قصيده صديق قديم من تاليفي الخاص من الساحر الابيض ولسه !!!!!!!!!!
كان ليا صديق في بحار الحب غرقان
دايما على طول تلاقيه هيمان
كل كلامه معاك حب واشجان
طول الوقت قاعد ينشد الحان
من كتر ما حب شايف احمد وكانه ايمان
ولا عاد بيفرق بين سامح ولا حتى جيهان
حب البيضه والسمره والسوده كمان
والعين الزرقه والعسلي كل الالوان
وفي يوم وانا ماشي ولقيته قاعد زعلان
سلمت وقلت مالك شيفك سرحان
قال سيبني في حالي دلوقتي اصل انا طهقان
قلت له روق واحكيلي من ايه زعلان
قال مش عارف اكتب كلمه لحبيبتي حنان
قلمي مش قادر يكتب غير الاحزان
مش عارف راحت فين كل الالحان
مع ان مداد قلمي لكلامي دايما عطشان
رديت : تاني لحنان بتاعت اسوان !!
طب فين راحت الحانك يا سيد الشبان
اختر لك كلمه للشاعر من اي ديوان
وانسبها لنفسك ياللا ظلم وعدوان
استهزا بيا وقالي شكلك بيقول تعبان
دا انا اكتب الف قصيده بين كل ادان وادان
واطرب اسماع السميعه ويقولو كمان
بس الافراح اختلطت بيها كل الاحزان
وضحكت في وشه وقلت جواك انسان
واعرف ان الانسان صفحات نسيان
والحب عمره ما كان كلمه بيقولها لسان
ولا واحده تتسلى معاها وفي لحظه تكون هربان
صعب تفارقه عيونك وتكون وياه طوفان
جبار وعنيد وعاتي هيعيش ويموت جبان
ده حبيبك لو بتحبه هتشيله جوه الاجفان
تشرب من بحر دموعه وتكون له بر امان
لو يقسى عليك ما تخونه ولا ترضى يكون حيران
انا كده خلصت كلامي ويا ريت ما تكون زعلان
سلام
