايف قدامه واحدة يحبها وواحدة ميقدرش يستغني عنها وواحدة بيفكر فيها علي طول ويبقي مرتبهم حسب قربه منهم وده طبعا بتبقي شخصيته مهزوزة
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــ
فكل الأحوال الوضع مشين وغير مرضي وشخصية غير مرغوب فيها اللي تعمل كده
مشكوور علي الموضوع يا شومان

السلام عليكم الاول يا شومان
بصراحه الموضوع ده لفت نظرى اوى
لانه بجد بيحصل بس ممكن فى الولاد بنسبه اكبر من البنات
وبجد انا معنديش تفسير ليه بس انا بقول انه لعب عيال لان الى يحب حد بجد استحاله انه هيبص لحد غيره او هيحطله بديل
وشكرا على الموضوع بجد حلو اوى وياريت اشوف تفسيرك

أكيد الموضوع مهم جداً ... المشكلة فى الموضوع انه بيبقى مش حب .. وعلى فكرة صاحبه بيبقى عارف انه ما بيحبش ... دا معجب بس .. أكيد مش حب بجد ... لو حب بجد يا دوب بيبقى واحده بس .. وبتنجرح قوى لو الموضوع باظ ... مش بالهيصة .. بتاعة دى ما نفعتش يبقى فيه غيرها ينفع ...

واقول رايي بما اني من البنات واعرف واحده كده فعلا
بص بقي يا ساحر
بالنسبه للبنت كل همها انها تتكعبل ف واحد غني تتجوزه اصلها شايفه اختها وبنت خالنها وبنت عمتها عدو التلاتين ولسه مستنيين
فبتبقي الحكايه كده اه انا بحب فلان وفلان وفلان بس فلان احلي من فلان بس لو ده اتقدم خير وبركه
وماقولكش بقي البنات هتموت قد ايه علشان تقول خطيبي جه خطيبي راح
او حتي حبيبي جابلي حبيبي قالي
المصيبه بقي الاكتر ان الامهات بقت بتشجع بناتها علي كده
(((اه يابت شاطره وقعيه))) فالبنات بقيت ماشيه الولد يادوب يبقي بصلهل وبالغلط كمان وتلقيها خلاص مابتنمش الليل من التفكير فيه وهكذا طول مهيا ماشيه واللي يجي يكلمها يبقي خلاص هو ده وتعين الباقي ف التلاجه مش يمكن ده يطلع فيه عيب صناعه ههههههههه
والله بجد ده بيحصل انا عندي واحده صاحبتي كل ما اقبلها تكلمني عن واحد شكل
واعرف واحده تانيه بتدور علي غني وكل ماتلاقي واحد اغني تركن اللي قبله اقولك حاجه بقي جايلها عريس عارف كان رد اهلها ايه استني شويه وبياجلو ف الخطوبه علشان لو جالها واحد احسن يبقي خير وبركه مافيش اهو ده يسد

وغيرو وغيرو دانا لو قلتلكو البنات بقيت بتتعامل الزاي مع الحب او معني الحب بقي ايه دلوقتي هتقولو الله يرحم البنات

صباح الحليب
انا راىى انه فعلا ده لعب عيال بالنسبه للولاد
الناس بقت زهقانه كيك..ومن كتر الزهق معنش في حاجه فدماغهم غير ازاى يبقى عيل كوول قدام البنات...والبنت ازاى تبقى بت استااايل قدام الولاد...فالحب مات..وكل اللى اتبقى حبه اعجاب.
وبالنسبه للبنات...زى ما ريرى اتفضلت..
البنات بقوا بجد معاتيه بشكل رهيب جدا...وبقت البنت مستعد تقول انها بتحب شخص معين..لمجرد انه عجبها فاى حاجه...واصبح الموضوع

هههه لذيذ الموضوع والردود كمان ...انا رأيى بقى انهم عايشنها حلاوه روح مش اكتر (عته يعنى)ومتهياقلى ان عندهم تشيزوفرينيا..هههه اه والله مش عندهم شخصيه ثابته بيتعاملو مع كل واحد بشكل مختلف لدرجه انهم مش عارفين نفسهم حتى..بس ده رأيى

أصلا اول حب دة دايما فاشل ومافيش حد اسمة بيحب حد في مرحلة المراهقة لان دة بيبقي طيش شباب مش كتر علشان فلان يقول علية اة دة واد اية مقطع السمكة وديلها وانة بيكلم بنات وكدة ودي حاجة احنا كلنا مجربنها واكيد غيري كتير مجربها انما كل الناس يمكن 90% منهم بيتجوزوا الجواز التقليدي وهو ان ام فلان عارفة ام فلانة وهاتروح تجوزة بنتها ولااسف دة اللي بيحصل في كتير من العائلات
مع تحيات ميدو جديدو