اذا بلغت بك الهموم تفتح قلبك لمن ؟؟

إذا بلغت بك الهموم حدا لا يحتمل ... وأحببت أن تنفس عن نفسك ولو قليلاً ..

واذا احتجت أن تفضفض بما يختلج صدرك ...

ترى ... من هو أول من يطرأ على بالك كي يشاركك همك ..؟!

من هو الذي تتجه إليه وانت مغمض العينين ....؟!

شخص تثق به ... يفهمك وتفهمه .. وقلبك يشعر بالراحة اتجاهه ...

من ..؟؟!!


إجابات عديدة ومثيرة سمعتها ... كل على حسب طبعه ..

أحدهم قال أبي .. والآخر أمي ..

أحدهم لا يشكي همه إلا لأخته الوحيدة فقط ..


والآخر يعتبر صديقه مستودعاً لأسراره ..

أحدهم يلقي كل همومه للبحر ..!!

وآخر يعالج الهم بالنوم ..!!!!

احد الأساتذة ... قال بأنه اعتاد منذ صغره أن لا يكبت الهم في صدره مطلقاً ..

وانه يرتاح جداً اذا ما أخرج همه ..

وقد تفاجأنا حين قال بأن من الذين يلجأ إليهم دائماً هو أحد طلابه ..!!!!!!


جميعهــــم .. قد بدأ إجابته بــ : (( أذهب بعد الله سبحانه وتعالى إلى ............... ))
نعم ... أول من (( يجب )) أن نتوجه إليه هو الخالق عز وجل ..

فكلمة يارب تزيح الهم والغم ...

والله سبحانه وتعالى هو ملاذنا الأول والأخير ..


ولكن ... بعد الله سبحانه وتعالى ..


الســــــــــــــؤال..؟؟!؟! ؟!؟؟؟

إذا غرقت في بحر الهموم ... وتكالبت عليك الغموم ... تفتح صدرك لمن ؟؟؟؟


موضوع للنقاش؟؟

شكرا سبايدر للموضوع

بالنسبة لموضع الهموم لما تزيد عن الحد وكدة وعايزيين ننفس عنها ونتكلم لحد
ففعلا زى مابتقولى أول حاجة بنفكر يها اننا بنقول يارب
بعد كدة بتدور هتتكلم مع مين

بالنسبالى انا
فحكاية الصديق دى انى احكيله فهى تعتبراهم حاجة عندى انى أحكى للصديق اللى برتاح انى أحكيله مشاكلى وهمومى اللى هو فعلا زى مابتقولى انه مستودع اسرارى
بس فى أحيانا حاجات مش بتقدر انك تقولها للصديق
فايه الحل انا ساعتها بجد برضه بلجأ لحكاية النوووووووم دى لما الموضوع يبقى كبير ومش نافع احكيه لحد

بس موضوع بقى ارمى فى البحر وكدة الموضوع ده افتكر انه بالنسبالى صعب شوية لان بالنسبالى بيقى صعب انى انسى الهم اللى شاغلنى ده بس فى الحالة دى لو انى هتجاهل الهم ومش هحكيه لحد فمالهاش حل غير ان الزمن ومع مروره انى انسى الهم ده


بس فعلا اول حد افكر فى انى احكيله بعد ما اقول يارب هو انسان اثق فيه وارتاح لما اتكلم معاه


شكرا سبايدر على موضوعات ومناقشاتك الجادة

خالص تقديرى

موضوع مهم اوى يا سبيدر و بجد كلنا لازم نرد عليه بصى يا سيتى أنا عادة لما بكون مخنوقه و هطق مبحكيش لأى حد لانى مبعرفش اوصل لحد إلى جوايا قليل أوى لما بكون زعلانه انى اروح لحد من أصحابى وافضفض
بحب اوى أكتب واكتب كل إلى بيدور فى قلبى و دماغى و محبش أقطع الورق
انا مرحه اوى قدام الناس على طول بضحك محبش حد يشوفنى مكتأبه ممكن بحسها ضعف فا محبش أكون ضعيفه غير أدام نفسى و فى معظم الوقت لما اكون زعلانه بضحك كتييييييييير أكتر من العاده
شكرا يا قمورتى الموضوع فعلا لذيذ

شكرا على الموضوع

شكرا بجد يا سبايدر على الموضوع ده بس انا بئه ليه طريقه تانيه للفضفضه انا بحب احكي للحيطه اصل اقولكم حاجه الصديق ممكن تحصل حاجه منكم وممكن في ساعة غضب او وهو بيحكي لحد يغلط ويقول سر بينكوا اما الحيطه لو حطيتي فيها مسمار هتروح هتزعل وتروح تقول على سرك طبعا لأ فعشان كده اي حاجه مضيقاني اقول يا رب واحكي للحيطه

انا لما بكون مهموم او مخنوق من نفسى بيحصلى حاجات مش عارف بتجيلى منين زى متقزلز كده انا ( مجنون )
لو انا ماشى فى الشارع ساعات بكلم نفسى وفاجئه الاقى نفسى بزعق للهوا
انا امتى برتاح من همومى دى
لما اقابل اعز صديق ليا واحكيلوا همومى ساعات برتاح
لانى بكون خرجت اللى جويا
شكرا يا سبايدر على موضوعك الجميل

شكرا مصراوى & سنو وايت & توتا & تيتانيك & عندليب على مروركم وردوكم