المسحورين بالفيس بوك يشوفوا نفسهم

بجد انا بسمع الاغنيه دى من اول رمضان وعجبتنى جدا لانها معبره للناس المدمنين للفيس والحمدلله انى مش واحد منهم
انا على اد حالى يعنى
فجيبت الكلمات واتمنى تقروها يمكن تعجبكم ولا حاجه يعنى بعد الشر

بعنوان الفيس بوك




مسحراتى ادق واتوك
شويه امشى..
شويه ازك..
موتورجل اسعى وعمرى ما اكل
مشاعرى حاضرة وعمرى ما اعك
أحب احس بنبض الناس
وكتف صاحبى ف كتفى يحك
مشيت انادى واقول يا سحور
لقيت شباب عصرنا مسحور
وكله قاعد ع الفيس بوك
■ ■ ■
يا خلق هو.. اللمة أهم
طعم الحياة.. وتفريج الهم
سلام حميم.. من لحم ودم
قالولى: ده أيامكو يا عم
خليك روش وسمارت وفك
وكله قاعد ع الفيس بوك
■ ■ ■
يا جماعة طب نتكلم جد
حلو الكلام بينا هايمتد
وكل حد يسامر حد
وكل يد تحس بيد
قالولى خلص ياللا وسك
وكله قاعد ع الفيس بوك
■ ■ ■
ياخونّا ده مش هدف النت
الوقت مات مع ناس بتلت
وفراغ ما بين الواد والبت
الشات دا خلى العقل يشت
وأنا بقيت ف ذكائكو باشك
وكله قاعد ع الفيس بوك
■ ■ ■
يا جماعة شىء ف العمر اختل
نبض الحياة من إيدنا انسل
ممكن نفكر ونشوف حل
قالولى (دلت).. كبر.. حل
يا قشطة كيك على إيه هاتلك
والكل كمل ع الفيس بوك
■ ■ ■
مسحراتى ف الذكر هايم
والنسمة حلوة ولا حد نايم
والكل صابح معانا صايم
ف الفجر يدعى ويقول يارب
رمضان يا أكرم م الشمس ذاتها
أرواحنا عندك تبدأ حياتها
والنفس راضية تلحق ما فاتها
تطلب هداية وتقول يا رب
المصرى بنا وفلاح وجندى
وعندى جامع.. وكنيسة عندى
الرحمة من دا.. والحب من دى
ومن قلوبنا بنقول يا رب
@};-@};-

انا بردو مبحبش الفيس بوك بس مدمنة نت
يالا ربنا يهدينا جميعا ويرحمنا
وجميلة اوى كلمات الاغنية
تسلم ايدك يا محمد

شويه كده وشويه كده مش ادمان

واللمه جميله طبعا دى احلى حاجه....

تسلم يا محمد

نورتوا ياعسولات

ليه بس كده
الفيس ده جميييييييل ولمته حلوه اوى

ايوه طبعا الفيس ياما بيلم
بس اهم حاجه نعرف نختار كويس الناس اللى نتلم معاهم
ولا ايه
نورتى