ما هي الا ضربه معلم من المعلم الكبير عمرو دياب
لغايه 2004 مكنش بنسمع حد بيتكلم نص كلمه عن عمرو دياب او يدخله في منافسه مع اي حد من اي اتجاه
حتي المطربين الكبار جمهورهم حس بان خلاص عمرو خلص علي المنافسه وبقي لوحده متربع علي عرش الاغنيه فبقينا عايشين في عصر المطرب الاوحد علي القمه
لغايه ما بدا ظهور جيل المطربين الشباب اللي اعتمدوا علي عده طرق للوصول الي الشهره والنجوميه
فحماقي طلع علي ايد مدكور صانع اجمل اغاني عمرو دياب ولما نزل البوم حماقي الاول الكل حس بان مدكور بيحاول يحط نجم شاب في نفس خط عمرو دياب من اختيارات اغاني وملحنين وكتاب وطريقه توزيع علشان تبدا الناس تقارنه بين عمرو وبين النجم الجديد ده اللي طالع
وفعلاده حصل وبدات الصحافه اللي كانت ساكته تحاول بقي تتكلم وتعلي من حماقي لجعله بديللا لعمرو دياب الذي لا يجيد فن المصالح الصحفيه الفنيه كمعظم فنانينا الكبار
في نفس الوقت ظهر تامر حسني
تامر ظهر في دور الشاب الرومانسي جدا الغلبان اللي الكل ظالمه اللي قلبه ابيض من البياض بحته
ونجح ولكن برضه مش النجاح اللي نصر محروس عايزه
لو لاحظتم
ان نصر محروس معظم مطرينه لهم قصه مع عمرو
نزل شيرين مع عمرو في علم قلبي
لما طلع بهاء سلطان قال انا جاي انزل عمرو من قمته
وادي تامر كمان
نجاح تامر لمحدود بسبب امكانياته الفنيه وعدم قدرته علي اختيار اغاني تعيش او اغاني تنافس بقوه كان محتاج لقوه دفع اقوي من كده
فبدات حكايه منافسه عمرو وتامر تامر وعمرو لدرجه ان جمهور تامر صدق الحكايه وصدق ان تامر بقي منافس قوي جدا لعمرو بل يمكن اقوي منه وان تامر بقي المطرب الاول ف مصر
وبدات حكايه عمرو سجني
لا عمرو بيكرهني
لا عمرو بيغير مني
لا عمرو بيسرق لوكاتي والحاني
لا عمرو لا عمرو لا عمرو
والصحافه العربيه والمصريه ما صدقوا ولقوها فرصه من دهب لسببين
الاول ادي حكايه هتفضل تكمسبهم دهب ما دام فيها عمرو دياب
والثانيه ان احناممكن نقنع الناس بده فنوقع عمرو دياب
وفضلنا في الحدوته دي من 2005 حتي 2007
الحق شوف جمهور تامر بيقول ايه عن عمرو
اجري دافع عن عمرو
الحق شوف جمهور مين بيقول ايه عن عمرو
الحق اجري دافع عن عمرو
الا ان جاء البوم الليلادي واعاد لعمرو دياب رونقه اللي فقد بعضه في كمل كلامك
يعني ايه فقد بعضه في كمل كلامك مش فاهم ؟.
كمل كلامك البوم قوي جدا ويكفي ان فيه
وماله وحكايتك ايه وايوه انا عارف واغيب اغيب وقدام عيونك وايام وبنعيشها وبتخبي ليه والله لا يحرمني منك
ولكن
الالبوم مكنش جماهيريا 100% ولكن كان عمرو بيحاول يقدم جديد بشكل جديد ولكن غريب شويه
كمل كلامك انا بعتبره رغم اني بحبه كالبوم ولكن في مشوار عمرو دياب كان توقيت نزوله غير موفق وده رايي
الليلادي علي النقيض تماما
وعمرو فهم كده
ونزل البوم هو عارف انه هيكسر الدنيا
ولو عمرو كان شاكك 1% في ان البومه ده هيكسر الدنيا كان نزله بدعايه قويه لكن الراجل عارف هو نزل البوم هيعمل ايه في السوق
وللسبب ده
الالبوم كسر الدنيا
وسكت ناس كتير اوي وخلي الجرائد تحتفل بعمرو وبنجاحه المعهووووود بعدوه عمرو بعد غياب
وكانت حفله مارينا هي الرد الاقوي علي الكل
حفلهه غير مذاعه ولكن الكل سمع عنها وعرف مدي جبروتها
هو ده عمرو دياب اللي عارف بيعمل ايه فعلا
ولكن كانت برضه لسه فيه اصوات بتعلو وبتحاول تقلل من عمرو وبتحاول تقنع الناس ان عمرو هيقع قريب
ولكن
جائت عداله السماء فعلا بالاوورد 2007
اجمل اوورد في تاريخ عمرو دياب بجد
اجمل ما فيها ان الكل ينه وبين نفسه معترف انها مينفعش السنه دي بالذات تروح لحد غير عمرو دياب
سبحان الله
اوورد ناجحه بكل القايسس
اعترفا شبه ضمني وكامل وشامل باحاقيه عمرو بالجايزه السنه دي لدرجه خلت ناس مش ديابيين يحسوا ان فوز عمرو اضاف للجايزه مصداقيه كانت فقدتها الفتره اللي فاتت
سبحان الله
الموضوع قلب 180 درجه بعد الاوورد
فاللي كانوا بيقولوا عمرو هيقع دلوقتي بيثبتوا توبيكات تهنئه لعمرو اللي مشرفنا في كل العالم !!!
والصحافيين اللي بالغوا في الهجوم علي عمرو دياب بقوا دلوقتي بيدافعوا عن نجم مصر الاول
شكرا لرب العالمين علي الجايزه دي بجد لانها جت في وقتها تماما
شكرا لعمرو دياب
شكرا لجمهور عمرو دياب
