خــديــنى معاكى ع الجـــــنة

ياريتك فجر في عيوني

أنام وأصحى على حبك

ياريتك جوه في جفوني

وصوتي يوصل حرم قلبك

أنا نفسي أكون توبة

متشوففينيش ف يوم ذنبك

ولو ضلت نجوم الليل

من الحيرة اللي ساكنانا

تكوني نورى وأكون ضيك

ودموعك في خشوع تبكيني

وأنا أتألم

وتبقي لي ملاك طاهر

يخلص روحي من خوفها

وأكون عفوك

ندى صوتك يرطب وشي بكفوفه

ويحضني 00 يطمني

يخليكي تكوني كلي

يخليني أكون منك

ويهديني لسكة نفسي أمشيها

يكون فيها الأمل قلبك

يقابلني بشوق يشبعني

ولهفة روحك لروحي ألاقيها

تقولي طوبي

لحب تانى يسكني غير حبك

***

ياريت أقدر أكون زهرة

في وسط جنينه فواحة

وأبص لفوق 00 بقد الشوق

ألاقى سحابة تتهادي ف حضن الشمس

وقلبك منها بيمطر

فأتمنى أكون أكبر

عشان ولا نقطة تتبعتر

وفجأة الاقينى مالي الكون

وحبك نهر يرويني

وأدوب فيكي عطش ليلي

وأقول تانى

ياريتك فجر ف عيوني

ياريتك شمس في صباحي

وأشوفك حلمي في منامي

وأنا صاحي

يلازم طيفك الطيب رموش عيني

ولما أغفل يحصيني

في أدان الفجر 00 يرسمني

بصيص من نور 00 ويرسلني

من ضيا شمسك شعاع صافي

يدفيكي 00 وأدوب فيكي

***



وبتمني 00 أكون نسمة رضا جواكِ

تداوى ضعف جوايا

وأحضن فرح عشته معاكِ

وأقول لجروحي دى كفاية

وبتمني تكوني نني ف عيوني

وما تغيبي على في يوم

ولا ساعة ولا ثانية 00 ولا في النوم

وأغطيكي 00 وأدفيكي

برمش عيوني 00 وجفوني

وأشوفك دوم قصاد مني 00 وف النني

حبيب مقسوم

وزى مأنتِ في عينه

أكون ليكى وتكوني كمان ليه

ونبقي حمام في بنية

وتوب سترك ولبساني

دا حبك والله خلاني

أعيشك حلم وحقيقة

وخلاكي قبلة قلبي البريئة

***

حبيتك فجر في عيوني

يمنيني أماني كثير

لقيتك بدر متحني

يبشرني ببشرة خير

ندهت عليكى 00 أستني

خدينى معاكى ع الجنة

عيوبي كتير 00 لا كنى

معايا الصدق في النية

وخوفي عليكى في عنيه

وقلبي كبير

يا عشق العمر بتمني

أعيش وياكي في الجنة

* هناك حنلاقي أحلامنا

حقيقة بجد قدامنا

بدون تحريف 00 ولا تزييف

بنفس الصورة ف خيالنا

* هناك يا عيوني ف الجنة

مفيش أحلام ترهقنا

تمنينا 0000 وتخدعنا

ولا تؤلمنا و تعصرنا

وترجع تانى 00 تغرقنا

في بير أوهام

* هناك يا عمري ف الجنة

نعيش حريين 00 نعيش في أمان

بلا حسبان 00 بلا أزمان

ومش هايبين 00 من أيا كان

يسرق منا أحلامنا

ويهرب بيها للنسيان

ومفيش أيام



تعالي حبيبتي بالأحضان

ودعينا نفجر البركان

يا فجر لاقيته ف عيوني

خــديــنى معاكى ع الجـــــنة



خــديــنى معاكى ع الجـــــنة



خــديــنى معاكى ع الجـــــنة



خــديــنى معاكى ع الجـــــنة

أكثر من رائعه
كلمات ومعانى رائعه من احساس اروع
مشكوووووووووور

ياريت أقدر أكون زهرة

في وسط جنينه فواحة

وأبص لفوق 00 بقد الشوق

ألاقى سحابة تتهادي ف حضن الشمس

وقلبك منها بيمطر

فأتمنى أكون أكبر

عشان ولا نقطة تتبعتر

وفجأة الاقينى مالي الكون

وحبك نهر يرويني

وأدوب فيكي عطش ليلي

وأقول تانى

ياريتك فجر ف عيوني

ياريتك شمس في صباحي

وأشوفك حلمي في منامي

وأنا صاحي