تخيل كلنا مع بعض و فى يوم زى ده هيكون ربنا فرحان بينا أد إيه؟؟
الموضوع جميل وكلنا أكيد نتمنى انه يحصل الموضوع هو:
يوم عرفه إلى هوا اليوم التاسع من شهر ذي الحجة الموافق الثامن عشر من ديسمبر (السنة دى) أكيد مش هنسيبه يعدى زى اى يوم لازم نغتنم الفرصة
ماتيجو نتفق على حاجتين
الاول
إننا نصوم اليوم ده لو عرفت ثوابه أكيد هتصومه
صيام يوم عرفه:يكفر سنتين من الذنوب سنه ماضيه و سنه أتيه وهو يوم يباهى الله به الملائكة وقال رسول الله صلى الله عليه و سلم :"من حفظ لسانه و سمعه يوم عرفه غفر له إلى يوم عرفه القادم" صدق رسول الله صلى الله عليه و سلم
كده يبقى أكيد كلنا إن شاء الله موافقين على الصيام
ثانيا
ودي بقه عمليه اكتر من الأولى
صلوا على النبي
أكيد ختم القران في يوم زى ده حاجه عظيمه جدااااا وكل واحد نفسه يعملها بس بحكم الامتحانات و الالتزامات مش ممكن نقراء القران كله في يوم واحد؟؟؟؟
لا ممكن إزاى؟
هنقسمه علينا على حسب إلى هيشترك يعنى مثلا في (30) واحد دخل وقال أنا هشترك معاكو يبقى كل واحد هيقرا جزء من القران وهكذا وقبليها بكام يوم كل واحد ياخد الجزء بتاعه باسم السورة و رقم الآية على حسب العدد إلى هيشترك وكلنا هنقرا في نفس اليوم و بنفس النية يبقى الثواب يعم ونخده كلنا إن شاء الله
ملحوظه هامه: ياريت إلى هيقول أنا هشترك معاكو يبقى أد الكلام عشان إللى هيسيب آية يبقى أحنا مختمناش كلنا ياريت نفكر كويس في الموضوع ونخده على محمل من الجد
