مجلة فكك مني - عاوزين اقتراحاتكم و أراءكم

السلام عليكم
بعد ترقية الموقع للجيل التالت
بعض الناس اخدت بالها من موجود خدمتين جداد على الموقع
الا و هما
المدونة و المجلة

أولا المدونة :-



و هي كصفحة شخصية للاعضاء يمكنكم كتابة افكارهم و ابداعتهم الادبية عليها و الحمدلله الناس عارفة تستغلها كويس , و اعدادتها سهلة

ثانيا المجلة :-



للاسف طلاسمها كتير , و محتاجين افكاركم فيها

1- تقسيم للمجلة
مثلا ( اخبار العالم العربي, اخبار الموقع , اكلات جديدة , مواضيع للبنات , موبايلات , اخبار التكونولوجيا ... ) و هكذا

2- اي افكار جديدة ممكن نحطها في المجلة!

منتظر ارأكم و اقتراحاتكم بخصوص المجلة

سلاموعليكم

انا الحمد لله عارفه اشتغل على المدونه
المجله حاولت افهمها وماعرفتش
هحاول اقلب واستكشف فيها
ولو عندى اى افكار هقولها

كويس شو
هنحط طبعا اخبار العالم
وطبعا اخبار الرياضة وخصوصا العالمية
لو ينفع تعمل فيها درجات حرارة زى فى موقع مصراوى هتبقى كويسة
وطبعا يكون فى مقالات من كتابات الأعضاء
ونحط اخبار فنية مصرية وعالمية والبوكس اوفيس نتابعه بردو

لو افتكرت حاجة تانى هرجع اقولك

بسم الله الرحمن الرحيم والحمدلله رب العالمين
والصلاة والسلام على اشرف المرسلين
اما بعد
هههههههه
لا بجد الموقع بقى جامد جدا
وسريع وااظن ان امانى ذكرت كل حاجة احنا ممكن نطورها فى المجلة

ممكن كمان يكون فى حوارات مع اعضاء فى المنتدى بأسئلة بكل انواعها شخصية وفكاهية ونعرف بعض اكتر ونظبط الحوارات دى اننا نحط نعمل حوار كل اسبوع مثلا
ونقترح اسم العضو قبل ما نعمل معاه الحوار واللى هيعمل الحوار يستقبل اسئلة من باقى الأعضاء لعضو الضيف

قشطة حلوة حوار الطقس دي يا موني
ها يا جماعة؟
عايزين اقتراحات كمان و كمان و كمان

بما انى مشرفة قسم اسلامى وطبعا هو يهمنى جدا فاتمنى يكون فى قسم دينى فى المجلة

غير كدة نختار موضوع شعرى للاعضاء فى النادى الادبى ونحطة
ولو ينفع نجيب فيديو من اى مسرحية من الى الكل بيحبها واكيد هنسمية ركن فكك منى تى فى

لو فى حاجة تانية جت فى بالى هرجع

اة وممكن ركن صيدلى وطبى احنا عندنا دكاترة كتير واهو المجلة ممكن تكون اسهل لو عايزين نوصل لاى معلومة طبية عن المنتدى الى مليان مواضيع