فكرة طلابية جامدة موت على الإنترنت اسمها.. يلا نذاكر مع بعض!!
فكرة مبتكرة جدا قام بتنفيذها طالبان مصريان هما حسام الفرماوي ومحمود المصري حيث قاما بعمل موضوع يدعو الطلاب للمذاكرة الجامعية عن طريق شبكة الإنترنت..!
يقول الطالبان في الموضوع الذي كتباه على أحد المواقع: الامتحانات قرّبت ولازم كل واحد فينا يعصر على نفسه لمونة وأمره لله ويقعد يذاكر علشان يعدي السنة دي على خير.. وطبعا دي قديمة..
وطبعا أكيد انت نفسك حد يشرح لك وحد يسأل لك الدكاترة على المهم أو حتى يجاوب على السؤال اللى مغلبك.. وهو ده الجديد
لو عايش الدور ونفسك تحس إنك دكتور وبتشرح لأي حد حاجة فهمتها!!
لو عندك سؤال مغلبك ونفسك تعرف إجابته!!
لو نفسك تعرف اللي اتلغى من المنهج!!
لو نفسك تعرف إيه المهم فى المنهج!!
لو نفسك تقول على سؤال حاسس إنه جاي فى الامتحان بنسبة 100%!!
لو عاوز تذاكر مع ولاد دفعتك!! وأهل الجيهة في كليتك!!
نذاكر مع بعض
الفكرة وببساطة لو فهمت حاجة وعاوز تشرحها لصحابك.. لو عندك سؤال بتدور على إجابته.. لو تعرف إجابة سؤال.. لو عاوز تفهم حاجة اكتبها في مكان التعليقات.. ولو لقيت سؤال تعرف إجابته جاوب عليه فى تعليقك.. يعني بالعربى.. هنذاكر مع بعض.
وبعد المقدمة الكبيرة دي.. قدام حضراتكم لينكات للموضوع المخصص للمذاكرة في كل كلية.. حضرتك حتكتب في مكان التعليقات.. أسئلتك.. والمهم أو الملغي من المنهج ولو كان هناك تعليقات قوية وهامة سيتم نقلها كموضوع رئيسي.
الفكرة تم نشرها على موقع جامعة أون لاين على الإنترنت.. ندعوك لتجرب الفكرة وبالتوفيق لكل الشباب المصرى.
نقلاً عن جريدة شباب مصر
