مش مكسوف منه.......... يا قلبك الجامد

نفترض انك بتحب حد
وانك ضايقت حبيبك وزعلته
طبعا ضميرك هيأنبك
و تقعد تلوم نفسك انا ازاى عملت كده ويمكن متعرفش تنام
وتتخنق وتبكى وتبقى تعبان ومهموم
وتفكر وتحتار وتفكر مليون مرة ازاى تصالحه و تقوله انا آسف!!
وتزعل لو ضايقته او لو هو ضايقك وتقول ازاى انا هنت عليه

تعرفوا مين هو ده اللى انتوا زعلانين على زعله و مش هاين عليكم زعله ..؟؟؟!!
ده.. عبد الله او أمة الله

وهنا يجى السؤال

يا ترى كام مرة هان عليك ربنا ..؟؟؟!!؟؟؟!!!
كام مره نمت و انت مش فار ق معاك انك مزعله ..؟؟!!!
كام مره نمت و انت فيتاك صلاة واجبة ..؟؟!!!
كام مره نمت و انت مكلفتش نفسك تقول ... أستغفر الله !!!
عشان يسامحك

سألت نفسك كام مرة بكيت عشانه ..؟؟!!!
مهانش عليك ..؟؟!!
طب محسيتش انه حبيب ليك وانت مزعله ونفسك تصالحه ..؟؟؟!!!
محسيتش انك قصرت فى حقه ..؟؟!!!
متألمتش ومسألتش نفسك وانت فى الموقف الفلانى . . . يا ترى هو زعلان منك ولا ..؟؟!!!!

طب مفكرتش انه هو كمان بيفكر فيك
ليه تخلى ربنا يكون أهون الناظرين ليك
ليـــــــــــــــــــــــ ــه

طيب لما كنت بتزعله منك
قلتله أنا آسف متزعلش منى يا رب ..؟؟

طب مش نفسك تتكلم معاه ..؟؟؟!!
هتقولى هتكلم معاه ازاى ..؟؟!!
عن طريق سجدتك و انت بين ايديه ده اقرب ما يكون العبد إلى ربه وهو ساجد..

نفسك يرد عليك يقولك انا سمعك ..؟؟!!!!
اقرأ القران ايوه اقرأ القران..
إذا أردت أن تكلم الله فعليــك بالصــــلاة
وإذا أردت أن يكلمك الله فاقرأ القرآن ...

طب محسيتش فى مرة انه حبيبك
هو اللى عالم كل اسرارك قبل ما تعلمها

مفكرتش تطلب منه المعونة و يقف جنبك بصلاة استخارة ..؟؟!!
طب محبتش تشكى همومك ليه ..؟؟

طب مسألتش نفسك لو حبيبك سابك
و كل صحابك و جيرانك و اهلك متخانقين معاك
وبقيت لوحدك بتبكى و الدنيا متقفلة فى وشك

هتعمل ايه مين هيسمعك مين هيطبطب عليك
محبتش يكون فيه واحد جنبك يحس بيك وشايف كل حزنك ودموعك,
معاك و بيناديك وبيقولك تناديه
عشان يرد عليك ويقولك
لبيك عبدى لبيك

يا اللٌـــــــــــــــــــــ ـه

ربنا بيقولك
تعالى انا عايز اسمعلك ..تعالى اسعدك احللك مشاكلك ..

للدرجة دى هان عليك ..؟؟؟!!!!
تخيل وانت بتعمل ذنب كبير
ربنا شايفك ومع ذلك بينجينا و يحفظنا
ويبقى مستنينا نرجعله
وبعد ده كله تنام عادى كده ولا همك زعله

مفكرتش ان بأخذه عزيز مقتدر يقبض روحك اللى انت فرحان بيها فى لحظه
و يقولك خلاص آن الأوان

مفكرتش هتقله ايه
هتقله يا رب انا كنت بزعل على زعل حبيبى وانت لا ..؟؟!!!

محسيتش فى مرة أنه
الوحيد اللى عنده قدرة رهيبة على المسامحة
و مهما تعمل و ترجعله بيغفر لك عشان بيحبك بجد

وفى الاخر انا هسبكم تفكروا وتسألوا نفسكم
انت ازى هان عليك زعل ربنا ازااااااااااااااى ..؟؟!!!ـ
ازاااااااااااااااى

يلا كلنا قبل منام نتوب
ونرجع لربنا حبيبنا
ونقله سامحنا يا رب

سامحنــــــــــــــــــــ ــا

أستغفر الله الذى لا اله الا هو الحى القيوم واتوب اليه