فى الاول كده يا جماعه للناس اللى هتقرا الموضوع ياريت يفهموا قصدى
فى حاجه غريبه اوى شايفها اليومين دول فى المنتدى.
انا او غيرى يعنى نكون منزلين موضوع فى قسم الموضوعات العامه مثلا
ادخل علشان اشوف ايه اخبار الموضوع والناس متفاعله ولا الموضوع فاشل وكده اقوم ملاقى الموضوع اللى انا حاطه امبارح مثلا فى اخر الصفحه او اتنقل صافحه التانيه مش عارف ازاى؟؟!!!!!!!!!!!!!!!!!!!!
اقول مثلا يمكن الناس شغاله ونزلت مواضيع جديده؟
للاسف مش ده اللى بيكون حصل امال ايه بقى ؟
دلوقتى يا جماعه وكلامى للاعضاء الجداد بالذات متجوش تردوا على مواضيع تاريخ نزولها ع المنتدى شهر 6 او 7 رد الاول على المواضيع الجديده وبعدين لو عندك وقت ابقى شوفى المواضيع القديمه.
طيب لو عاوزين نشوف المواضيع القديمه ونحافظ ع المواضيع الجديده نعمل ايه ؟
دلوقتى ممكن تبدا ردودك ع المواضيع القديمه الاول وبعد كده تقوم داخل ع المواضيع الجديده رد عليها
يا جماعه مش عاوزين يبقى عندنا 70000000موضوع وكل موضوع 2 او 3 اللى رادين عليه
دى بتبقى محبطه اوى يعنى وكمان عاوزين كل موضوع ياخد حقه وقته.
وده بينطبق على كل الاقسام
خلاص يا ريت ناخد بالنا من النقطه دى علشان مهمه اوى
وياريت يا جماعه محدش يفهم كلامى غلط
وكل سنه واحنا طيبين مع بعض كده
