كنت فين وانا قلبى بيسألنى عليك
كنت فين وانا روحى محتاجة ليك
فى عز منا محتاجك بعدت وسبتنى
وفى وقت الشدة والنار وفارقتنى
ولما لقتنى مش هنفعك روحت وبعتنى
دلوقت بدموعك راجع وبتقول انك بتحبنى؟
طب بامارة ايه أصدق ولو حتى قولت وحلفتلى
أقولك انا ايه اللى جابك وخلاك رجعتلى
لما لقتنى كبير وفى الدنيا بقيت بشترى
ووقفت على رجليا بعد ماكنت بتهدنى
والناس اللى فاتونى زمان دلوقت بتودنى
بس انا دلوقت ببيع فيهم ولا يهمنى
زى منته جيت وآل بتقول بتحبنى
هبيعك برده زيهم ولا يهمنى
ده حبك خاين ولا عمره تانى هيشدنى
طمعك خلانى اشوف الناس اللى بتغشنى
زمن الخداع راح وزمنك وياه بينتهى
انا النهاردة بعيش لنفسى ولدنيتى
والحب فى حياتى ممنوع وفى رحلتى
قلبى اتعلم يعيش وحدانى فى طريقى وسكتى
