امسكى التليفون :101: واقعدى ادى رنة على كل ال
تعرفيهم ولما تخلصيهم كلهم رنى على ارقام غريبة
واللى يتصل بيكى قوليله أووووف انا مش رنيت على حد.
****
اطلعى على السطوح وافرشى حاجة كبيرة وناميلك
شوية فى الشمس لحد ما يجيلك ضربة شمس وتنزلى
تتخمدى وتريحى الناس كلها.
****
كل ما تزهقى روحى عند المراية وقصى حتة من شعرك
بس حتة صغننة وان شاء الله على أخر اليوم هتبقى( أرعة) ههههههه.
****
اتصلى بكل اصحابك كل واحدة لوحدها كأنها بس هى ال خارجة معاكى
واتفقى معاهم على مكان معين ومتخرجيش انتى وخلى حد منهم أخر اليوم يحكيلك
على يومهم كان عامل ازاى أهو على الاقل تلاقى حد يشغل وقتك.
****
أدخلى على الأوضة بتاعتك واعملى واحد مكياج جامد على سنجة 10 كأنك
رايحة فرح مهم أوى ولما تاخديلك من 5 الى 6 ساعات , أقنعى نفسك
انك وحشة ومش هتتعبى فى الاقتناع وادخلى خدى شاور
وابدأى من جديد.
****
اطلعى وانزلى سلالم البيت 50 مرة ولما تخلصى وظهرك يتقطم
من الطلوع ومن النزول هتخسى شوية وطبعا ده فى مصلحتك
وبعد التعب ده كله اغصبى على نفسك ياخفة وامسحى السلم
مكان ما وسختيه.
****
هاتى مسجل" كاسيت " وامشى فى البيت كله وسجلى كلام ماما
وبابا واخواتك وكل الناس الل عايشة معاكى وكمان سجلى صوت الهوا برا
البيت وكررى الموضوع ده لمدة اسبوع وبعدين اقعدى اسمعى الشريط
وطلعى اوجه التشابه والاختلاف.
****
امسكى الريموت الكنترول بتاعكم وضيعى كل القنوات واعملى بقى
فيها ناصحة وحاولى ترجعيها تانى بالظبط فى الترتيب ونفس القنوات
وابقى قابلينى لو عرفتى ترجعى حتى قناة دريم.
***
spice
تحياتى
albward
